فاعل خير (الجزء الثاني)

بارت 17

#فاعل خير الجزء الثاني
#بقلمي طيبة الربيعي
البارت السابع عشر

(للكاتبة طيبة الربيعي)
حسيت علة صوت عمتي وشي بارد علة وجهي
فكيت عيني تقى صاحت
تقى: كعدت كعدت
ام سامر: اسم الله عمة شصارلج
اتذكرت شلون سامر ركعني بالكاع
باوعت مموجود بس عمتي وتقى
ام سامر: شبيج شتحسين؟ تقى ركضي جيبي مي تشربة
نزلت تقى، عمتي باوعتلي باستفسار
ام سامر: شسوالج
نبأ: عمة معليه اني فجاة حسيت الدنيا افترت بية، يمكن بسبب الحمل(للكاتبة طيبة الربيعي)
ام سامر: نبأ كليلي سوالج شي؟ ماما لضمين علية بعدين من تكبر يوكع الفاس بالراس
نبأ: لا عمة صدكي ممسويلي شي بالعكس ماسمع صوتة اصلاً ميحتك بية
اجتي تقى بيديهة مي، شربتني واخذتة
تقى: عمة لازم تاخذيهة تفحص وتشوف البيبي سليم
ام سامر: انشاءلله باجر اخذهة
اطمنن علية ونزلن، بقيت كاعدة بمكاني
افكر بحظي الأعوج، حرت شسوي والله حرت
دخلت كَمر نامت بحضني
نومتهة وغفيت وياهة
كعدت واحس بوجع ابطني ومغمص موتني تموت
خليت راس كَمرة عالمخدة وكمت
سامر ماهوة، باوعت للساعة بالخمسة العصر وشوية
دخلت للحمام لكيت دم وكاع علية(للكاتبة طيبة الربيعي)
استغربت شنو هذا، بس خفت لا صار عندي
اسقاط، طلعت مفزوعة انضربت بسامر
سامر: شبيج!
باوعتلة ماكو دم بوجهي، خايفة علة طفلي
نبأ: اسفة
عفتة ونزلت، لكيت عمتي بالهول
نبأ: عمة
ام سامر: ها شبيج
نبأ: داحس بألم فضيع، وهسه شفت نازل علية دم
خطية كامت مفزوعة
ام سامر: شكد دم؟ هواي؟؟
نبأ: لا مو كلش يعني قليل بس داتوجع
ام سامر: شلون بالله شيصبرنة الباجر، دصعدي تمددي وابد لتكومين، باجر اخذج(للكاتبة طيبة الربيعي)
نبأ: ماشي
صعدت، سامر متمدد بمكانة ويباوع تلفزيون
غيرت ملابسي وتمددت، فاجئني من كال
سامر: شلونهة صحتة
نبأ: منو
سامر: ابني
مو هو بس ابنك😒
نبأ: الحمدلله
سامر: مادري من دفعتج، انتي لحيتي
يمة شكد فرحت، تعدلت بكعدتي
نبأ: لو تضربني ماحجي، يحقلك تسوي بية الي تريدة
باوعلي ورجع دار عالتلفزيون(للكاتبة طيبة الربيعي)
بيناتنة كَمر، ماكدر المسة وحتة لو لمستة
ردة فعلة حتأذيني ومتوصلني لمنفذ
نبأ: سامر
سامر: همم
نبأ: بعدك تحبني لو بطلت
مجاوب
نبأ: ليش تبتعد عني، بعدك شايل علية؟ وروح امي مقصدت من كتلك ماريد طفل، بالعكس ميتة عليه اكثر منك
كام اخذ جكايرة وطلع للبلكون
تغطيت وكمت ابجي، الله كريم
ثاني يوم اخذتني عمتي
متت من كلتلي الدكتورة صار عندي اسقاط
رجعنة للبيت كبل صعدت للغرفة
مالي خلك احد ولا خلك الهم جديد
اوف ياربي لا اعتراض علة حكمك(للكاتبة طيبة الربيعي)
بس اني فكَر، ميلوكلي الفرح واي شخص احبة
يروح مني، ابجي شبعت بجي
بقيت بالساعتين ابجي والوم بنفسي
لو ملاحة ويا السامر مجان صار الي صار
ليش دائما الح واستعجل ليش
دخل سامر
مسحت دموعي
سامر: شكو
نبأ: ماكو شي
سامر: امي شبيهة؟ انتي شبيج
نبأ: مابينة، شبيهة مادري
سامر: وين جنتن، شصار؟
نبأ: ماكو
سامر بعصبية: داكلج شصاار
متحملت اختنكت كوة حجيتهة
نبأ: صار عندي اسقاط
