الصباح سيفط عندي داك صحاب خدمة الغرف باش يقولولي نهبط و نمشيو لدار ، زعما راه غدبان ، واا هههه نيت هنيتيني ، أصلا محاملاش نشوف سيفتك تقاديت ؛ لبست دجين و بودي ، درت مكياج خفيف و هبطت عند ياسر ، لقيتو كاااعي مزيان و مزير يديه على لفولون ديال الطوموبيل ، غير شافني و زاد تعصب و قاليا ، راك وليتس زعمة مرت الراجل ، نودي بدلي عليا هاد الشوهة و لبسي شي حاجة مستورة ، منبغي تا حد يشوف فيك هاكدا من غيري تعصبت و فنفس الوقت فرحت حيت راجلي تيغير عليا رجعت بدلت و شدينا الطريف لي كانت طوييلة و أنا نعس ، كل ساعا يديني نعاس ، نميل و نطيح على كتف ياسر هو كان تيحبس الضحكة حيت معصب ولكن مسكين قلخر بقا غير يضحك عليا فيقاتني الله يستر داك الضحكة ديالو كتخلع ، و قاليا ياكما بقيتي ليل كامل و نتي كتفكري فيا داكشي باش كلستش بلا نعاس . نسيت راسي وانا نقوليه بحالا علمك الله ، ناري غير قلتها وانا نححححشم و درت يدي على فمي ، هو عجبوو الحال و بدا يضحك و لكن فلبلاصة جمع الضحكة و كالي ، تنوصلو للدار و نتفاهمو ،هاد المرة كان تيهدر بصح
