اودكم على خير وراح اغيب فتره #شاءت_الاقدار ٢٤
#زينب_الموسوي
قيس بقيت على موقفي خمس ايام
تركت العمل والناس اروح للبيت اشوف اطفالي يروحون للمدرسه
اوديهم عند الدكتوره وارجع ابقي يم ميلاد لحد الليل يطلعوني ابات بالشارع
الدكتوره في اخبار جديده عن ميلاد
قيس نفس الوضع وشوفتها وهي بذاك المكان هدت حيلي
الدكتوره البارحه اتصلت بيها فهمتني قيس بعد لايجي اخاف عليه يوميه يبات بالشارع
قيس مااگدر دكتوره مكانها مو امان وناس مرتكبه جراىم قتل واغتصاب وسطو مسلح
الدكتوره اروح وياك اليوم وصتني اجيب الاطفال تشوفهم
ميلاد وصلوا قيس والدكتوره وجهالي
شوفتهم وهمه ماسكين بملابسي ويفركون عيونهم من البجي كسرت گلبي
ميلاد لو ادري ماخليتكم تجيبوهم اشوفهم بس والله طگ گلبي عليهم
الدكتوره جبتلج شوية فيتامينات ومقويات وجهج اصفر
ميلاد ماتقصرين دكتوره
شفتي دكتوره انتي اكثر وحده عاشت ويايه وحست عذابي هاي النهايه انحرم من رجلي وجهالي
قيس ميلاد من يرحلوج نسافر وياج وانعل ابو امريكا
ميلاد البنات هنا يكولون الي ماعنده بلد ميرحلوه يبقى محتجز هنا على طول
الدكتوره اني اگول نشوف محامي غير هذا نختار واحد من الجاليه يحلها النا
قيس تعرفين احد معين دليني عليه
الدكتوره تعال ويايه اليوم نروحله للبيت رجال چبير ويفهم
طلعوا وگوه شلعوا الاطفال من اديه
باليل اختنگت دارت الدنيا بيه
تقيات تصورت من اكلهم او من الفيتامينات
ساعات واني اتالم لحد نقلوني لمستشفى
قيس ودتني الدكتوره على محامي عراقي كبير بالعمر ابيته اسمه
غالي
غالي اول شي نتحرك على موعد للمحاكمه وبعدين نستخدم الاطفال ورقه للضغط
دگ تلفوني جاوبت المستشفى
قيس زوجتك حامل وموجوده بالمستشفى
سديت التلفون سالتني الدكتوره
شبيك قيس وجهك الوان صار
قيس ميلاد حامل وبالمستشفى
غالي فرجت نطلعها بسبب صحي وتنتظر المحاكمه يله نروح
قيس
وسط الياس انولد امل
وصلنا عند المستشفى
ميلاد كانت متعبه وحزينه
قيس ميلو حبيبتي انشاالله راح تطلعين
ميلاد صدوك قيس اطلع عفيه مااريد اجيب طفلي بالسجن
قيس في محامي اسمه غالي قدم استعطاف . نطلعج لان مريضه لموعد المحاكمه
بقيت وياها بالمستشفى
واتصل غالي
غالي قيس حصلتلها موعد محاكمه قريبه والقاضيه بنيه انشالله تنظرلها بعين العطف
قيس استاذ شوكت المحاكمه
غالي باچر الضهر. انشاالله
قيس ميلو بكرى المحاكمه راح احضرها ويايه الاطفال والدكتوره وكل الناس الي تعرفج وتعرف مكان قصدج السرقه
ميلاد يارب تفرجها علينا
تعبت والله ياقيس تعبت وخايفه من السجن
قيس گولي ياالله
ماادري شلون خلص الليل بيا حال بيا ضيم
اخذوني من المستشفى للمحاكمه حالتي الصحيه متدهوره واعراض الحمل ظاهره عليها
شفت بالمحكمه الدكتوره وكل معارفها
والمحامي غالي
وقيس والاطفال
كانوا موصيهم المحامي يركضون عليه ويبجون من يشوفوني گدام القاضيه
وفعلا ركضوا مع ذلك بجيهم كان عفوي
القاضيه كانت امريكيه سمينه وجهه ضحوك انتبهت عليهم
القاضيه ذولي اطفالك
ميلاد اطفال اختي واني ربيتهم ميعرفون ام غيري
القاضيه خليهم گاعدين يمج
وتفضل حضرة المحامي اشرح القضيه
