وصلات ديك 66 فحال هكاك كنا كنقيو انا ودادا البطاطة كتعاوني باش ندير لداك خاينة ما يحنجر قبل مايجي وهاد المرة غيعلقني وارا طموبيلتو بشي قنبة و غيكسيري و غيخلني نتجرجر من موراها بففف انا: دادا فين كاميليا ؟
مباتش ليا واش مشات دادا: راه يخرتها لمخيزن تجبد الكوفيرتا لي تما
انا: الكوفرلي زعمة؟؟ ادادا هي اش كتعرف فشي كوفيرتا غتمشي تما غتجيب ليك كلشي الا الكوفرلي كميليا جاية هازا طابلة صغيرة بزز: دادا واش هادي
انا: هاديك راه سندرية كميليا شدات من راسها: شنو هيا هادي تاني اي راسي دادا: غير سيري ابنيتي ..كنسمعو شي حد دخل و كيعيط : كمليا دادا ...
خرجو دغيا انا: ااه يا ربي هدا اش جابو في هاد الوقت ...خرجت تبعتهم انشوف اش جا يدير (جابو الهو في نساسات ليل ) شاف فيا بنص عين انور : جيت باش نهز حويجي عندي اجتماع طارء في باريس كميليا: اوو على قبل الشركة لي غديرها تما
انور : اااه غنجلس 3 جور (انا فرحانة الله غنتفك منو 3 ايام ) باينا شي ناس غيتفكو مني(كيمعني عليا نالو كدب صراحة غنتفك و غنتهنا منو )مهيم انا غادي نجمع حوايجي انا
بشوية : مشية بلا رجعا انور دار وشاف فيا مخنزر : راه غنهرس ليك داك الفم ...نغزتني دادا :يا بنيتي داك اللسان عندك ماضي تاتكلي العصا و متتسكتيش انا: راه هو لي كيجبدني اجي قولي ليا شحال عندو من شركة دادا: تبركالله هو من اهم رجال الاعمال في المغرب
انا: ممم تبركالله دادا :عندو شي 13 شركة دسيارات منتاشرين في المغرب كامل و شي 6 المولات و عندو ميناء واحد كيجيبو فيه السلعة و على برا عندو شي 6 شركات منتشرين في اوروبا و هادي لي غادي على قبلها هي ساب...
انا سديت ودني: صافي صافي صافي مبغيتش نسمع جات شدات فيا كميليا : شفتي شفتي راجلي شحال لباس عليه انا درت ليها ضحكة صفرة: هيهيه بصحتك مشيت للكوزينة كنتشوى بالغيرة ضراحة غرت منو سعداتو كيفاش حتى لحق يدير هاد الثروة كاملة في هاد خمسنين سعداتو اهيء اهيء...
صافي سمعتو كيسلم عليهم و خرج دا معاه كميليا يوصلها في الطريق و دادا بقات معايا شوية ومشات بقيت جالسة في الكوزينة شوية وانا نبدا نضحك كيف الحمقة : ياااس واخيرا بقيت بوحدي اوووف الحمدالله منين مشا الله يجعلو ميرجعش طيح بيه ديك الطيارة لا لا حشومة مندعيش عليه دابا نشوفو اش نديرو ...
نضت جبدت حوايجي نصبنهم طلعت ندوش في الحمام ديالو و نلعب بالما خرجت بالفوطا ديالو نزلت لبست واحد الكسوة حمرة قصيرة بلا سميطات كانت عطاتها ليا كميليا و جاتني مزيرة بزاااف معا انا مفورمية عليها بينات ليا صدري تقريبا كلو و المرخرة ديالي بارزة بزاف غطرطق و ضهر مكينش و خليت شعري فازك جبدت العاصير من ثلاجة وواحد البسكوي و تكيت في الفوطوي و بديت نتفرج وااو شحال توحشت هاد الراحة شوية نضت طلقت ديك الموسيقى دديسكو و بقيت كنشطح ....
