#شاءت_الاقدار٣
#زينب_الموسوي
كما الاحلام تنتهي وتمضي كذلك الايام في حياتنا
يوما بعد اخر تزداد حيرتي
قيس
بعد عملية سامي بقى على علاج مكلف جدا وكذلك والدي كان محتاج عمليه لعيونه وبديت اجمع المال لعمليته وميلاد كانت تساعد وتسكت وتصبر واحاول احيانا اعوضها بكلمه بطلعه النا سوا والسوال دائما الى متى ننتظر والي زاد الوضع سوء هو التالي كنت راجع للبيت الغروب لگيت اختي دعاء وطفلتها ميساء عدنا وجهها. وجسمها مضروب بلا رحمه
ام قيس دعاء اختك رجلها النذل سمير ضاربها وماخذ ذهبها ومطلگها
قيس ليش هيج سوا احجي دعاء اريد اسمع منج حتى اعرف اتصرف
دعاء شتريدني اكول شوف وجهي شمسوي بيه مخبل ماادري يتعاطى حبوب دخل للبيت گلي انطيني الذهب ماقبلت انطيه ضربني وطردني. وهو يصيح بالشارع انتي طالك
قيس يوسف تعال ويايه
ام قيس يمه قيس وين رايح
قيس وخري عن طريقي يمه يله يوسف گوم
ميلاد كنت بالمطبخ وشفت قيس ويوسف راحوا على سمير دعاء مشاكلها مستمره ويه زوجها لكن هالمره ضاربها بشكل قاسي
ميلاد يادعاء قابل هذي اول مره هسه تكبر المشكله وبعد ميرجعج
دعاء ماريد ارجع واذا رجعتوني احرك نفسي حرام عليكم
ام قيس ولج تريدين تطلگين منو الج منو اليصرف عليج انتي وبنتج قيس ناقص مصايب
دعاء يمه انتم الورطتوني بهذا الزواج وهسه تتبرون لاتخافين بعدني بحيلي اشتغل لو خدامه بالبيوت وماارجع
قيس وصلنا لبيت سمير هو بيته ايجار مالگيناه الجيران گالوا محمل الاغراض وساد البيت بقيت اغلي ردت اطلع قهري بيه رجعنا للبيت المناحه مستمره
قيس كافي دعاء على شنو تبجين على هذا الحقير اكعدي بيت ابوج وارتاحي ولاتفكرين بشي اني موجود وسمير الگفه وين يروح الا اسوي وجهه شوارع ابو العرگ تعالي ميساء نروح نشتري نستله
كافي تبجين دعاءخبلتي الطفله مو كافي وجهج مگلوب خارطه
بقت دعاء يمنا ويوسف تخرج من الاعداديه وبدا يشتغل بالعطله
ميلاد صار شهر تبتعد عني تطلع قبلي للدوام بيتنا متدخل لان دعاء تداري سامي وتهتم بوالدي وبالليل انتظرها تطلع نسهر متجي واذا ادگ الباب اسال عليها عمتي سبيل تجاوبني نايمه وتعبانه
ميلاد عمري صار ٢١ سنه من عمري ١٦بدا حبي وعلاقتي بقيس خلصت تجاره حتى اشتغل
وحاليا بديت اخدم ببيوت الدكتورات الي ويايه بالمستشفى ومرات ينطوي ملابس مرات اغراض قديمه ابيعها قيس ميعرف عمتي
تعرف واتفقت وياها متگول
قيس اليوم خميس دبرت فلوس عملية والدي وكنت معزوم بعرس لصديقي للحظات بالزفه تخيلت هذي. زفتي وينتهي هذا الصراع داخلي الي يدفعني مره للتفكير اترك ميلاد تشوف حياتها ومره يدفعني احبها اكثر رجعت للبيت مااگدرت ابقى بالعرس تمنيت اشوف ميلاد
وتحققت امنيتي لگيتها بالممر
قيس طول الطريق ادعي ارجع اشوفج
ميلاد صار ساعه منتظره هنا وين چنت
قيس جنت بعرس صديقي
ميلاد من يگول جنت بعرس اشو ضايج
قيس صدوك ضايج اگلج بدلي وتعالي نروح لخضر الياس نعلگ شمعه وسط النهر كل الشباب والبنات يروحون هناك
ميلاد انتظرني نص ساعه
أنت تقرأ
شاءت الاقدار
Romanceقصه حب بين شاب من اصل فلسطيني يعيش في العراق وبنت عمه تصدم بجريمه اغتصاب وصعوبات اخرى القصه حقيقيه وجديده وقد تكون اخر قصه انشرها وذلك لظروف خاصه قد تطول وقد تقصر