غطيت وجهي وكمت ابجي(للكاتبة طيبة الربيعي)
سامر: صدك؟
نبأ: والله
سامر: من دفعتج مو؟
باوعتلة: لا، من اختفيت انتة تعبت نفسيتي والدكتورة كالت حملج مهدد بالأستقاط واذا مأخذتي احتياطاتج وانتبهتي تخسرين البيبي
شغل جكارة وكام يدخن، اجة كعد
منطيني ظهرة
اني ابجي وهو يدخن، تعبت ياالهي عونك
يومين اني مالي نفس اسوي شي
نايمة بالفراش كلشي مااسوي حتة كَمر مالي خلكهة
سامر نفس الحالة بس يدخن ويصفن
واني مأيسة من حالي ومن الدنيا كلهة
بليل طلعت من الحمام سابحة(للكاتبة طيبة الربيعي)
لكيت سامر متمدد ويباوع تلفزيون
شافني بسرعة دار وجهة، رحت للمراية
باوعت النفسي اكو شي غلط بية؟
ليش ينفر مني، ليش وياهم زين ووياية لا
درت وجهي عليه
نبأ: سامر، ممكن تباوعلي
مباوعلي: شكو
نبأ: باوعلي
باوعلي بس عبالك ميشوفني
عبالك اني فد شي مقزز
سامر: شتريدين(للكاتبة طيبة الربيعي)
نبأ: ليش تنفر مني، ليش وياهم زين ووياية لا شسويتلك
رجع دار وجهة: تتخايلين انتي؟
نبأ: باوعلي ليش ادير وجهك؟؟؟ اكو بية شي معاجبك لو شي مقزز ميخليك تشوفني؟
سامر: سوالفج التعبانة لطلعيهن علية هسه، دنيا ليل
نبا: شوف، رجعت سامر القديم بس وياية لا، بس بالكلام القاسي سامر القديم بغير شي لا، سامر تعبت تعرف شنو يعني تعبت؟
باوعلي: شتردين!
نبأ بعصبية: اريد سامر القديم!
سامر: مات سامر القديم، ميعجبج هذا ولي البيت اهلج(للكاتبة طيبة الربيعي)
دمعت عيني: ماعندي بيت اهل حتة اروحلة، متريدني سامر؟ متريدني ابقة يمك؟ ليش؟ انطيني سبب مقنع والله اروح واقنع قلبي بس انطيني سبب مقنع
دار وجهة: روحي ترة مالي خلكج
نبأ: ماااروح، الى متىىىى فهمنييي
سامر: شوفي تعيطين وتحجين بهل اسلوب اكوم اهطرج والكعبة، روحي اكلج مالي خلكج!
بجيت: ليش دائما تعيط علية وتهيني، ليش جااوبني ليييش
مفكرني لعبة عندك!!! تحملت الخاطرك اشيااء محد تتحملهة بكدي! باع شلون اجازيني!هسه ماريد اجايزني كلشي ماريد بس تفهمني اني بحياتك شنووو؟؟ فزاااعة؟!(للكاتبة طيبة الربيعي)
كام شمر الريمونت عالمراية انكسرت
فزيت ووخرت من مكاني
عاط: شتردين!!! شتردين احجييي! مااكو سااامر القديم مااااكو ماااااات
سديت اذاني وعيوني: لتعيط لتعييط، راح اموت بس من عياطك حرام عليك كافي
سامر: نبأ ماكو سامر القديم انسي، راح ولة، تردين تضلين ضلي تردين تروحين روحي ماغصبج علة شي ولا اجبرج تضلين وية واحد عايش بس يتنفس مامنة فايدة
باوعتلة: هذا مو عذر
سامر: لا، اكبر عذر، سوي اليريحج نبأ لاتاخذين رأاي بشي(للكاتبة طيبة الربيعي)
راد يكعد، كتلة: هو هذا التريدة مو؟ من زمان تريدني اطلع من حياتك بس متعرف شلون، هو هذا التريدةة!!!!!! اني تعبت وبعد مابية حيل الي يكدر يتمسك بيك، ولا اريد اتمسك بانسان يتلذذ بتعذيبي!!! عمرك محبيتني جنت تمثل علية حتة مشاااعرك! خليتني انسانة جسد بلى روووح! هو هذا التريييدة! كرهتك وكرهت الساعة الحبيتك بيييهة
فقدت وبلاعيمي طكن الصوت بعد ميطلع
شك فانيلتة وعاط: هذا التردين تشوووفي!!!! شووووفي!!!
