شاءت الاقدار

شاءت الاقدار ٦

تصويت على البارت بعد القراءه
#شاءت_الاقدار٦
#زينب_الموسوي
ركزت على ظهر سامي بيه اثر عمليه بارزه
سحبني حيل واخذني من يم مي ودخلني لبيتهم واني كوه اجر النفس
ايده من تلزمني افز
ميلاد سامي انت الي اغتصبتني هسه تذكرت كنت اضرب على ظهرك وابعدك عني واثر العمليه اتذكره هسه شفته واتذكر صوتك تگلي احبج
صرخت انت انت ماكو غيرك لامسلحين ولاغيرهم انت نذل حقير
ركض سد حلكي ودفعني للصاله
قفل الباب
سامي ئي اني احبج صار سنين كنت مريض واحلم بيج تجين تضربيني ابره تشعلين داخلي الف شيطان
ردتج تحسين مچلبه بهذا الجربوع قيس
ايده كانت على حلگي وايده الثانيه حول رگبتي سحبني عليه
سامي افتهمتي هسه ميلاد احبج ومتصيرين لغيري مثل ماخليتهم يخطفوج مستعد اقتل قيس اذا فكرتي تحجين لو تتزوجيه
الي صارحبيتيني وحببتج وماتحملنا سلمتيلي نفسج هذا الي راح يفتهمه قيس واهلي ونتزوج ولج راح اشتري بيت الج تعيشين ملكه بگد وزنج البسج  ذهب وماس انومج على حرير
وخدم تخدم هذي الادين الحلوه
خبلتيني وانتي تصيحين قيس
لج هو لو يحبج يعوف كل هالانوثه والاغراء ويسافر
بحجه يبني غرفه ولج انتي المفروض اليحبج مينتظر دقيقه واني منتظرت
وخر ايده بطء
ميلاد صرخت وضربته برجليه
الله لاينطيك كلب لك اخوك سنين يحبني ويتمنى اليوم الي يتزوجني لك تخطفني وتغتصبني حتى ميتزوجني هسه اقتلك متظل عايش اباوع الصاله مابيها غير مزهريات اخذت وحده اضربه وگعها من ايدي وجرني للگاع صرخت عمي عمي يوسف
سد حلگي صيحيهم اصيحهم اني والله اخليهم هسه يطردوج بالشارع
لاتخليني افر السالفه عليج وانكر حتى اني جنت وياج
ميلاد اني مجنت وياك انت خدرتني واغتصبتني
سامي ولج احلى ليله بعمري وانتي شاربه حبوب الهلوسه ومره تبجين ومره تضحكين تعالي نطلع اخذج لبيتي الجديد ونسهر للصبح
ميلاد والله مجاي اصدك ولك ليش هيج اني عرضك بت عمك خطيبه اخوك المتغرب حتى ياخذني شنو هالحقاره ولك بيدي كنت اعالجك واداريك وقيس يشتغل واديه دهن وبانزين حتى يجيب علاجك شگول شحجي منو يصدك
سامي ها گلتيها محد يصدكج استري على روحج ولاتخليني اكتل قيس والله اسويها طلقه وخلص تنجبين وتسكتين يرجع تگوليله مااريدك واني ازوجه وحده وبعدين نتزوج
ميلاد لو اموت لو يسحلوني بالشوارع يگطعوني تگطع ماتزوجك
سامي يجوز حامل انتي اذبحج اذا ذبيتي ابني
طلعت من الغرفه شافتني دعاء
ظلت تهلهل ربح قيس
طلع هو گالها بعد وكت على الهلاهل ويضحك
