تفكرت شنو تيوقع مورا الزواج ، ناري هادي مدرتش ليها لحساب ، شد لي فيدي و أنا مرعدة بان لي تيليكيومند ديال التلفازة هزيتو و هبطتوليه على راسو مسكين تقصح ، قاليا واش هبيلة ولا شنو ، أنا كان عقلي على قد الحال و الأفلام زادو أثروا فيا أو بالأحرى صغرو لي عقلي وانا نقولو: باغي دير ليا بحال المسلسل ديال فاطمة تضحك علي و تكرفص علي و أنا نبغيك و مزالا كنهدر و هو يعنقني ، بقيت جامدة فبلاصتي و هة يقول : راه لي تكرفص عليك أنا نوريه ، خاصك تعرفي بلي أنا راجلك يعني لي غتكملي حياتك معاه . تفكرت بلي راه ماشي طبيب ههه و محسيتش براسي حتى دفعتو و قلتليه نتا عمرك متصلاح ليا أنا أصلا باغيا طبيب ونتا غير فلاح ، أنا مزالا كنهدر ، خرج و زدح الباب موراه ، باينة لهدرا لي قلتليه جرحاتو بزاف ، ولكن أنا قلت لي فقلبي ، عاجلا أم آجلا كان غيعرفو
