فاعل خير (الجزء الثاني)

بارت 13

#فاعل خير الجزء الثاني
#بقلمي طيبة الربيعي
البارت الثالث عشر

(للكاتبة طيبة الربيعي)
طلعو هو وصالح
شوية واجة صالح، بس شكلة ميبشر بخير
صالح: لحد تطلع من المطبخ، سون جاي
سامر ...تتهرب مني واني هم ماحجيت شي
ماعرف ال متى يستمر هل وضع زاد عن حدة
رحت فتحت الباب وتفاجئت بأنمار
انمار: السلام عليكم، شلونك سامر
سامر بعصبية: شعندك هنا
انمار: اجيت احاجيك، لتردني الموضوع جدي
سامر: روح لاتخليني اجاوز
انمار: سامر داكلك ضروري، حرامات صداقتنة تخرب علة شي تافه
سامر: هسه شتريد(للكاتبة طيبة الربيعي)
انمار: ماريد شي بس احاجيك وانتة بعدها احكم
باوعتلة دققت بوجهة، لزمت نفسي وماضربتة
سامر: صالح سوي طريق
صالح: ماشي
دخلتة بعد ما صالح اجة وكال خل يتفضل
كعدنة بالاستقبال
انمار: شوف سامر بدون لف ودوران، ماكلك اني ماغلطت بحقك وبحق نبأ بس هذا جان بالماضي، وصدك من اعتذرت منك آخر مرة اعتذرت من كل كلبي
سامر: لك انمار تدري لو ما ابيتي ودايس ابساطي مارحم بحالك! لك ذاك اليوم تخابر علة مرتي! الك عين تحاجيني وتكلي اعتذر!
انمار: مادريت بيكم رجعتو(للكاتبة طيبة الربيعي)
ضحكت: واجيت تستغل الوضع مو
انمار: لا اسمعني، اني تزوجت وطلكت وهسه رجعتهة لمرتي، بس حقك انتي لا تدري بحالي ولا شايفني، عزمتك علة عرسي بالجذب ماباركتلي
سامر: شعندي مباركلك، نسيت الحجيتة وياية لو شنو
انمار: صح جنت احب نبأ، بالماضي بس انتزعتهة من كلبي من اتزوجتو
صرت اعصاب ماتحمل يجيب طاريهة
ولا ينطق اسمهة علة لسانة
حتة لو مايحبهة بعد مارضة بهل حجي
سامر: يعني تريد تقنعني بعدك ماحاط عينك عليهة
قاطعني: سامر صدك عود؟ نسيت اني منو؟ نسيت اني انمار لو شنو؟ شبيك(للكاتبة طيبة الربيعي)
سامر: لا مانسيت، مانسيت انمار الطردني من اجيت افهمة زواجي من مرتي مو عناداً بي بس قسمة ونصيب
انمار: واني اجيتك واعتذرت منك، وهاي المرة الثانية، صداقة 15 سنة تضيعهة بيوم وليلة؟
نسيت كلشي وبديت صفحة جديدة ويا
تصالحنة ولا عبالك صاير شي بيناتنة
ميخالف حتة لو غلط بحقي اني هم باعتبار غلطت بحقة
من تزوجت نبأ واعرف بيه يحبهة
اوف هاي الحجاية تمرد كلبي مرد
ورة ماراح طبيت للمطبخ(للكاتبة طيبة الربيعي)
سامر: يلة رايح محتاجين شي؟
ام سامر: سلامتك ماما، منو هذا الأجة
باوعت النبأ مدنكة، ردت اشوف ردة فعلهة
من تعرف انمار الجان هنا
سامر: انمار
رفعت راسهة باوعتلي باستغراب
اشرتلهة براسي يعني شكو
دارت وجههة
ام سامر: تصالحتو يمة
سامر: اي يمة، ماكو شي يسوة ازعل ويا علمودة
طلعنة اني وصالح للشغل(للكاتبة طيبة الربيعي)
ومن رجعنة جبنة عشة خبرناهم ميسوون
لفات كص وقواطي، ماعرف غايتي ادللهم
لو ادللهة، ماريدهة تفكر اباوع لغيرهة
اني كلبي يمهة، بس طبينة
انطيت العلاليك المرة صالحسلمت وكعدت