شووفي سااامر التحبيي هاااج باااعي!
نزع فانيلتة ويأشر علة جسمة
بس اني لكيت نفسي بجحيم من شفت
هل منظر، انواع المناظر مو منظر واحد
حرك، كدمات، خياط، اثار تخوف وتبجي
كام يعيط ويأشر، باوعتلة ابجي(للكاتبة طيبة الربيعي)
وهو صار احمر وعيونة يردن يطكن
دمعت عينة: هذا جززءء جززء ولج بس جزززء من الضيم الشفتةةةة!!! وانتي تجين تكليلي سااامر القدييييم!
تقربت اباوع لصدرة، اكثر مكان احبة
واحس بالأمان من انام عليه متشوه
وصاير خريطة، تقربت اريد المسة
ابتعد ويصيح تهستر
نبأ: والله مجنت اعر...
قاطعني: وهسه عرفتي، عوفيني لاتجين يمي
طلع فانيلة لبسهة وكعد عالسرير
واني كل هذا جامدة بمكاني وبس دموع تجري
اسبوع كامل مصدومة وبس ابجي(للكاتبة طيبة الربيعي)
الي بالبيت عبالهم عالطفل بس دابجي علة عمري
وعلة الانسان الاحبة واموت بي
حسبي الله ونعم الوكيل علة كلمن سوة بيك هيج
الله يطلعهة بي ويوكلة من شجرة الزقوم
بس مو قبل ما يطيح حظة بالدنيا
قبل الآخرة
الاسبوع اللاخ الظهر نايمة وبحضني كَمر
هم نايمة، فزيت من سمعت اصوات عالية
وسامر ماكو بالغرفة، فزت كَمر مفزوعة وتبجي
حاولت اسكتهة بس مكدرت
وحدي خايفة من الاصوات العالية
سترت نفسي لبست شالي
اخذتهة ونزلت، تفاجئت من شفت هل منظر
مو بس مفاجئة صدمة صعب استوعبهة
وماعرف شديصير(للكاتبة طيبة الربيعي)
سامر ...الوضع بيني وبين نبأ توتر فد نوب
هية ميبسة راسهة واني ماضل بية صبر
رجعنة اني والولد ثلاثي ميفرقة أحد
بس ضل ضيم نبأ المالة جارة
بيوم عزمنة أنمار اني وأحمد ابيتة
كال بمناسبة رجعة المرة، رجعهة علة ذمتة
عازمكم وهم بمناسبة صداقتنة الحلوة
الي رغم كل الصار ماتهدت بالعكس صارت اقوة واحسن
كشخت وعدلت روحي صارلي هواي
ماطالع هيج طلعة، احب الكعدة وياهم
اصدقاء الطفولة صعب ارتاح بكعدتي
وي غيرهم، طلعت ومريت علة أحمد(للكاتبة طيبة الربيعي)
اخذتة وطلعنة، بالطريق سوالف وضحك
عبالك مدري وين رايحين
أحمد: لك دعلي علي خل نعلك الجو اليوم
سامر: خاب ماتنجب هو مشتعل من الحر
أحمد: دعلي يابة خل انسة النكَ مال المرة والجهال
ضحكني، والله صدقت اني هم اريد ارتاح
من ضيم نبية ام خشم
شو عالطريق العام لافت علينة سيارة وطبكت كدام
سيارتي، دست بريك جان طلعت من الجامة الامامية
أحمد: ااه، سامر اطلع، اطلع ذولة مسلحييين
ماسمعن كلام أحمد يمكن من الصدمة(للكاتبة طيبة الربيعي)
شو ذولة نزلو ملثمين اريد اشغل السيارة
مالحكت، ماعرف شكد بس مو اقل من تلث اشخاص
انفتح الباب مال احمد واشوف احمد
انجر، لزمتة اريدة اجرة انوب حسيت باحد جرني
يريد يطلعني مايكدر واحمد مستمر يقاوم