غالي موكلتي دخلت امريكا بصفه متبرعه لا ختها بالنخاع وتولت مسووليه مداراتها وتربية اطفالها
ماخذت من الحكومه جراء هذي الخدمات سنت واحد مع ان من حقها تطلب من الحكومه وسط مرض اختها نست تقدم لجوء ماتت اختها بقت ترعى وتربي وعدها طموح تدرس
استخدمت الرقم حتى تدرس
ماستخدمت للتسوق على اون لاين
ماستخدمته طلب مساعدات صحيه
استخدمته للدراسه حتى تعادل شهادتها ومبلغ زهيد
القاضيه ممكن اعرف المتهمه ليش تبكي
گومي انتي احجيلي قصتك
مگدرت ارد
القاضيه ناخذ استراحه
طلعوا موظفين اثنين
وقيس اجى يمي
القاضيه كانت تراقب
گامت من مكانها وصاحتلي تعالي
اجتيت يمها والحرس ويايه
دخلت غرفه مخصصه الها
گالت للحرس انتظرها برى
بقينا لوحدنا
القاضيه
الظاهر انتي مو بس الرقم اخذتيه من مي حتى اطفالها وماخذه زوجها هم
احجيلي القصه اني ام واعرف صعبه وحده تربي واحد كيف اذا اثنين
حجيت للقاضيه القصه
كل شي من موت والدي لزواج امي
الحب السفر الحرب الاغتصاب الخدمه بالبيوت الدكتوره الدراسه حادث مي دخولنا الامريكا العلاج موتها اطفالها زواجي نص ساعه احجيلها
ميلاد هذي قصتي وعندج الحكم
واو عرفت خلف هذي الدموع قصه عظيمه وامراءه قويه
امريكا تحب النساء القويات امسحي دموعج
ميلاد والحكم حضرتج
القاضيه الحكم تسمعيه بالقاعه
طلعت ويه الحرس
قيس ها شصار
ميلاد مبينه حبابه وگالت امريكا تريد وحده قويه مثلج
قيس ياربي ياالله
طلعت القاضيه صاحت اسمي حتى اوكف
القاضيه
انتي ارتكبتي جنحه بالقانون الامريكي
وباعتبار ماضريتي احد واستخدمتيها للدراسه
اتركها بدون حكم يبقى حق الحكومه
احكم السجن سنه مع وقف التتفيذ لان حامل
ملزمه
ترجعين كل سنت اخذتيه من الحكومه واذا متگدرين تخدمين خدمه اجتماعيه
توقيف قرار الترحيل عنج لكن ماالغيه
لان بلدج ماموقع معاهده مع امريكا يستقبل اللاجئين المرحلين
هذا الحكم
غالي سيادة القاضيه
الالغاء القرار يعني تطلع من الحجز
القاضيه تطلع
لكن ممكن الهجره تقبض عليها مجددا باي وقت
هذي اقامتها غير شرعيه
غالي وبالنسبه للمبلغ تگدر المحكمه تقسطه عليها
القاضيه اكيد يله اخذي الاولاد وروحي للبيت
گامت هي
واني بهتت روحي على الكرسي
ماادري البوسات منين كانت تجييني
طلعوني وقيس لازمني وصعدت السياره ومامصدكه رجعت لحبايبي
وبالسياره صوت بچي خوف الاطفال ظلوا يبچون
قيس كافي لخاطر الله شده وخلصت
ميلاد قيس مامصدكه
اخاف يجوون ياخذوني مره ثانيه
قيس مراح اگعد عن هذا الوضع لازم اكو حل ثغره بالقانون والطفل الجاي امريكي يرحلون امه وهو شلون
ميلاد اسال وشوف اكيد في حل
من وصلنا الدكتوره اقترحت نبقى بالبيت عدها
الدكتوره بين منشوف حل يمكن يجوون على العنوان في ناس عديمي الرحمه يشتغلون بمجال الهجره
قيس خلص تبقى يمج دكتوره وفضلج على راسي
الدكتوره بلا هالحجي وفوت بات عدنا مرتك صارلها سبع ايام تبچي عليك
ميلاد عزى دكتوره اني باجيه عليه
قيس يابه اني ابچي عليج
أنت تقرأ
شاءت الاقدار
Romansaقصه حب بين شاب من اصل فلسطيني يعيش في العراق وبنت عمه تصدم بجريمه اغتصاب وصعوبات اخرى القصه حقيقيه وجديده وقد تكون اخر قصه انشرها وذلك لظروف خاصه قد تطول وقد تقصر
