شاءت الاقدار

شاءت الاقدار٥

#شاءت_الاقدار٥
#زينب_الموسوي
قيس تاخر رجوعي لعدة اسباب الرجال الي اشتغل وياه كان مسافر وهو معتمد عليه بالمطعم لحد يرجع فكنت انتظره يرجع واهلي كل مااتصل بيهم يگولون انتظر لاترجع الوضع
مو امان انتظر  اهلي مهدديهم لازم يتركون المنطقه

ميلاد وعيت على نفسي عاريه بغرفه ظلمه كلشي بيه مسلوب ومغتصب
تفقدت نفسي في دم عرفته من ريحته
مااگدر اوگف على حيلي من الالم اول مره احس هذا الالم  ومااگدر اصرخ زحفت على الباب اضرب بيه
افتحوا الباب ولد الكلب شسويتوا بيه
ليش مقتلتوني افتحوا الباب افتحوا ابجي وارد على نفسي يمكن متوهمه يمكن غلطانه ومحد لامسني
لكن وجود الدم يخيب ظنوني
بقيت ابچي واضرب الباب براسي
اقتلوني مااريد اعيش
انفتح الباب ولايت بضوى قوي

دخل رجال شمر عليه شرشف
صوته مبحوح وجهه مغطيه
انتي خطيبة قيس
هزيت راسي ئي
شوفي ولج تگومين تطلعين منا ومتفتحين حلگج بحجايه كان المفروض نقتلج لكن گتلهم خلوها تعيش ويه عارها
واذا بيج خير افتحي حلكج وشوفي شنسووي بخطيبج
ميلاد اقتلوني مااريد اعيش
ايباه شريفه ام البيوت مراح نقتلج انتي
قيس واخوانه وابوه انتي شنو وحده گ........ ومتسوا
هذا الباب مفتوح واحنا طالعين اذا رجعنا ولگيناج نعرس عليج مره ثانيه
صرخت وضربته برجلي كنت اني گاعده وهو واگف
ضربني بحذائه
بنت الكلب
ميلاد الا اخبر عليكم الحكومه بسيطه
ههههه ولج ياحكومه هي اكو حكومه هسه احنا نحكم وياريت تحجين حتى تشوفين شنسوي تريدين حياة قيس تسكتين
دخل واحد ثاني شفت وجهه
ليش متكتلها هذي الحقيره
تشاوروا بيناتهم
جاوبه لعد خلي يجي ياخذها هالزباله
وفهمه على الدفع شوفي ولج منشوفج بعد بهذي المنطقه  وقيس اذا عرف انذبحه تنجبين وتسكتين مو خايفين منه لكن يصير براسنا اخو خيته ويدور شرف
طلعوا گمت الابواب مفتوحه ملابسي موجوده گمت البس هدومي حيل مابيه ارجف وجسمي كله بيه حكه غريبه راسي من الصداع اشوف الحايط راح يوگع عليه

طلعت ابالي صور اتذكرها ماادري متوهمه صوت سامي البارحه سمعته ويايه بالغرفه يجوز هذي الحبوب خلتني اتوهم جنطتي مثل ماهيه طلعت وين اروح شگول منو يصدكني
اسگت مااگدر احجي محد يصدگني الي يخطفوها ويغتصبوها يقتلوها متبقى عايشه ليش تركوني اطلع يمكن يريدون يقتلون ولد عمي من يعرفون الي صار اكيد مراح يسكتون
بس ليش ميقتلوهم هسه
راسي بعد مااگدر افكر سامي عنده موبايل اني ماعندي ورقمه انطانياه مشيت بالشارع شفت سياره كيا سالت السايق عندك موبايل خويه
بلي عندي اتصل بهذا الرقم الله يخليك مريضه ومااگدر امشي
اصعدي خويه اگعدي بالسياره واني اتصل
اتصل بسامي وانطاني الموبايل
ميلاد الووو سامي تعال عليه هسه
السايق انطاه العنوان وبقى ويايه الى ان اجى سامي
سامي وين جنتي من البارحه واليوم تعالي اصعدي شنو شصاير بيج
ميلاد سامي الحگني سامي اغتصبوني اخذوا شرفي
اگتلني سامي الله يخليك اغسل عارك انت ابن عمي مااريد اعيش بدون شرف قيس يموت اذا عرف فدوه اروحلك اكتلني
سامي اشش منو الي اغتصبوج گوليلي اليوم اسويها حرب عليهم
ميلاد لا فدوه سامي هددوني يقتلوكم اني قتلي اسهل فدوه اقتلني
سامي اقتلج انتي ضحيه بس منو يصدكج ليش مقتلوج بعد الاغتصاب
ميلاد ماادري ماادري
سامي ترى محد راح يصدكج حتى قيس راح يكول هي انطت نفسها علمود الفلوس ترى انتي المنطقه كلها تحجي عليج وناس تگول تشتغلين ببيوت مشبوهه
ميلاد سامي شتحجي انت اني لو موزينه مكان هذا حالي فگر 
سامي ميلاد منو الي اغتصبج شفتيهم عرفتيهم كم واحد احجي لاتفورين دمي شسوويت بينا دنگتي روسنا
ميلاد  ومااعرف منو الي اغتصبني كانوا اثنين وياهم مره هذا الي اتذكره سامي والله اني شريفه والله صعدوني غصب شسوي گولي شسوي اريد اموت
سامي هذا حجيج چذب المره اخذتج لبيتها تنظفين وهناك انطتج فلوس حتى ينامون وياج عبالج ماادري انتي تشتغلين بالبيوت
وهو يصرخ عليه تذكرت صوته سمعته البارحه
ميلاد سامي عبالك سمعت واحد گال اسمي ويمكن سمعت اسم قيس بصوتك انت ليلة البارحه
ضرب راسي على الجامه
سامي ئي ذبي مصيبتج عليه تبلي عليه وخلينا اني وقيس نتگاتل استحي لج  حقيره انتي المفروض تموتين
ميلاداكيد صوتك كان هناك  اتذكر شربت شي مر وكان بالغرفه في قواطي فارغه وحبوب
سامي يعني سكرانه وماخذه حبوب وجايه تتبلين عليه هسه اتصل بقيس واگله كانت سهرانه ويه ربعها ا وتريد تلبسني مصيبتها
اسكت وارجع ابجي واندب حظي