اجتي كَمرة تركض بوستهة وكعدتهة بحضني
استغربت نبأ ماكو
سامر: لعد نبأ وين(للكاتبة طيبة الربيعي)
ام سامر: فوك بالغرفة
شوية وصعدت، طبيت لكيتهة كاعدة
وصافنة، شافتني كامت، تريد تطلع لزمت ايدهة
سامر: تعاي اريد احاجيج
نبأ: تفضل
سامر: شنو هل رسميات نبأ شلون نبقة هيج احنة؟
نبأ: شراد منك انمار؟
عصبت بس جابت اسمة
سامر: وليش هامج انمار
نبأ: مهامني، بس اريد اعرف شعندة جاي
سامر: يعتذر
نبأ: علة شنو؟(للكاتبة طيبة الربيعي)
سامر: ترة طوختيهة وسويتهة بلة ملح، يعني اني رجال متزوج ومحروم من مرتي، عاجبج هل وضع فهميني؟؟؟
نبأ: شتريد اسويلك، ماكو شي يصعب عليك وحتة لو صعب تاخذة بالقوة
عرفت شتقصد
سامر: سألي اي واحد من اخوتج، حتة عمج الرجال الشايب سألي، لو مرتة تصدة شيسوي؟ مرة مرتين تلاثة، بس مو بكل مرة تعرفين شنو تعبتيني لو لا؟
نبأ: تقبل اخونك؟
اتفاجئت وفرت بحجايتهة
سامر بعصبية: شهل حجي
نبأ: تحلل علة نفسك وتحرم علية، افتهمناهة بس مال تغتصبني وانتة تخوني عمري مراح اسامحك عليهة حطيت الله بيناتنة وياريت يخلصني منك اليوم قبل باجر(للكاتبة طيبة الربيعي)
جرت ايدهة وطلعت
وعرفت دعوتهة راح تلاحقني لحد ما الله
ياخذ حقهة مني، مرت فترة
وما بيني وبينهة غير الرسميات
ماحجي علة اعصابي شلون تلفت
لحيتي طولت مالي واهس ازين
اخلص يومي بالشغل ومن ارجع اتعشة وانام
صار جفاء بيناتنة مو طبيعي
بليل من تنام ابوسهة واحضنهة
رغم ماشبع بس اشتاقلهة ويكفيني حضنهة
تعبت نفسيتي وبالذات من تتجاهلني(للكاتبة طيبة الربيعي)
ولا تباوعلي ولا تعبرني، قايمة بواجباتهة تجاهي
بس بجفاء، وصلت لمرحلة ماطايق نفسي
بيوم برجعتي لمحت نور طلعت من بيتنة
خاف جنت عايز ضيم، ماريد نبأ تقوة علاقتهة
بنور، نور مو راحة مارتاحلهة ابد
طبيت للبيت سلمت وكعدت، ماحجيت شي
ولا ردت اسأل اعرف راح اسمع شي يغثني
خاف اني مامغثوث
ام سامر بفرح: يمة مبروك مرتك حامل
باوعتلهة ضحكت: يمة مالي خلك شقة بهل ليل
ام سامر: ليش تعرفني اشاقة بهيج مواضيع؟؟ اليوم اخذتهة حللت وطلعت حامل، كوم شوفهة وافرح وياهة(للكاتبة طيبة الربيعي)
كمت مامصدك السمعتة، طبيت للغرفة
شفتهة منتجية عالتاج وتبجي، من شافتني مسحت
دموعهة وكامت تريد تطلع
سامر: وين اوكفي
نبأ ...كلش استغربت بجية انمار
خفت لا يكون حجة شي لسامر وغثة
ويجي يطلعهة بية، بس شفتة مطمن
ومن كال ماكو شي يسوة ازعل ويا علمودة
عرفتة يقصدني، البرود الصار بيناتنة قاتل
مانام الة اشبع بجي، بس بصمت ماريدة يحس علية
مو اتفقنة متتقربلي مو كتلي موافق بشروطج
بس رجعي؟ ليش تخلف بوعدك وياية(للكاتبة طيبة الربيعي)
ليش اني حظي هيج، وانصدمت من عرفت بنفسي
حامل، آخر فترة بدت اعراض الحمل تضهر علية
وعمتي شافتني اتقيء من اشم عطر شكت
ورحنة حللت وطلعت حامل فعلاً
مفرحت ولا حسيت بنفسي طايرة مثل من حبلت
بكَمر، جان بأرادتي بس هسه لا