واني اصرخ وادفع شفت احمد انجرح
ودمة صار بيدي، واني حسيت بسجينة علة ركبتي
طلعوني سحل كلشي مادري بالدنيا
شديصير ماعرف، واحد نغل خلة جفية علة خشمي وحلكي
ماحسيت بالدنيا بعد الة ورة فترة
ماعرف شكد، فكيت عيني وحسيت بالوجع
واحد يصلخ بية بواير، كمت اصيح
واسب بيهم، مغطين عيني كلشي ماشوف
وايدية مربطة ورجلية هم(للكاتبة طيبة الربيعي)
من الضرب روحي احسهة ساحت
والدنيا تفتر بية وماتوكف، لا اني المغمي علية
ولا اني الصاحي، وخرو الوصلة من عيوني
شفت ثنين ملثمين
سامر: لك انتة لو زلمة ماتربطني وتخفي وجهك
تفلت علة الواكف كبالي بكل ثقة
ضربني راشدي من القوة حسيت باذني انخلعت وانطرشت
جرني من ياختي ورجع هل مرة
يدفر ابطني لحد ماوكعت بالكاع
جنت كاعد عالكرسي ومامنتبه الة لمن
شالة وركعة براسي، اغمى علية
واستمر هل وضع، ضرب صلخ تعذيب(للكاتبة طيبة الربيعي)
اوصل للموت وارجع للحياة
كلشي مافتهم مالهم حس بس ضرب صلخ
لحد ما ورة ايام ماعرف شكد
بس ايام طويلة
دخلو اربعة، فكوني، ثنين ثبتوني
وواحد واكف يباوع والثاني
صلخني علة صدري بواير مدري حبل
بس يموت يموت عبالك صيخ نار وصار علة صدري
متعجب من روحي كل هذا وما متت
الوجع والألم هلكد ما فضيع ماتمنيتة لعدوي
حجة: مسوي روحك رجال مو، دخل اشوفك الرجولة شلون تصير، مايضل بوجهي شارب اذا ماطيحت حظك وصبغك(للكاتبة طيبة الربيعي)
اني شبه صاحي لان التعذيب خدرني كوة مصحصح
اكل ومي ماكو بس جم لكمة ومي مرة باليوم
عبالك منظم علمود اضل عايش للتعذيب
اصيح من الألم ابنل كلب يزيد ويفشر
كل هذا واني صامد وعندي امل اخلص من هل مازق
لحد ما سوة سواية، خلتني اكمز واريد اخلص
بأي طريقة، ضربني حيل علة منطقة حساسة
اغمى علية، صحوني علة ضرب
كمت اتخربط عالضرب واصحى عليه
كل هذا واكول ليش ماموت، مستحيل واحد
يتعرض لكل هل ضرب ومايموت(للكاتبة طيبة الربيعي)
منو ذولي وليش هل تعذيب
معقولة طلبو فدية من اهلي ومانطوهم؟
بس تذكرت دعوة نبأ، عرفت هاي حوبتهة
اني الكاتلني ليش مايحجون يكلولي الرايدي مني شنو
بس تعذيب وسب واني ماعندي طاقة الكلام
فقدت حتة حاسة الللمس
ماحس كمت، ذبوني اباب بيت اهلي
وبعدها صحيت علة نفسي بالمستشفى
اول واحد خطر ابالي احمد
كمت اصيح احمد وين شوفو احمد
شفت اهلي داير مداير عمامي واخوتي
والأهم امي، بس الصدمة الدخلت بيهة(للكاتبة طيبة الربيعي)
بعدتني عنهم كلهم، اطمنت من عرفت احمد
راجع لاهلة ومابي شي مجرد خدشات
زين ليش اخذو احمد وماعذبو مثلي
انمار تحمدلي بالسلامة ويبجي
انمار: لو ما لحيت علة جيتكم جان ما صار هيج بيكم
بكلبي اكلة مو ذنبك هاي دعوة نبأ
بس كلشي ماحجي، شفت نبأ
