#شاءت_الاقدار١٨
#زينب_الموسوي
مرت شهريين على وفاة مي
فقدت القدره على التحمل وفقدت ايماني تركت صلاتي وهجرت القراءن شغلي هامله اروح اسجل ساعات وبس لحد الرجال طردني
ميلاد بقيت ابيت الدكتوره يومين
الدكتوره ميلاد ارجعي للبيت وحاولي تطلعين قيس من حزنه
ميلاد دكتوره مابيه حيل اريد احزن على اختي ومااريد افكر بحال غيري
الدكتوره ميخالف ارجعي يمكن قيس يحتاج يشوف اطفاله
رجعت
عزلنا نفسنا واحد بعيد عن الثاني
نمارس حزننا كل في زاويه مختلفه
حتى من اطبخ اوكل الاطفال وانسى نفسي واترك الاكل لقيس
الگاه باقي بمكانه
هملت البيت ونظافته وحتى الاطفال حسيتهم بعيدين عني
اختي من ماتت اخذت مني الرغبه بمواصلة الحياة وباقيه اعيش اليوم بيومه لخاطر الاطفال وماافكر باجر شيصير
قيس
الدنيا اذتني هوايه خايف اواصل حياتي ويصادفني جرح اكبر عايش على الهامش حتى اطفالي ماتقرب منهم اخاف اتعلق بيهم وحضي يغدرني بيهم من جديد اف
وجود ميلاد بالبيت عبء ثاني وهي تاخذ دور المضحيه ل اطفالي واليه
مجرد النظر الها يتعبني مااريدها تبقى هذا مو مكانها دورها انتهى لازم تتركني وتترك اولادي
بديت اضيق الخناق حولها
في يوم راجعه ميلاد والاطفال من الاسواق هي متسوق تاخذهم بالعربه وتمشي ومرات الدكتوره او شذى يوصلوها
وصلت عند الباب نزلت فقار من العربه ضل يصرخ وبدت تنزل عمر
ركض فقار منها للشارع ركضت وراه وشايله عمر خافت عليهم من الشارع
شالتهم اثنينهم ودخلت للبيت وهي هلكانه
قيس ليش يبجي فقار ضربتيه
ميلاد مااضربته يريد ادفعه بالعربه نزلته ظل يصرخ
قيس وليش هيج كامشته عبالك حيوان متعرفين تشيلين طفل لاتشيليه سمعتي انطيني ابني
ميلاد
اخذت اولادي و بين هي متدخل الاكياس
ا وسمعتهامتعمد
لاتبچي بابا هو الموت ياخذ الزينات
طلعت ورگعت الباب
مرت عشر دقايق يله دخلت
راحت للمطبخ راحوا فقار وعمر يمها
همه متعلقين بيها اكثر مني
ميلاد
اريد اخذ قرار بحياتي وماعندي اراده تشجعني
قيس تحول لانسان عديم المبالاه بالمقابل كلامه جارح
اتمنى اخذ الاطفال واطلع. واعرف مراح ينطيني الاطفال
كل ماواحد من الاطفال يبجي يتصور ضاربته او ماذيته
احنا منكون سوا غير الاحد والسبت اعزل ابقى بالغرفه والاطفال يمه مرات يطلع لوحده مياخذ الاطفال
وهذا الشي يضايقني مثل الي ميريد اطفاله بدينا نفرغ قهرنا واحد بالثاني يمكن كنا نريد نثبت لانفسنا ممحتاجين نبقى سوا واني الي بديت
كنت اطبخ ودخل وخر الجدريه وخله القوري للچاي
ميلاد شدتسوي مو اكو عين ثانيه خلي عليها القوري
قيس هذي اسرع
ميلاد واني لازم انتظر اني هم اريد اخلص شغلي وارتاح
قيس على كيفج متسوى تصيحين طالع اشرب چاي بالمقهى
ميلاد اخذ الجهال وياك شويه حس بمسووليتهم
قيس اخذ الجهال بشرط تطلعين من البيت ومااشوف خلقتج انتي هنا لان مي وصتني اخلي الجهال عندج افتهمتي
ميلاد انطيني يومين اطلع وااجهال بيني وبينك
قيس موافق
خبرت الدكتوره
ميلاد اريد مكان وبسرعه
الدكتوره هيج وصتج المرحومه شبيج ميلاد هذا مو طبعج وين انسانيتج
اني يوميه اشوف قيس وهو طالع للشغل حتى ملابسه مبهذله اهتمي بيه شويه هذا هم يخصج وابن عمج
ميلاد واني دكتوره منو يهتم بيه تعبت والله اطفال اثنين ومحتاجين هوايه شغلات قيس شغله قليل واني اقامه ماعندي سياقه مااسوق مصايب هوايه عليه اريد احد اشكيله ويطلعني من وضعي هذا
حتى گبر اختي مرحت يمه مااگدر اشوف گبرها
الدكتوره ميلاد الغربه صعبه وفقد انسان عزيز يصعبها اكثر تحتاجين الناس حولج اشتغلي واهتمي بالاولاد واقتربي من قيس تخف عنكم المعاناه
بديت اشتغل بحضانه والاطفال ويايه وادرس العصر والاطفال اخذهم لرعايه مجانيه وارجع الغروب
عايشين سوا مع ذلك منحجي سوا
وكل واحد يبتعد عن الثاني بالقدر الممكن
نايمه بالليل سمعت الباب ااخارجي انرگع حيل گعدت
ميلاد متعرف نايمين شدعوه هيج تركع الباب
قيس اسف والله نسيت
ردت ادخل انام
قيس ميلاد اذا گعدتي
سويلي چاي وتعالي نسولف
ميلاد الساعه وحده بالليل عندي شغل الصبح
عفته ودخلت نمت
بعدها بيومين تلاگينا وهو يطلع الضهر
قيس رايح للمقبره اشتاقيت لمي تجين ويايه
ميلاد جان گتلي البارحه هسه رايحه للمقابله على الاقامه
قيس على راحتج
أنت تقرأ
شاءت الاقدار
Romansaقصه حب بين شاب من اصل فلسطيني يعيش في العراق وبنت عمه تصدم بجريمه اغتصاب وصعوبات اخرى القصه حقيقيه وجديده وقد تكون اخر قصه انشرها وذلك لظروف خاصه قد تطول وقد تقصر