ومستحيل اورط نفسي بطفل لاخ
وية انسان ميحترمني ويخوني ويهيني وواجب
ابقة ساكتة وماحجي، من حجيت مستفاديت
قررت التزم الصمت احسلي، بس هل طفل ماريدة
ولا احس بشعور الأمومة بي(للكاتبة طيبة الربيعي)
بنفس اليوم ورة صلاة المغرب كتلهم
لحد يكعدني رايحة انام لان نفسي تلعب
خطية عمتي فرحانة وتحير شتسويلي
كالت روحي صعدي ارتاحي واني من يجي سامر
اخبرة، ردت اكللهة لتخبري بس اول وتالي يعرف
خلصني ياربي، لو تفرجهة وترحم بحالي
لان والله تعبت لو تاخذ امانتك وتريحني
كل جروحي هاجن مرة وحدة
الذكريات السلبية اقتحمت عقلي
وصلت لدرب مسدود وماعرف وين انطي وجهي
دخل سامر مسحت دموعي، ردت اطلع وكفني
نبأ: اسويلك عشة(للكاتبة طيبة الربيعي)
اخذ ايدي وكعدني عالسرير، باسني بخدي
سامر: مبروك عمري متدرين شكد فرحني هل خبر
باوعت بعيونة، ماكدر اتحكم بحزني حالياً
اريد انفجر اريد ابجي بحضنة واعاتبة
اريد اضربة واصيح اكلة ليش خنتني
شلون كدرت تفرط بكلبي الحبك ومات بيك
شلون تفرط بانسانة شبه ميتة وعايشة علة خيط شعرة(للكاتبة طيبة الربيعي)
بس التزمت الصمت، الصمت صار وسيلتي
الوحيدة للهروب من واقعي المرير
مو هروب بس تعامل، اكدر اتعامل وية قهري
بالصمت، وابجي وحدي واواسي نفسي بنفسي
محد راح يحس بوجع كلبي غيري
محد راح يعطف علية محد يحبني
كلهة تنهش بلحمي
نبأ: ماريد منك طفل لاخ، مابقي انزلة
فك عينة وكز علة اسنانة: انتي اكيد تخبلتي
نبأ: لا متخبلت، اني بكامل قواي العقلية، اذا سألني ماما شلون صرت اكلة ابوك اغتصبني ماما وصرت انتة؟ ماريد منك طفل ولا اريد منك شي
سامر: ولج شبيج انتي حاسة بنفسج شدتحجين لو شاربة شي!(للكاتبة طيبة الربيعي)
نبأ: اذا جبرتني ابقي انزلة بنفسي
صار اعصاب كام ويأشر بأيدة
سامر: انتي تخبلتي رسمي! موتيني راح توديني لكبري بشبابي ولج تعبتيني ماينعرفلج راي، قسما بالله يا نبأ وروح ابوي وابو فاضل اذا حاولتي تسوين شي وتنزلين الطفل والله بكد حبي راح ااذيج، هاي هية بعد انتهت وياج تعبت ملييييييت
كمت ابجي وهو صار نار، لعد اني شكول
ليش محد يحس بية، رغم الأذية الحصلتهة منك
ماتحمل اشوفك منهار، تحبني وتخوني؟
شلون؟ مستحيل اليحب يكدر يخون، كذاب
الي يكول احبج بس الشيطان لعب بعقلي(للكاتبة طيبة الربيعي)
مستحيل الي يحب يخون هذا مو عذر
واني متأكدة لو اني الخاينتة ميبقيني علة ذمتة
ميبقيني على قيد الحياة اصلاً
لميت نفسي وتخايلت نفسي بحضن ماما
بحضنهة ابجي وتواسيني
ما الي غيرج يا امي ليش عفتيني
ياريت اجي يمج، تعبت اني مو نبأ القوية
خدعت نفسي من كلت اصير قوية
سامر ...صرت اعصاب وتمنيت ابجي(للكاتبة طيبة الربيعي)
بس ماكو دموع بعيوني ماكو، اباوعلهة لمت روحهة
وتبجي وتشهك، حسيت بخنكة وبقبضة بكلبي
طلعت للبلكونة اشتم هوة بس الهوة عبالك دخان
مخنوك بهمي، الى متى مادري....