بدي احضنهة ابجي بحضنهة واكلهة سامحيني
بس ماريد تسامحني، ماريدهة تشوف جسمي
وتعرف برجلهة فقد رجولتة، ماردت
احد يشفق علية، وجنت اتعذب اكثر
من اشوف نظرات الشفقة بعيونهة
وصلت بية اتعارك وياهة واتهستر(للكاتبة طيبة الربيعي)
اذا طبت واني ابدل، ماريد اشوفهة جسمي
ماريدهة تعرف برجلهة تشوه، غالق روحي علة روحي
اكتم بداخلي والوجع يزيد مايقل
صارت روحي بكَمرة، يمكن لان من ريحة امهة
اشمهة واحضنهة مثل ريحة امهة
بس تضل ريحة نبأ غير، الهة طعم خاص وفريد من نوعه
اشتعل شعل من هية يمي وماكدر اتقربلهة
مو بس هاي، من تجي تحاجيني واصدهة
لو اجاوبهة بجفاء، هذا الشي يأذيني اكثر
من لحت تشوف جسمي ماتحملت دفعتهة(للكاتبة طيبة الربيعي)
بس دفعتي جانت قوية بحيث راسهة انرطم بالكاع
مثل الشمرتهة، ماوعيت علة روحي الة لمن
شفتهة بلا حس ولا نفس، صحت امي
وضليت جوة، نزلت كالت لازم اخذهة للدكتورة تحلل
طبعا متحاجيني لان عبالهة ماهتم ومو يمهم
بس اكثر واحد خاف عليهة اني
وكلسع اصعد اطمن عليهة
ومن عرفت بالطفل راح، اختنكت والدنيا طلعت من عيني(للكاتبة طيبة الربيعي)
بعد ياربي بشنو تعاقبني، استاهل اني استاهل
ماعترض ابد، وبيوم من حاجتني نبأ
وشفتهة بوضع حيل يقهر
كرهت روحي تمنيت احضنهة وابوسهة
واكلهة يا عمري روحي فداج بس لتنزل دمعة من عينج
بس البية منعني، منعني الين خفت لا تطور
العلاقة وترجع مثل قبل واني عاجز وناقص رجولة
هل حقيقة معيشتني بخوف وغضب
لا اكدر احجي ولا اتحمل اكتمهة بعد
بس ماجرأت احجيهة، شوفتهة جسمي
انهاريت اكثر منهة، استحيت ورحت لبست
بس ردت اشوفهة اني مانفر منهة بأرادتي
سامر القديم صدك مات، ماضن يرجع
يوم عن يوم حالتي تسيء وفكري كلة
بالسوو بحالي هيج، والله لو يصيرون بين ايدية
مارحم بحالهم وروح ابوي(للكاتبة طيبة الربيعي)
وترابة الة العب بيهم فلك، عمي مستمر يدور
ويكول اطلعهم من عين السبع بس اصبرلي
والله لأخليهم يركعون كدامك
مكالمات بيني وبين أحمد مستمرة
اخابرة من صالح وماخليت احد يعرف لو يحس
بيني وبينة مخططات مايعلم بيهة غير الله سبحانه
وعمي الضباط
ورة فترة، نبأ وكَمر نايمات
صعدلي صالح كلي عمي يريدك
سامر: ها عمي بشر(للكاتبة طيبة الربيعي)
عمي: ثواني والناقص يصير يمك، لا تدخل بصدمة ثانية توقع الغدرك اقربلك من اهلك
ما كلي منو، وضل راسي يفتر
لحد ما اندك الباب
طلع وائل يفتحة، دخل كال اجو عمامي
وعمي قاسم (الضابط) ويا جماعتة
امي وتقى طلعن للمطبخ، طب عمي
وانصدمت من شفتة مربط انمار ويسحل بي سحل

يتبع...🌺🌺🌺
حالياً ماكدر اعوضكم داحاول اكتب وماتأخر
اعذروني عيوناتي دراسة متعبتني
قرائة ممتعة