ركضت للغرفه مي. كانت بالحمام وعمتي نايمه اخذت جنطتي وبدلت وطلعت من البيت براس الفرع كان ولد جيرانا نعرفه عند تكسي
سالته
تاخذني لبغداد الجديده
هسه الوقت متاخر وازدحام ساعه منوصل
ميلاد على راحتك اخذ تكسي
ضروري هسه تروحين
ميلاد بلي ضروري
اخذني ل بيت رجل امي هناك
وصلت بالتسعه بالليل
دگيت الباب طلع رجل امي هو  اسمه جميل
تفضلي عمو
عمو اني ميلاد عرفتني
بلي عمو تفضلي امج نايمه جوى
دخلت امي نايمه بالهول والبيت هوسه وهي عندها ولد وبنيه ايات ومحمد
امي ها يمه ميلاد شبيج خير همزين اجيتي مريضه وااجهال بدون عشى
ميلاد سلامتج يمه شبيج
امي ماادري سويت فحوصات وبعدها مطالعه النتيجه
استلمت الشغل والطبخ افتر بالبيت وابجي اجيتها اشكيلها حتى الشكوى عزت عليه
ناموا كلهم وظليت سهرانه احط احزان واشيل اهات
الي عرفته حتى ميتصدگ اخ يغدر باخوه وبنت عمه ويتمنى اكون حامل منه
فتحت الگلوب بغرفه الاطفال وگفت گبال المرايه اراقب بطني اخاف كبرت
مااعرف بياهم خلص الليل گعدت الصبح عمو جميل جايب صمون سويتلهم ريوگ وراحوا على شغلهم جميل مدرس
وايات بالسادس ابتداىي ومحمد اول متوسط
ريگت امي سالتني شبيج محجيتلها لان امي تعبانه ومريضه
ميلاد مابيه شي بس مشاكل بيت عمي ومي تعاركت ويايه واجيت يمج كم يوم
امي وشغلج عفتيه
ميلاد عفته صار كم يوم باجر احاول اروح اشوف فصلوني لا
امي وقيس يمتى يرجع وتتزوجون
ميلاد سالفه بعيده هذي بعد مااگدر اتزوجه
امي والله زين تسووين شوفي دكتور صيدلاني واخذيه قيس فگر ابن فگر
ميلاد نامي يمه نامي لاتشيلين هم
ثاني يوم رحت للدوام فهمتهم مريضه واخذت اجازه
طول الطريق محتاره شسوي قيس مااگدر اگوله الحقيقه سامي عنده استعداد يقنعهم كان بارادتي واحتمال يقتل قيس
رجعت للبيت طبخت رجع رجل امي دخل للمطبخ
شاف الطبخ
سالني انتي طبختي
ميلاد بلي عمو اصبلك
لا انتظر الاولاد شدعوه هالگد ثارمه خيار بالسلاطه
وهذا التمن هوايه
ميلاد طبخت ليومين
هم هوايه هو راتب شيصير للاكل للدكتور للمولد
كان رجل امي ميهون عليه المي الي بالحنفيه انشربه
بقيت يومين طلعت فحوصات امي سليمه وگالتلي
امي يمتى تروحين لبيت عمج
جميل گرع راسي كل شويه يسالني يكول مماخذ راحتي بالبيت
ميلاد والله كنت منتظره تصيرين زينه واروح هسه اطلع الله وياج
طلعت الظهريه التفت على الباب يمكن تصيح وراي ارجعي
صعدت كيا للگراج ورجعت لغرفه عمتي
تلگتني عمتي
وين جنتي سامي ويوسف متحلفين بيج
ياريت يقتلوني واخلص شنو هذي المحابس منيلج
سبيل سامي شتراهن اليه
ميلاد يا بالعافيه ومي شنو هذي ملابس جديده

