كون ماشي لخوف د الله كون راه نتاحرت و هنيت راسي جات الليلة لكبيرة ، ليلة لي كتسما كل بنت و أنا ممسوقاش ليها ، بسيف باش مشيت لكوافورة ، قادوليا شعري ، خليتو مطلوق مع طويل و رطب جا زوين . واقيلا أول مرة تشوفو عروسة شعرها مطلوق هه . داروليا شي دفيرات فجناب و شدوهوم ملور جاوني سانبل و زوينين. بدا العرس ، بقينا منساجمين مع الغنا حتى تفرقنا على 2 هوا مع خنيفري بداو كيديرو الحيدوس و حنا مقابلين معاهم تنديرو العلوة و تنشوفو شكون لي يغلب ، الصراحة داز العرس زوين و ياسر هو أصلا بوكوس هه و زاد زيان فاش نساجم مع الشطحة، واخا هكاك مكيعجبنيش ؛ حيت راه غير فلاح غير سالا العرس كولشي مشا ، حتى واليديا ، و لكن ما مشاو حتى وصلوني لبيت فلوطيل ، أنا نبكي و ماما تبكي مسكينة غنتوحشها بزااف . دخلت لبيت سحابلي غنعس بوحدي شوية لقيت كحل لعفطة ناعس فوق ناموسية . كولتليه : سحاب راسك فبيتك؟ نوضليا من الناموسية دياالي ، بقا كيضحااك حتى شبع و قاليا وا راحنا زعما مزوجين
