فاعل خير (الجزء الثاني)

بارت 1

#فاعل خير الجزء الثاني
#بقلمي طيبة الربيعي
البارت الأول

(للكاتبة طيبة الربيعي)
نبأ: تعاي ماما خلي اغسلج
كَمر: ماه ماه
نبأ: لج لتشلعين كلبي حبيبتي خل اغسلج وروحي تكلمي وية بابا
موتتني خلتني اركض البيت كلة وراهة
لحد ما لكفتهة غسلتلهة ايدهة
كلش وكحة مو شلون ما جان
اتصلت بسامر وانطيتهة الفون
مرت ست اشهر علة طلاكنة
اني أجرتلي شقة قريبة علة بيت عمي
والي بالعمارة كلهم عوائل وخوش ناس
بس رغم هذا عمي مخلاني وحدي
او بالأحرى سامر مقبل
وخلة كَمر كحجة علمود منكعد وحدنة
بنت عمي الموظفة الله ينطيهة اجتي يمي
الفلوس العندي بعدهن مخلصانات
بس على وشك أن يخلصن(للكاتبة طيبة الربيعي)
ولازم احجي وية عمي لو بنتة
علمود يلكولي شغل، اي شغلة المهم
ماعيش عالة علة احد
سامر يجيبلنة مصرف كل شهر
بس اني ماستخدمة الية
كلة الكَمر
كلشي ما اريد منة
علاقتي انقطعت بنور
ماريد شي او أحد يذكرني بالماضي
اتواصل وية روى ومرات تجي تزورني
بس اني ماروحلهة ماريد اتقابل وية احمد
ام سامر تزورني دائما من سامر ياخذ كَمر
هية ترجعهة ومرات اجيبلي فطومة فدوة الكلبهة
شكد اشتاقلهة وهية من تجي تريد تبات
بس عمتي متقبل واني همينة مااحجي
ماريدهة تتعلق بية(للكاتبة طيبة الربيعي)
مرة صالح هم عندي تواصل وياهة
ومن تحاول تحجيلي علة سامر لو تقنعني ارجعلة
اسكتهة واخبرهة اذا تحجين بي ماكدر اتواصل وياج بعد
كلشي يذكرني بسامر، يذكرني بالجرح السببة الية
مع الأسف عشت عمري اداوي جروحة
ومدريت بي يفتك بجرحي ويتعمق بي
عود مرت هل اشهر علية براحة؟
نسيتة؟ كدرت انساه؟ نمت ليلي براحة؟
ابد، تألمت فكرياً جسدياً نفسياً
كلش تأذيت، تعودت انام بحضنة
حضنة جان كافي بس كاذب
كل اللحظات الحلوة العشتهة ويا تبخرت بذاك اليوم
"انتي الشمرتي روحج علية، لفيتج عبالي ادمية طلعتي حالج حال الساقطة الواكفة يمج"
مرات من يلين كلبي ويحن هل جملة تقسي
رغم محاولاتة يرجعني مقبلت
ياريت لو هايني بيناتنة
لو كدام اهلة عادي(للكاتبة طيبة الربيعي)
اتحمل لخاطر كَمر ويمكن اكدر اسامحة
بس مو كدام نور
صعبة كلش
ماعرف منين اجتني هل قساوة
يمكن بسبب الضغط الصار علة كلبي
يمكن لان طاقة التحمل العندي انتهت وملت
بليل اجوي بيت عمي محملين مسواك
نبأ: عمي ليش مزحم نفسك، عدنة مسواك خير من الله
باسني براسي: لا عمو حبيبتي ماكو اي زحمة غير تاكلون تشربون، وماشاءالله هل كَمر تاكل الأخضر واليابس
ضحكت: تسلم عمي ربي يحفظك ويخليك النة انشاءلله
سوينة عشة التهينة بالسوالف والحش
يبوو شكد يحشن ههههه(للكاتبة طيبة الربيعي)
دخلن جامعة بعد، بنت عمي نوال الموظفة
شخصيتهة قوية ومتحب تتشاقة هواية
تعجبني كلش فطتنتني على هواي شغلات
انو الحب مو تنزلين من كرامتج علمود التحبي
الحب تضحية من الطرفين مو تقليل من شأن واحد