مي  سامي اشتراها وين جنتي عدمن بايته
ميلاد عند امي اسالوا الولد غفار وصلني لبيتها مريضه وداريتها كم يوم
سبيل شبيها ام الرجوله اصحى مني
العصر عرف يوسف وسامي راجعه وعادوا عليه نفس المقاله انذبحح ونقتلج
يوسف انضم للمسلحين ويحجي كله بالقتل ويروح ايام عن البيت يله يرجع

قيس وصلت لمطار اربيل من عمان متلهف لشوفة اهلي وميلاد والعراق كله
الحمد لله عندي فلوس اشتري سياره
واستقر 

ثاني يوم وصلت لبغداد الظهر فتحت الباب امي حضنتني وظلت تبجي واني بجيت جتي عيني على غرفه عمتي سبيل مسدوده ليش ميلاد مخبروها اخواني بجبتي امي سحبتني للبيت
قيس يمه اشوف ميلاد واجي
امي مريضه يمه تعال ارتاح وبعدين شوفها
دخلت دعاء والدي سلموا عليه يوسف ماموجود وسامي طالع بيت جديد
منين جاب الفلوس بعد ماسلمت عليهم نفذ صبري
قيس رايح لعمتي وميلاد اسلم عليهم
امي عمتك ابيت سامي اندارت وياه محتاجها هناك والبنات وحدهن
قيس اروح اشوفهم

ميلاد اندگت الباب ادري قيس سمعت صوته فتحت مي
سلمت عليه وبچت
قيس شبيكم منو يشوفني يبچي شنو اخوف اخلس ماادري هههه كافي لج مي
كنت ممدده رجليه بفراشي سحبت البطانيه عليه وتغطيت ونمت
مي طلعت من الغرفه
دنگت راسي وهو ركض يمي ميلاد
الدنيا موت بدونج
بچيت اجى عليه يبوسني ويشمني واني مخنوگه بالدموع ودي اصرخ اديه مااگدر امدها عليه وهو يگلي احبج ياعمري هاي رجعت وهذي اخر يوم تباتين بعيد عني باجر زواجنا شبيج ليش متبوسيني متباوعين عليه صدوك مريضه سلامتج اشو باوعيني رفعت عيني

كل ماتمنيت يوما
تلك العينين تضمني
كل ماحلمت تلك الانفاس تمتزج بانفاسي
ونكون معا
ميلاد قيس روح ارتاح هسه مبين عليك التعب
قيس انتي راحتي ميلاد تعالي لحضني خلينا سوا
تعالي نامي يمي
تغطى ويايه وراسه على خدي ويحجي
باجر حبيبتي تكونين اليه ونسهر للصبح سوى احجيلج عن عذابي وغربتي
ميلاد دگوم هسه وبعدين نحجي
قيس شبيج ميلاد وين لهفتج عليه ها
حتى ايدج مالمستني

ميلاد مريضه قيس ومااگدر اتزوج هسه
قيس بسيطه نسوي الزفه وانتظرج تطيببن حتى لو سنه كافي بعد مااگدر بعد
ظل يحجي واسمع غفى يمي وحاضني
اتمنى توگف الدنيا وتنتهي واني بحضنه
ماعندي قوه انحرم منه
سمعت صوت سامي برى فزيت من مكاني
وقيس فز يريد يعرف شبيه
شبيج فزيتي
ميلاد سامي وصل وعيب يشوفنا سوا
قيس سامي وينه
صاح سامي تعال فوت ولك مشتاقلك
دخل باوعني واگفه بنص الغرفه وقيس متمدد
نزل عليه ابو فقار اخيي حبيبي
قيس لك هاي شنو شصاير نعله على گلبك عفتك ضعيف مريض
سامي وانت شنو هاي صاير شايب وسمين بس ابيض من قبل
اسمعهم وابجي
سوده عليه قيس لو ميته ولا صار الصار بيه وبيك
قيس متگولي هاي شبيها بس تبچي
سامي مكر النساء وحتى تفهمك هي ضحت وانتظرت ترى مو تصدگ متونسه وطلعات وطبات وملابس اشكال الوان معليك من النسوان وداعتك چذابات
قيس ههههه الا ميلاد دموعها اصدق دموع
سامي يله نطلع شعندك هنا اخذك لبيتي
قيس لا خليني يم ميلاد وباجر نتزوج اعتمد عليك سامي عزيمه بسيطه وخلي نفضها
سامي دتعال يم والدي نتفاهم
قيس يله ميلاد تعالي ورانا حتى انطيج المهر
طلعوا قفلت الغرفه  ذبيت نفسي على
الفراش ابچي بكل قوتي وحيلي
شنو مصيري
يارب سهل عليه وعلى قيس المصيبه