فاعل خير (الجزء الثاني)

بارت 18

#فاعل خير الجزء الثاني
#بقلمي طيبة الربيعي
البارت الثامن عشر

(للكاتبة طيبة الربيعي)
صدمة ورة صدمة ماكو استراحة؟
صحاني من صدمتي عمي قاسم من كال
قاسم: عمي هذا النذل كدامك، شتسوي بي سوي بس لو اني منك اسوي بي مثل ما سوة بية يلة اخيسة بالسجن
سامر: يعني انمار ورة كل العذاب التعذبتة؟
قاسم: ياريت بس هاي، النذل حاط عينة علة مرتك وابالة يأرملهة حتة هو ياخذهة الك... (فشر عليه)
باوعت لأنمار مصدوم معقولة!!!!
تقدمت عليه دنكت كمبصت كبالة
مدنك راسة
سامر: باوعلي
ماباوع(للكاتبة طيبة الربيعي)
رفعت راسة بيدي، بس اجت عيني بعينة
اذكرت ايامنة الحلوة كلهة، اشتغل شريط الذكريات
كلة بلحظة وحدة
(ماضي)
جنة ثالث متوسط وهستونة شبينة
وطكن الشوارب بوجوهنة، جنت فرحان بشواربي
وهو ماواسعتة الفرحة، احمد جانت شواربة بعدهة
وضايج الدنيا طالعة من عينة
فأنمار حب يلطف الجو
انمار: لك احمد لاتضوج، زينهن يومين ويطلعلك، عبالك طلعلي هيج بدون ثوم(للكاتبة طيبة الربيعي)
اني ضحكت: مو رجال اليبجي خليهة ابالك
احمد بعصبية: اسكت انتة، مو طلعلك شوارب شفت روحك
انمار: لك دخليني احلف بشواربي من هسه، شواربي مو علية اذا خنت صداقتنة بيوم من الايام
تعاهدنة بيومهة اكبر واحد مايكدر يطب بيناتنة
ويخرب صداقتنة
(حاضر)
وفعلاً محد طب بيناتنة، من عدنة وبينة الهدمهة
دمعت عيني: صحيح هل حجي انمار؟
مجاوبني(للكاتبة طيبة الربيعي)
سامر: كلي لاء، اصدكك والله، جاوبني انمار ليش ساكت
عمي جرة ووكفة: صرت طلي فاتحة هسه مو
كمت لزمت ايد عمي: عمو اشكرك علة كلشي سويتة، هسه اجة دوري اني اتكفل بالباقي
قاسم: مو تسامحة سامر، الله مايرضاهة ترة
سامر: لاتخاف عمي تعبك ميروح بالرجلين، كفيت ووفيت الله يحفظك ويطول بعمرك
درت لكيت نبأ، اشرتلهة تطلع، طلعت
نبأ ...اباوع واسمع بس عقلي ميستوعب
مستحيل انمار؟؟؟؟ متت قهر من شفت سامر
شلون عيونة غوركت ويسأل بأنمار يريدة يجاوب عالسؤال(للكاتبة طيبة الربيعي)
اعرف بي يتمنة يسمع كلمة اللاء
بس مع الأسف الديصير حقيقة مو حلم
اشرلي بعيونة اطلع، طلعت شايلة كَمر
نزلتهة لان حيل مابية، المنظر هد حيلي
معقولة انمار؟ والله العقل ميعقلهة
زين ليييييش؟؟؟؟ بنفسي اسمع منة جواب مقنع
معقولة هو الي عذبهم؟ عذب اصدقاء العمر؟
ربي سترك الطف بينة من هل زمن المريع
دخلت للمطبخ لكيت تقى كاعدة
تقى: عزةة نبأ شفتي هذا انمار
كعدت: اي لج راح اتخبل، مداصدك هو ورة كل الي صار بسامر وأحمد(للكاتبة طيبة الربيعي)
دخلت عمتي: كومن عوفن السوالف هسه
كمت: شكو عمة
ام سامر: روحي انتي شوفي بنتج تبجي وانتي تقى اخذي ابنج ميصير يشوفون هل مناظر
طلعت لكيت كَمر واكفة بالباب وتباوع
نسيتهة خرب، اخذتهة تنحست
لان هستوهة كاعدة من النوم
كوة شلتهة تبجي وادفع بية تخبلت
تكلي عوفيني اروح يم بابا
قفلت الغرفة
نبأ: كعدي ماما ليش تصيحين
تضرب بالباب وتصيح تريد تطلع
مخليتهة، انبطحت بالكاع مغطية وجههة وتبجي
وتعيط، يبووو شكد نحسة من تكعد من النوم
تكرهني بالاطفال ساعة السودة
اندك الباب: فتحيي(للكاتبة طيبة الربيعي)
سامر، كمزت فتحتة، هو شاف كَمر هيج
وهو تخبل
بعصبية: شبيج وياهة!
