Kaibigan, nagkita na naman tayo
Di mo alam kung gaano kasaya itong puso ko
Alam mo bang napaindak mo ito?
Dahil ganoon na lang ang epekto mo dito
Mata ko'y napatitig sayo
Na wari'y ngayon lang ikaw nakatagpo
Pilit kong iniiwas ang mata ko
Ngunit patuloy itong tumitingin sayo
Nang ika'y akin ng makausap
Kakaibang saya ang aking nadama
Mga binibitawan mong pangungusap
Parang musika sa aking tenga
May binitawan kang salita
Na sadyang di ko makalimutan
Ngunit di ko na ito sasabihin
Dahil baka ako'y iyong mabunyag