نبأ ...مرت فترة ومابيني وبينة كلام
جابلهة لكَمر سرير واني انام بالكاع بمكانهة
ميحجي شي ولا يحاسبني
هو ابتعد عني واني مطايقتة(للكاتبة طيبة الربيعي)
ولا طايقة البيت كلة، مطايقتة لدرجة
طلبت منة اروح ابات ابيت عمي
بس رفض وسوة عركة شكبرهة
حتة عمتي ادخلت، البيت انكلب جحيم
يطب ويطلع يرزل ويضرب
حتة كَمر كام يضربهة اذا تسوي وكاحة
واني مابيدي شي ايدية ورجلية مربطات
زيد اخوية مرتاح وية في بس اخوتي البقية
ممرتاحين وية نسوانهم، بس ممهتمة لأحد
ولا حتة لنفسي، الحمل تعبني وصحتي ادهورت
بس نايمة بالفراش واذا كمت ابجي من الألم
ماعرف الألم وين احس بخمول وكسل مو طبيعي
وسامر ممهتملي ابد ولا يوديني للدكتورة
بيوم الظهر رجع للبيت(للكاتبة طيبة الربيعي)
استغربت مو بعادتة يرجع هيج وقت
سبح بدل وطلع، دخلت للغرفة وسديت الباب
وكعدت ابجي واحرك بروحي
ماكو غير الخيانة عندك، كسرتني ضيعت شبابي
وياك، ياريت عندي شباب اتهنة بي
من واني صغيرة الهم لاحكني
اختنكت ودموعي يجرن عشرة عشرة
نمت ومكعدت الة للمغرب
صليت ونزلت(للكاتبة طيبة الربيعي)
ام سامر: شالقصة يمة خوما بيج شي
نبأ: لا عمة مابية بس اخذتني النومة، البارحة منمت زين بس اتكلب
ام سامر: ميخالف حبيبة تحملي بالبداية الحمل يضوج بعدين تتعودين
هزيت براسي اي مالي خلك احجي
واناقش، البيت كلة حاس علينة
ويعرفون بعلاقتنة متوترة محد يحجي
لان سامر مصيبة اذا عصب
ومحذرهم محد يدخل، هاي هية
اني ماكو بحياتي شي اسمة سعادة
اعيش لبنتي احسنلي
اجة صالح وهو ماكو
سألتة: لعد سامر وين(للكاتبة طيبة الربيعي)
صالح: ليش ماكلج؟ معزومين هو وأحمد عند انمار
ردت اتأكد بس ماعرف شلون
صعدت اتصلت بروى، كالت اي معزومين
واخابرة لأحمد ميجاوب خليهم يتونسون
اكيد اشتاقو لأيام زمان، بس ماعرف ليش ممرتاحة
كلبي مقبوض، رحت لعمتي لان بعد ماتحمل
نبأ: عمة كلبي مقبوض ومخنوكة
ام سامر: اسم الله حبيبة شجاج، تعاي خل اقرة عليج
نمت بحضنهة كامت تقرة المعوذات
واية الكرسي، تكررهن وترجع تنفخ علة راسي
قرت علية شوية حسيت براحة
صارت بالدعش وهو ماكو(للكاتبة طيبة الربيعي)
نومت كَمر وتمددت
خابرتني نور، اوف ولا الي خلكهة
كل مشاكلي من ورة راسهة
غفيت شوية، شفت سامر ابير
والبير بي مي بس بداخلة عقارب
اباوعلة اريد اصيح ماكدر صوتي مخنوك
كل ما اقرب ايدي يبتعد
اشوفة واكف كلشي ميسوي(للكاتبة طيبة الربيعي)
واني اريد احجي اكلة دير بالك راح يلدغك العقرب
بعدها فزيت مفزوعة وعركانة
شفت فوني يدك، روى

يتبع...🌺🌺🌺