شالهة غمرت راسهة بركبتة وتبجي
نبأ: تريد تدخل يمك مخليتهة ولان هستوهة كاعدة متنحسة
سامر: وليش ماخليتيهة اطب! اشش باباتي كافي هياني يمج، اخذج تشترين؟؟
تبجي متقبل اجاوبة، باوعلي بعصبية
سامر: بدليلهة خل اخذهة
نبأ: وينة انمار(للكاتبة طيبة الربيعي)
سامر بجدية: آخر مرة هاي اكلج مالج شغل
خفت، مقبلت ابدللهة الة ابوهة
انطيتهيا، بدللهة اخذهة وراحو
واني ركضت نزلت اريد اعرف وينة
وشصار
نبا: عمة عمةةة عمةةة
جانت تصلي، خلصت
ام سامر: و غمة شبيج مو تشوفيني اصلي!
كعدت يمهة اخذت ايدهة
نبأ: فدوة اروحلج كليلي شصار لتضمين علية
دفعت ايدي: يااا ولج تخبلتي، شوكت ضامة عليج اني(للكاتبة طيبة الربيعي)
نبأ: دكليلي لعد وينة انمار شلون عرفو هوة
ام سامر: عمة السامر شاك بي ورايح مفتش بيتة لاكي قناع اسود، مثل الي وصفة سامر، حالف مو هو بس مشبعي كتل يلة معترف ومنطي اسامي المكلفهم يخطفون الولد، شاحتيهم شحت طلعو ولد عمامة، واعترفو عليه هو المكلفهم بهل مهمة، الله لينطي حسبي الله ونعم الوكيل علة كلمن يريد السوء لأبني
انصدمت: شحجالكم سامر
ام سامر: بلاوي عمة بلاوي، سكتي مني هسه مالي خلكج(للكاتبة طيبة الربيعي)
نبأ: بداعة سامر عليج عمة فدوة، حباابة
ام سامر: يعني ماخلص منج اليوم!
ضحكت: مستحيل
حجتلي ضيم وضلايم، ابجي واسمعلهة
وهية متبجي تكول مدام الله كشفة
كلشي ماريد بس سلامة وليدي وصحتة
طلعت من غرفتهة مسحت دموعي صار
سامر كَدامي وبيدة كَمر، مسحتهن بسرعة
كَمر: شوفي بابا شجابلي مانطيج
ضحكت: بالعافية عمري
اخذهة ودخلو للهول، صعدت دكيت علة روى
مجاوبت، دخل سامر سديتة
سامر: كومي طلعيلي هدوم
خفت: وين رايح(للكاتبة طيبة الربيعي)
سامر بعصبية: وحضريلي خاولي همين اريد اسبح
دخل وعافني بحيرة، وين يروح
شعجب قرر اليوم يطلع، سبح بدل وطلع
واني كاعدة علة نار
نبأ: عفية عمة ليش خليتي يطلع
ام سامر: عوفي خل يشوف العالم الدنيا متكيفين يرجع مثل قبل
نبأ: شلون ماكيف بس اخاف عليه
ام سامر: لتخافين راح لعمامة
اطمنت اذا يم عمامة، بس رغم هذا(للكاتبة طيبة الربيعي)
اخاف عليه اذا اقرب اصدقاءة سوة هيج
شتوقع من الغريب؟ اكثر من هذا؟
سودة اعلية شمسوي بجسمة، الله لينطيك الخير انشاءلله
كون يصير بيك اكثر من السويتة بي
حتة تحس بالألم يا فاشل، لو ما فاشل
ومنحط متسوي هيج، اكيد يغار من سامر
يغار من شخصيتة لان ثكيل ورزن مو ملطلط مثلة
