شاءت الاقدار

شاءت الاقدار ٧

اذكركم بالتصويت #شاءت_الاقدار٧
#زينب_الموسوي
سمع صوتي قيس ورجع دگ الباب حيل
افتحي ميلاد اريد افتهم شبيج من شفتيني تبچين
سامي دعوفها يااخي عوفها فد نمونه قحط
قيس مااعوفها افتهم شبيها لك سامي ميلاد اني اعرفها اخذتها بحضني وبستها ماتحركت مشاعرها شبيها معقوله تلث سنين غايب عنها ماگامت  من شافتني اريد اخذها للدكتوره مو تكول مريضه شنو مرضها افتحي الباب لا اكسره
ظل يضرب واني محتاره شسووي وين اروح كان في بالحمام ديتول شربته كله وظليت اتقيء واصرخ معدتي احترگت
كسروا الباب
ودعاء ومي وعمتي التمن عليه يضربن فضحتينا

قيس
الي شفته من ميلاد هذي مو ميلادي وليش اهلي يضربوها
وتنتحر يوم الي رجعت
اخذها سامي بالسياره واني وياه اريد اعرف شكو
سولها  غسيل معده ومهدئات وطلع الدكتور سال منو زوجها
سامي اني قيس اني
قيس اني خطيبها
باوعت على سامي
مدنگ
الدكتور انهيار عصبي ليش رادت تنتحر احد ضاربها مهددها
قيس لا هي مريضه كانت
تركنا الدكتور وراح
قيس لزمت سامي من قميصه
ليش جاوبت الدكتور انت زوجها
سامي ماادري عبالي يگول منو اخوها
قيس كذاب بينك وبينها شي احجي اني مو مغفل
سامي بغيابك حبتني وحبيتها ومگدرنا نگولك غصبن ماعلينا قيس احنا اخوان متستاهل نتعارك على مره
قيس لاانت ولاهي تستاهلون
الي سويتها علمودكم هي رخيصه وانت حقير
تفلت بوجهه  وطلعت من المستشفى
خائنه رغم عشقي لها
خائنه رمتني سرا خارج قلبها
بخنجر  غدرها اصابت لب قلبي
ارمي خطواتي التائهه الضائعه
لااعرف اين الجهه
وكيف ازيح ذلك الالم فوق صدري جاثما
اين احلامي معها اين وعدنا
جرما ما فعلت بي
واختارت الخيانه مع اخ كنت اصارع الفقر كي يعيش هو

ميلاد دخل الدكتور عليه ذولي البرى تعرفيهم سالتهم منو رجلها اثنينهم گالوا اني انتي مخطوبه متزوجه
ميلاد دكتور اريد تساعدني قبل خمسه واربعين يوم اخو خطيبي اغتصبني
الدكتور ليش مابلغتي وخطيبج يعرف
ميلاد خفت ابلغ هددني يقتل خطيبي ومحد يعرف
الدكتور شوفي راح اساعدج بلي اگدر عليه
اكتب تقرير متعرضه لعنف جن......
ولو الفتره بعيده
واعرف دكتوره تساعدج بالغشاء
ميلاد اخاف وماافكر اتزوج بعد قابل اخدع خطيبي بغشاء واخوه يعرف اني مو بنيه  وذولي اخوان واحد يقتل الثاني اذا عرفوا
اكتبلي التقرير
الدكتور راح اكتبه وبيوم من الايام اذا احتاجيتي شاهد بمحكمه اني مستعد اما عشاىر وفصول فغير مستعد
ميلاد لاعندي عشيره ولااهل اثنينهم ولد عمي
الدكتور الله يساعدج ولو الاغتصاب صار موديل هذي الايام

طلعت لبيت اهلي
حجيت لوالدي
قيس يابه ميلاد مااريدها زوجه متصلحلي
ابو قيس والله ياابني بالفتره الاخيره تصرفاتها خبلتنا كلنا ويوسف يضربها ميفيد وياها وهذي ثاني مره تنتحر
قيس يطبها مرض سامي شيشتغل
ابو قيس يگول بالبانزين والناس تگول حواسم شغل يوسف بالنفط وبعدين صار بالمسلحين
واشترى بيت اني وامك ماقبلنا نروح نعيش وياه ونعوف بيتنا
قيس الظاهر افلوسه الي غيرت ميلاد
مطعون بگلبي لحد الوريد
انتظرت الليل ورجعت للمستشفى
تاكدت هو ماموجود دخلت عليها
قيس شكول عليج بعتيني ويامن اخويه
باوعيني ميلاد تذكري حالتي هاي طول عمرج اتذكريها
اخذت وجهها بايدي بوعي زين
تنتحرين حتى متتزوجيني نسيتي
حبنا بوساتنا حضنا كنتي تذوببن باديه
نسهر ايدج متفارك ايدي وشعرج منثور على متوني
تلث سنين ماعرفت وساده ونمت انام على كرسي واحرم نفسي من اللكمه حتى اكون حياتنا
يمتى حبيتيه اتصلتي بيه قبل الحرب كنتي تريديني ارجع ومشتاقتلي
ارحميني گولي السبب
الفلوس هذي الفلوس عندي اخذج ونسافر
احجي لاتسكتين موتيني
ميلاد منو گالك احب سامي والله مااحبه تصدگ بالله
قيس اصدگ بالله ماصدكج انتي
مع الاسف واگف گبالج وماگدر اسيطر على دموعي وقسم بيج يالعزيزه الغاليه اخر مره تشوفين دموعي
وراح اسگيج من نفس الكاس وضوگي مرارته