الآخر، عدت احاسابتي من تذكرت شلون كضيت حياتي
ابجي علة سامر والوب بس اريدة يحس بية
شلون جنت غبية من خليتة يفرضة شخصيتة علية
يمكن بآخر ايام بدة ينعجب بية بس مو حب ابد
يمكن تعويد، لان عودتة عالترتيب والراحة والعيني واغاتي
ممكن يكون اعجاب او مجرد تعويد لكن ابداً مو حب
لان الحب ميخليك تنهان وكدام اليسوة والي ميسوة
هذا هو بعد يا سامر، انتة من طريق واني من طريق
وبيناتنة كَمر فقط وهم ماعرف شلون هل طفلة راح تتحمل(للكاتبة طيبة الربيعي)
من تكبر وتوعة وتشوف امهة وابوهة مطلكين
مراح يعيروهة؟ مراح يكولولهة امج مطلقة؟
اكيد يعيروهة، بس مو هذا الهامني والقالقني
القالقني شلون راح اعلمهة متكون ضعيفة وتنطيهم
الأذن الطرشة، وتتحمل وتكون قوية
شلون اعلمهة واني معرفت اعلم نفسي
ماعرف شايلة هم، الله كريم مدام ربي سبحانه موجود
كلشي يسهل ويهون
ورة متعشينة سون البنات جاي
مخلوني اسوي، كعدت يم عمي بالصالة
نبأ: عمو اريد افاتحك بموضوع
عم نبأ: كولي عمو(للكاتبة طيبة الربيعي)
نبأ: مليت مكابلة الأربع حيطان كاعدة وساكتة مابيدي شغلة اسويهة، اريد اشتغل واريدك تلكالي شغلة بسيطة مو تحملني مسؤولية كبيرة لا اريدهة بسيطة
عم نبأ: نباوي شنو محتاجة فلوس وعمج موجود
نبأ: لا عمو أبد، عندي خير من الله، بس داضوج لا شغلة ولا مشغلة
عم نبأ: زين وشلون تشتغلين وكَمر طفلة منو يعتني بيهة
نبأ: هو داريد اكلك اريد شغلة بيتية
مرة عم نبأ: ابو نوال اني عندي فكرة
عم نبأ: اي؟
مر عم نبأ: نباوي انتي مو شهادتج مدرسة اعدادي؟
نبأ: اي
مرة عم نبأ: درسي خصوصي بالبيت كومة خطية يحتاجون مدرسين خصوصي، انتي شنو خصوصج؟
نبأ: اني رياضيات(للكاتبة طيبة الربيعي)
مرة عم نبأ: والله يلكفوج لكف، نوال تخبر صديقاتهة والتعرفهم واني همينة اخبر الاعرفهن، انتي بس سويلج جو دراسي حتة لو بالصالة هنا، هم تحصلين فلوس وهم تلتهين بشي ينفعج وينفع الطلاب
والله فكرة حلوة
نبأ: والله يا خالة فكرة مالكة احسن وانسب منهة الوضعي
عم نبأ: خوش شغلة هم اجيبلح رزق وهم تتونسين، والبنات هم يشوفن اذا يعرفن وحدة تريد تدرس خصوصي، سهلة عمي وانشاءلله الله يفتحهة بوجهج
كمت اريد ابوس ايدة مخلاني
بست راسة: الله يخليكم الية عمو ماعرف شلون اجازيكم عالدتسو الية(للكاتبة طيبة الربيعي)
عم نبأ: شمسوين ماتكليلي، بنية مؤدبة وسنعة مثلج تستاهل كل الخير
نوال: نباوي عادي ادرسين شباب همينة مو؟
نبأ: اي عادي
نوال: عندي زميلتي ادور مدرسة خصوصي مال رياضيات لأبنهة اكلمهة وانطيج علم
نبأ: تمام، اشكرج متقصرين
نوال: حبيبتي لا شكر على واجب
فعلاً ارتاحيت كأنما هم وانزاح عن كلبي
شغلة تطلب صبر ومجهود بس مو طبات وطلعات
الحمدلله ياربي، تكون عيني علة كَمر بنفس الوقت
وعلة المادة، لان بعازة الفلوس واستحي زحمة اطلب من(للكاتبة طيبة الربيعي)
