أويلي على أفكار دلبراهش أ ماجدولين . مهم حتا صاوبت واحد لالة مولاتي البسطيلة ديال الحوت و قاديت شلايض و داكشي علا حقو و طريقو و هما ي بداو كيطلسولي كرسم مورا كريم و ماسك ورا ماسك سولتهم قالولي خاص لبنت تكون ديما غزالة -سبحان الله عاد بنت ليكم ، و زعما تانتوما - لعشية جبدات ماما واحد لقفطان ديالها زويين عمرني ما شفتو جا على قياسي و جا معايا هو هداك تقول مفصلته عليا ، و لكن علاش ، آه تفكرت بلي جايين ضياف و أنا لي غنحط لماكلة . وا دابا محدوهاش غير فلي كريم و لقفطان ، سيفطوني عند لكوافورة و وصاوها تصاوبليا مكياج خفيف ، مع عيني كبار و أنا تبارك الله غزالة من عند الله ، ممحتاجاش مكياج ، بقيت كنفكر فهاد النهار لي جاوني تصرقات عائلتي فسكل و بزاف ، عييت منفكر ، آو ، نهار عيد ميلادي مزال و راه عاد دارو الزردة ديال الباك إوا وقيلا غير بغاو يفرحو ببنتهم الغزالة رجعت للدار ، لقيت ريحة العود و ما ورد يا لالة و الدار هاكا كدير بنقا تقول جايين يخطبو ، دخلت للكوزينة ، تبارك الله ، ريحة ديال بسطيلتي واصلة حتال الجردة هه الله يعطيني الصحة و خلاص
