فاعل خير (الجزء الثاني)

بارت 7

#فاعل خير الجزء الثاني
#بقلمي طيبة الربيعي
البارت السابع

(للكاتبة طيبة الربيعي)
نبأ بصدمة: شنو
سامر بهدوء: حبيبتي نباوي بدلي خل اجيب السيد يعقدلنة يلة حبابة
نبأ: انتة اكيد انجنيت دروح بابا شارب شي بهل ظهرية هاية
سامر: نباوي آخر مرة هاي، روحي لبسي لتنعاندين يلة
نبأ: مالبس اطلع
سامر بعصبية: نبأ لبسي داكلج راح امد ايدي!
نبأ بعصبية: مااالبس رووح شتريد مني؟؟؟؟
جرني جر للغرفة ودفعني عالكنتور
نبأ بعصبية: شبيك تخبلت!
يأشر عالكنتور: يلة لبسي بسرعة
نبأ: مااالبس ما مااا
عاط: نبأ!!!!
شكلة تخبل صار نااار واني قافلة ماريد
مارجعلة مستحيل
نبأ: شنو غصب؟؟ ماحبك يااخي اتركني اعيش شتريد مني مااريدك افتهم عاااد
سامر بعياط: مو اجيبج سحل والله
نبأ: ادعي عليك والله اترررركني روووح
سامر: الظاهر انتي ماتمشين الة بالعين الحمرة رايح الم اخوتج واحاجيهم واشوف عمج يرضة بهل مضرطة(للكاتبة طيبة الربيعي)
طلع وطبك الباب حيل، مخبل والله
لو تموت مارجعلك
يمة بس لا يكلب عمي واخوتي علية
لا ميكوفون ويا اني بنتهم
والحق وياية هو ما الة حق يدخل بية
شفت كَمر كاعدة وتبجي نسيتهة
ولا انتبهتلهة، شلتهة افتريت بيهة
كوة رجعت نومتهة
للعصر اندكت الباب
صحت منو وايدي علة كلبي
اجاني صوت عمي
كلي اني عمو لبسي حجاب وفتحي الباب
البس حجاب؟ بس لا هذا الخبل وياهم
ركضت لبست حجاب وفتحتة
وياريتني مفتحتة عمي واخوتي وسامر
واكفين يخنزرون بية، دخلو كعدنة بالصالة
عم نبأ: نبأ كولي يا الله واذكري ربج، الولد جاي يرجعج وطلبج مني ماكدر اردة(للكاتبة طيبة الربيعي)
نبأ: عمو تحجي صدك؟ مارجعلة ماريد
سعيد: نباوي ليش غير تفهمينة غير نعرف السبب
نبأ: هيج ماكو سبب اني بمزاجي ماريدة
زيد: اذا ماتريدة هل شي راجعلهة محد يكدر يغصبهة
سامر: هو شنو راجعلهة! ترضة انتة اختك تسكن وحدهة!
زيد: ومارضة تسكن وية انسان هية ماراغبتة!
سامر: ومن شوكت حضرة جنابك الكسيف تهتم ويامن سكنت وويامن عاشت!
هذا يذب حجي وذاكة يذب اكبر
واني صرت ارجف خفت ليتعاركون
ويتضاربون من وراية الثنين طكة ونص
لحد ما عمي صاح
عم نبأ: لا انتة ولا هو يقرر ترجع لو لا، نبأ رجلج جاي باحترام وادب ويريد يرجعج، عمو ترضين بنتج تضيع بيناتكم! هاي من تكبر تحير ويامن تروح، تكوم تحس بنقص من تشوف صديقاتهة اهاليهم محاوطيهم من كل جهة، اذا مو لخاطرج لخاطر هل طفلة(للكاتبة طيبة الربيعي)
اجتي كَمر تبجي جتي تكعد بحضني
شافت سامر ركضتلة
هو بوسهة وهية نامت علة جتفة
سامر: عمي اني تعبت اريد بنتي كدام عيني مو يوم يمي ويوم يمهة، يعني ترضة هية ازوج والتهي عنهم؟؟
نبأ: روح ازوج منو لازمك!