الواحد بهل زمن حتة بالصديق المفروض ميأمن
اكو فد مثل أرلندي يكول(للكاتبة طيبة الربيعي)
"من الأفضل أن يكون أمامك أسد مفترس على أن يكون وراءك كلب خائن"
وهل كلب الخائن متلبس برداء الصداقة
بس ريحتة العفنة بينت، والريحة العفنة متختفي
عسى ما الف ريحة، تختفي بالسبح
جان اختفت خيستة الانمار لو مستغفر ربة ومتعوذ
من الشيطان، بس هو الشيطان متلبسة اتلبس
بليل رجع، سويتلة عشة تعشة وكألعادة
يجر جكارة ورة جكارة، دخل من البلكونة
كَمر تباوع كارتون ومتمددة بحضني
اباوع وياهة بس فكري كلة يم سامر
باوعتلة: سامر
سامر: ها(للكاتبة طيبة الربيعي)
نبأ: باجر اريد اروح البيت اخوية زيد، هو يجي ياخذني بس اريد اخذ الأذن منك
سامر: اي روحي
تعجبت، اول مرة بالتاريخ يسويهة
جان ميقبل واذا قبل فبطلعان الروح
ثاني يوم الصبح، اسمعة يحجي بالفون
عبالة نايمة، يحجي بصوت ناصي
سامر: انشاءلله، اي تروح اليوم واحنة نستمر بشغلنة هنا(للكاتبة طيبة الربيعي)
عزةة ويامن يحجي، سدة باوعلي كبل غمضت عيني
سمعت الباب انفتحت، فكيت عيني شفتة طلع
كعدت، ايييي عيني سامر افندي
شناوي، تريد تخلص مني علمود تاخذ راحتك
الة اكعد علة كلبك اريد اشوف منو هذا
للظهر تغدينة وصعدت نومت كَمر
دخل، شفتة يحوص وكلسع يباوعلي
عبالي رايد شي بس فاجئني من سأل
سامر: شنو متروحين؟
نبأ: ليش تريد تخلص مني
سامر: لا حولَ ولا قوة إلا بالله، مو انتي الردتي تروحين البيت اخوج اليوم لو اني سمعي ثكيل
نبأ: لا بطلت، ماروح اليوم
سامر: ليش(للكاتبة طيبة الربيعي)
نبأ: شوف، تريد تخلص مني اني اعرفك، الله اليعلم شضام علية
باوعلي صفح: مخبلة والله
وطلع، طول اليوم مخابراتة سرية
راح اموت بس اريد اعرف ليشميخليني
اسمع اذا ماعندة شي، معقولة يخوني؟
ليش هو بحال خيانة، والله كلشي يجي من
الرياجيل مالهم امان(للكاتبة طيبة الربيعي)
يومين مليت واحس حالتي النفسية تعبت
بليل دخلت سمعتة يحجي
تسنطت
يحجي وية ولد، من كال احمد عرفت يحجي
وية احمد، اووف ارتاحيت
دخلت كبل غير الموضوع وحسيتة ارتبك
زين ليش ميريد اعرف شنو الضامي علية
نبأ: ممكن احجي وياك
سامر: احجي
تقربت كعدت بصفة: احبك
باوعلي متفاجئ(للكاتبة طيبة الربيعي)
نبأ: مشتاقتلك، اتمنة ترجع تعاملني حلو ومتتجاهلني، متدري شكد داتألم من هل موضوع
كام، كمت حضنتة من ورة
وخرني: لتجين يمي شكم مرة احذرج!
