#شاءت_الاقدار٢٠
#زينب_الموسوي
الاستعداد للحفله السبت
نزعت الاسود
وغيرت الاستايل المعتاد بفستان احمر طويل وشال طويل يستخدم للحفلات
كان قيس والاولاد بالحديقه
طلعت صحتهم
ميلاد قيس جيب السنافر ابدللهم
نظرلي نظره خاطفه ودنگ على السنافر شالهم
دخلوا للبيت
قيس اخذي الجهال بدلليلهم
ميلاد ساعدني انت عمر واني فقار
قيس اخذتي العاقل وانطيتيني الوكح
ميلاد اثنينهم وكحين گول انت متعرف تبدل للسنافر
قيس واذا سبقتج وخلصت قبلج
ميلاد يله نشوف
قيس تعال بابا عمر
شاله وركض للغرفه وقفل الباب
وهو يضحك
من اسمع ضحكته
مثل الي عنده جناح وطار.گلبي
ميلاد اليغش خسران
طلع مبدل ال عمر
قيس فوتي بدلي لفقار بين مااخلص
بدلنا كلنا
ميلاد يمه اخاف تنحسدون انت ولدك
قيس على شنو ننحسد الهم البينا يطرد العين لتخافين
ميلاد قيوسي خلينا اليوم بلا هم وحزن
ناخذ جهالنا ونتونس بالحفله ونرجع منفكر بشي
قيس اوكي
قيس انتبهت على ميلاد
گالت كلمه جهالنا وهذا الشي فرحني ان معتبرتهم اطفالها
وصلنا الحفله كان فقار يمشي ويايه
وعمر وياها من دخلنا العوائل كل زوجه. لازمه زوجها من ساعده بيدها ويمشون مثل العرسان ميلاد سوت نفس الشي
التفت عليه كانت تتصور التفت الها لكن مااگدرت
اكاد افضح
من شده الفرح
اشحت نظري عنها
لكي لا تعلم
حلم قديم انا وانتي معا نسير في عرس
نهايته تكونين لي
دعيني واحلامي ولاتعبثي بي من جديد
قيس اجواء الحفله كانت حلوه
والاطفال تونسوا
گعدنا مع الدكتوره وام عيسى وشذى واولادها
الدكتوره يوم الج ميلاد
شذى انشاالله والله لسويلج حفله مثل هذي
قيس دخلي تلگه عريس اول ههههه
الدكتوره ليش متلكه
بدت الدكتوره تالف افلام
اصلن المحامي الي قدملها لجوء تخبل عليها ومن عرف ممتزوجه كلفني احجي وياها بس ميلاد رفضت
باوعني قيس ابتسمت وسكتت
شذى وسعاد البنيه الي تشتغل ويانا بالحضانه هم خطبتها ل اخوها وميلاد مقبلت مو صحيح ميلاد
ميلاد ئي صحيح
ام عيسى ميلاد تفكر بالجهال متگدر تعوفهم
الدكتوره السالفه محلوله بس قيس معقدها
قيس اني ماافكر بالزواج وميلاد سبقت وگتلها تريد تتزوج مااگوف بطريقها
ميلاد اني هم مااريد اتزوج
رغم ان جواب قيس مافرحني ماخليته ياثر عليه ادري مو سهله عليه يفتحلي گلبه من جديد
قيس
مااتصور سهل ارجع احب ميلاد
وهي الي خانتني ويه اخويه وماحفظت غيبتي وضحكت اهلي وناسي عليه
ميلاد تجمعت الرياجيل بالحفله والنساء
وقيس كان يتعرف على ناس اول مره وكان يضحك من كل گلبه ومن ابتعدنا بقيت اشوفه من بعيد وكل مره الگه عيونه تدورني
كافي تكابر والله تعبت
طلعنا من الحفله السنافر نايمين واحد على جتفه والثاني على جتفي
ميلاد اترك السياره وخلي نتمشى
قيس الطريق ربع ساعه وذولي نايمين
ميلاد الليل حلو خلينا نتمشى
قيس يله نتمشى
الطريق كله تمنيت نكون متزوجين فعلا وذولي اولادنا
ميلاد بشنو تذكرك هذي المشيه بهذا الطريق
قيس طلعتنا للشغل كل يوم اني وياج نوصل مي للمدرسه واوصلج للگراج
ميلاد تتمنى ترجع ذيج الايام ونمشي سوا اني اتمنى
قيس ياريت ترجع متدرين شگد محتاج اشوف مي واشكيلها
ميلاد اعتبرني مي وميلاد الي ماتت واشكيلي
قيس مراح تتحملين تعيشين بديل
ميلاد لخاطرك ياما تحملت ولحد الان متحمله
سكت مارد
ميلاد قيس ياما اتمنينا نكون سوا وهسه احنا سوا اخذ وقتك ورجعني لگلبك حتى باسم مي موافقه
قيس اتفقنا اليوم بدون قهر ليش تقهريني
ميلاد معاش الي يقهرك مثل متحب الليله بدون قهر
قيس شتوكليهم الاطفال اشو ثگال
ميلاد صلي على النبي لاتحسدهم
قيس اليوم انتي طالعه حلوه مثل ميكولون الامريكان مثل المليون دولار
ميلاد ههههه لا الفستان ب١٥٠ والحجاب ٤٠
قيس والصبغ بقية المليون هههههه
ميلاد انت الي مليون واكثر
قيس تغزلي تغزلي واني مطنش
ميلاد يلوگلك قيوسي
وصلنا البيت ودخلنا كل واحد بغرفه
ارتميت بفراشي تعبانه وافكر بيه
ياترى هو يفكر بيه الله اليدري
أنت تقرأ
شاءت الاقدار
Romansaقصه حب بين شاب من اصل فلسطيني يعيش في العراق وبنت عمه تصدم بجريمه اغتصاب وصعوبات اخرى القصه حقيقيه وجديده وقد تكون اخر قصه انشرها وذلك لظروف خاصه قد تطول وقد تقصر