عم نبأ: كافي! عمو اني ماكدر اعوفج وحدج وانتي ماتردين تجين يمي ولا تروحين يم اخوتج، بقت يمج بعد فكري ابنتج وبحجي الناس، لا تكليلي ماهتم الحجيهم ترة الناس تحجي ويجي يوم واطك روحج تكولين ياريت سمعت كلام عمي وماسويت البراسي
باوعتلة وباوعت لأخوتي
عمي بيتة صغير والرجال يادوب مطلع فلوس
عيشة بناتة، اخوتي مستحيل نسوانهم
مصيبة وماريد اسوي مشاكل بيناتهم
خليهم مستورين وعايشين
زيد جان كدرت اعيش يمة(للكاتبة طيبة الربيعي)
بس عندة ولد والشيطان مو قليل
بنتي حلوة حتة لو صغيرة
ولدة كبار ومن يطكون يلعب براسهم الشيطان
اذا تمار من هسه يغار عليهة
من يكبر شيسوي، خليني بعيدة وسعيدة
بس شلون ويا سامر
مراح يعوفني بحالي اعرف وراح تصير مشاكل
نبأ: ارجع بس عندي شروط
عم نبأ: كولي عمو من حقج
نبأ: بس بيني وبينة
سامر باوعلي(للكاتبة طيبة الربيعي)
عم نبأ: براحتج عمو كعدو واحجو وانشاءلله خير، وانتة سامر اذا رجعت تشتكي منك اخذهة ومارجعهة الك آخر فرصة الك هاي
سامر: انشاءلله عمي الله يخليك ماتقصر
عمي اخذ اخوتي وراح كلي كعدو احجو وتناقشو
حتة بعدين متتعاركون علة ابسط شغلة
خلي كلشي مكشوف هسه
طلعو رجعنة للصالة
طبعا كاعد وبحضنة كَمر فد هادئة
تهدأ يم ابوهة بس يمي تتشيطن الملعونة
سامر: اي يابة شنو هنة شروطج
سامر ...من كلي صالح عاملهة حلو
وخليهة تستغرب منك حتة تشوفك تغيرت
مو سامر العصبي واليضوج علة ابسط شغلة
تالي متالي تلين وتحن(للكاتبة طيبة الربيعي)
حتة لو ماترجعلك ماتقبل بغيرك
وتبقة انسان راقي بعينهة
وبديت اتعامل وياهة بشفافية
بس داخلي شنو
يفور يفور
خاصة من سمعت بيهة انخطبت
وانوب كلتلي الة اوافق عناداً بيك
صراحةً جنت ناوي ارجعهة غصب
لو اعرف اسويهة دماية
بس كلام صالح صحاني
نبأ تحب اليعاملهة حلو لان هية شفافة
وترفة، اوف ربي شكد مشتاقلهة
انوب الحجي اليطلع مني كدامهة
حتة اني استغربت من حالي(للكاتبة طيبة الربيعي)
اول تالي احجي برقة ورومانسية
حسيت رجولتي انسحلت سحل
بس ميخالف اذا ترجعلي تهون
بس من شفتهة قافلة طكت روحي
وهم نويت اكب عليهة
بس كلام صالح وامي صبرني
والله شنو المرة كلبهة رهيف كدام الرجال
الي لسانة ينكط عسل
وينهة شو كل ما انكط عسل تزيد بخبالهة
لحد ما بيوم عرفت من مرة صالح نوال اتزوجت
ونبأ هسه ساكنة وحدهة(للكاتبة طيبة الربيعي)
تخبلت وعفت كل الحجي الانحجة براسي
ضربت حجي امي وصالح بعرض الحايط
ورحتلهة، شلون راس يابس وخشم يابس
والله جان الشيطان يلعب براسي ويكلي
دك بيهة الناقصة وامشي وياهة بالحرام
بس تعوذت من الشيطان وكلت مو اني الاغضب ربي
ولا نبأ تستاهل اسوي وياهة هيج
كلت آخر منفذ عمهة واخوتهة
وهم اذا مارضو ادخل عمامي وعشيرتي
تصير ملاخ وعلي
دكيت علة اخوهة سعيد كتلة تعال البيت عمك
ضروري راح اتخبل علة اختك
دكيت الباب علة بيت عمهة
من الباب كتلة كيت وكيت(للكاتبة طيبة الربيعي)
اذا مارجعتلي اني اخذ كَمر واعيشهة يمي
مامستعد اخسر بنتي والدنيا مو امان وين اكو مرة
تعيش وحدهة بهذا وضعنة الجايف