وطلع من الغرفة، كالعادة بجيت
بس منو يسمعلي؟ منو يهمة امري؟ محد
حسيت بنفسي طفل تايه بمدينة العاب
كلشي بيهة حلو، بس بالنسبة الة لا
لان لا اب لا ام لا اخوان لا اصدقاء
ماعندي احد، عندي بس محد يفهمني
محد يطبطب علة ظهري ويكلي شتحسين نبأ
شبيج مهمومة ليش الضحكة متبين بوجهج(للكاتبة طيبة الربيعي)
اتمنة، او يمكن يطبطبون بس مارتاح لغير
طبطبة شخص واحد، وهل شخص ممعبرني
ولا معتبر الوجودي وجود
وبيوم اجوي عمامة، كاعدين كلهم بالهول
العائلة يعني، حتة عمتي
يتناقشون، واني وتقى بالمطبخ
نسمعهم، اسمع عمة يكول(للكاتبة طيبة الربيعي)
قاسم: مادام اخذت حقك يا عمو عوف الباقي علية، ماعوفة لهل خسيس اذا ماخيستة بالسجن
سامر: لا عمي عوفة، حطيتلة ذكرى راح يتذكرني بيهة طول العمر ومايجرأ بيوم يوصلي
ام سامر: اي يمة عفية عليك، لتحرك كَلب امة عليه، امة وابو خوش ناس ميستاهلون يتحملون نتيجة افعال ابنهم
شنو الذكرى يا ترى؟ ليش سامر صاير
شخص كلة الغاز وغموض
من راحو كعدنة كلنة بالهول(للكاتبة طيبة الربيعي)
سوالف وضحك، وشفت سامر يضحك وياهم
بس من تضد عينة بعيني يسكت وميطول
يباوع بعيني ثواني مينعدن، طكت روحي
ترخصت وصعدت، طلعت صورة ماما وكمت ابجي
اشتاقيتلج يا حنينة منو الي بعدج
ليش الاحبهم ميبقون؟
دخلت للحمام غسلت وطلعت
شوية ودخل سامر
سامر ...ادري بنبأ تحاول تلطف الجو
وترجع علاقتهة بية مثل قبل، بس اني ماريد
زحمة وكلش صعبة من تعرف رجلهة عاجز
الله لايوفقك يا انمار علة هل عملة(للكاتبة طيبة الربيعي)
حلفت اذا مأخذت بثاري منة اطلع عار وماستاهل
اشم الهوة، اخذة عمي لمستودع
حتة آخذ بثاري منة، اتفقت وية احمد نعذبة
بس احمد راد انقتلة، كتلة منوصخ ايدينة بيه
لهل خسيس، بس نخلي يتمنة الموت ومايلاكي
وورة يومين رحنة اني واحمد
دخلنة شفت انمار عالكرسي
مربط، منزل راسة نايم يمكن(للكاتبة طيبة الربيعي)
سبحان الله نفس الموقف الصار بية
كما تدين تدان، احمد شمر مي عليه
صحة، شافنة انصدم
اي لعد شتكول علة صدمتي منك يا نذل
احمد كام يضرب ويسب بي
عفتة براحتة، اباوع لأنمار، اكول ليش؟
مو صالحتني وكلشي انتهة والفات مات
طلعت حية ام راسين، ماشفت واحد يحفر عدل مثلك(للكاتبة طيبة الربيعي)
شفتة راح ينتهي، جريت احمد
سامر: كافي راح تموتة، ماريدة يموت خل يتعذب
تفل عليه: مايستاهل يعيش هل .....(بقة يفشر ويغلط)
هديتة، كتلة اطلع عوفني اريد احاجي
طلع، بقينة وحدنة
حطيت كرسي كبالة وكعدت
سامر: ليش؟ انمار اريد جواب، ليش تخون الزاد والملح؟ شلون كدرت تغدر بأصحابك؟ ياريت لو صحبة سنة سنتين، 15 سنة ولك 15، هنا هناك؟
فار دمي ضربتة راشدي(للكاتبة طيبة الربيعي)
سامر بعياط: ولك احجي لييييش!!!!!

يتبع...🌺🌺🌺
البارحة البارت عبارة عن (والله عرفتة انمار الكلب)
اريد تعليق مختلف ماكو😂😭 عبالك متفقين
حبايب اعذروني الأكو احسن من الماكو
صدكو كوة دالكة الوقت للكتابة
وماعندي وقت مناسب للنشر غير هذا الوقت