لا امان ولا ناس تخاف ربهة وتحترم نفسهة
كلي عمي حقك علية وانتة ابو الحق
ترجعهة واحنة الممنونين
والله عجبني حجيهم بس هذا زيد ماعجبني
بعديش هسه يلة تفزعلهة مافزعتلهة من طردتهة
هية وامهة وخليتهن بالشارع
جيت اصلخة بس عيب مامد ايدي عليه وعمة كاعد
وانوب اجتي كَمرة توهة كاعدة من النوم
اوف يا يابة اذا اجيتي انتي وامج يمي
غير اصير اسعد انسان بالعالم(للكاتبة طيبة الربيعي)
يومية اشمجن وانام علة ريحتجن
من كالت ارجع فرحت حيل حسيت بانتصار
لان حيل تعبتني مو شلون ماجان
بس من كالت عدهة شروط كلت يا ستار استر
والطف بحالي، مبينة شروطهة تكسر الظهر
وتهد الحيل واني حيل مابية
ورة ما رواحو كعدنة
نبأ: تقبل بشروطي ارجع متقبل الباب يوسع فيل مو جمل
سامر: شلون راح اكوم اصلخهة، دكولي شرطج شنو
نبأ: عدل اسلوبك ترة ماحجي
ديلة بالله شلون شايخة ام خشم
سامر: يلة عيوني انتي تفضلي
نبأ ...ردت اضحك بس كتمت ضحكتني
اوف ماعرف اكون جدية وياك يا سمير
ابو صماخ هههههه
نبأ: انتة عليك بنفسك واني علة بنفسي يعني متتقربلي ولا تفكرني مرتك فعلياً
سامر: خاب ماتنجبين لا اكوم اسطرج، شنو مو زلمة كدامج وتشرطين هل شرط الطايح حظة!
نبأ: خلاص لعد ابعد عني خليني اشوف حياتي ليش حاط كورك من كوري(للكاتبة طيبة الربيعي)
كَمر بجت، كوة سكتهة
نبأ: اذا تبقة تعيط وتخلس البنية اطلع ماعندي حجي وياك
سامر: نبأ باعيلي زين باعيلي، شنو يعني لتفكرني مرتك فعلياً ترة فات الاوان عندي بنية منج شهل تمضرط هذا
نبأ: والله هذا شرطي يعجبك اهلا وسهلا ميعجبك شي راجعلك
سامر ...شلون بيهة هاي، خليت ايدي علة
حلكي وباوعتلهة، شلون بالله شرطهة صعب
شنو ماخذي ثلاجة خرب بيج وبعقلج هذا
بس خليهة تجي يمي والله كريم عود
زوج اليطلكج بعد لو تطلع روحج جلبة
سامر: وشروطج الباقية شنو؟
نبأ: توافق علة هذا لو لا؟ لان اذا متوافق ماكو داعي اكمل(للكاتبة طيبة الربيعي)
سامر بعصبية وانزعاج: موافق كملي
نبأ: حلو، وية منو احجي ما الك دخل
سامر: شلون مفتهمت وية منو تحجين يعني
نبأ: نور وانمار
سامر: نور اوك انمار انسي
نبأ: شعليك انتة
سامر: اكلي تبن ماخذتلج طرطور ومكرن!
نبأ: انمار مثل اخوية يعني ليروح بالك بعيد
ضحك: هلو يابة وين يروح بعيد غير اشطب الحزام عليج وعليه
نبأ: دباع اسلوبك هذا لتخليني ارجع برأاي
طبعاً كاعد علة اعصابي
اقبل بشروطج بس دصيري يمي
واشوفج الرجال بعينة
سامر: كملي
نبأ: موافق؟(للكاتبة طيبة الربيعي)
سامر: موافق كملي
نبأ: اكمل تدريس، يجوني الطلاب كل جمعة وسبت ادرسهم
سامر: شباب تحلمين
نبأ: اوك بس بنات لعد
سامر: اذا هيج ماعندي مانع، كملتي لو بعد لسانج يرعد بالحجي
نبأ: تعدل اسلوبك لو شلون
سامر: بسيطة نبية اني الج
نبأ: لا والله شو تهدد
سامر: ماهدد سكتي يلة

يتبع...🌺🌺🌺
هذا البارت تصبيرة حبايبي يعين لحد يكول قصير
مجنت ناوية اكتب بس حبيت ادللكم وانتو لتنسون ادللوني😢
مفاجئة حلوة صح؟
شنو رأيكم بشروط نباوي التكسر الظهر😉
شاركوني ارائكم🤔