عمي، ماريد اقصر علة نفسي لو علة بنتي بشي
يكفي افكر بغيري وهاملة نفسي ومظهري
ثاني يوم من اجتي نوال من الشغل كلمتني
كالت لو تبلشين بالجمعة هاية يكون افضل
لان الطلاب قربت امتحاناتهم ويحتاجون فهم
كتلهة تمام، جمعولي بيت عمي الله ينطيهم
كم طالب، ستة سبعة هيج شي، ولد وبنات
سادس علمي، الله يعينهم السادس صعب
بس انشاءلله اذب مجهود عليهم علمود افهمهم
اعرف بمعاناة السادس شلونهة اووف ذكريات
تخوف بس من اذكر اجتازيتهة احس براحة
تعبي مراح عالخالي بلاش، كلة بفضل ماما
الله يرحمهة، سجلتني بدروس خصوصية
بس تحفيزهة جان كافيني، اااه يا يمة
شكد صعبة العيشة بدون شوفة عيونج الحلوات
اجة يوم الجمعة وكَمر فرحانة علة فرحتي
بس خفت لتخرب الجو بعياطهة العرمة
شايلة لسان مو طفلة عبالك مرة عجوز(للكاتبة طيبة الربيعي)
وحركة حركة متكعد راحة، رتبت الصالة
بس اني وكَمر بالبيت، جانت الساعة بالوحدة الظهر
نوال تجي بالاربعة العصر، المهم اندكت الباب
اجوي اول طالبتين، مبينات سجاجات
من ثخن حواجبهم هههه، رحبت بيهم
وبنفس الوقت رجع الباب اندك
ثنين طالبات لخ، وبعدها ثنين ولد
جنت متوقعتهم صغار بس طلعو شباب
مشوربين، الظاهر عايدين السادس عشر مرات
رحبت بيهم، وبالأخير اجتي طالبة بس متأخرة
رحبت بيهة وحبيت احذرهم من البداية
حتة ميستهينون بدرسي
نبأ: مرحبا بيكم جميعاً واهلا وسهلا، حبايبي ياريت تتجنبون التأخيرات، اريد تركيز وفهم، الي ميفتهم يسأل اهاليكم ديدفعون من عرق جبينهم في سبيل نجاحكم وتحقيق احلامكم، ارجع واكول الي ميفهم يكولي اني شغلي افهمكم تمام؟
الجميع: تمام(للكاتبة طيبة الربيعي)
وبديت اشرحلهم، مر اول يوم علة خير
وحسيتهم يفهمون علية، بعدنة بالبداية محد عندة سؤال
بعدنة مداخلين بالصعوبة، جنت مفكرة انو اليوم
مر على خير طلعت خاطئة بتوقعي، من طلعو الطلاب
بحدود التلاثة الظهر، اندكت الباب
فتحتة ورجعت بذكرياتي ليورة
وهزني ريح الحنين والشوق والألم
سامر ...6 اشهر اتوسل بيهة ترجع
واعتذرتلهة الف مرة حتة عمامي دزيتهم(للكاتبة طيبة الربيعي)
قفلت وذبت المفتاح بالبحر، حاولت اقنع نفسي
نبأ مجرد تعويد مو حب، مرن شهرين كمت اتكروط
واتشعوط، مالي خلك احد والدنيا طالعة من عيني
بس مرة صالح شايلة البيت وامي تعبانة مرة جبيرة
يعني حتة استحي اطلب منهة تغسل اهدومي
رغم خطية هية اطب لغرفتي واطلعهن
بس زحمة تغسل ملابسي الداخلية
طلباتي احتياجاتي خصوصياتي
حياتي انكلبت جحيم صعب اعيش بدونهة بعد
من افز بليل ابقة اتلمس مكانهة(للكاتبة طيبة الربيعي)
لحد الآن مامخليهم يبدلون الفرشة
بيهة ريحتهة، كلشي بالغرفة يذكرني بيهة
وصلت بية لدرجة اطلب من مرة صالح وروى
يتوسطلي عندهة، وانوب طلعت ابيت وحدهة
حاجيت عمهة اذا وحدهة اكسر رجليهة
حتة لو طليقتي تضل ام لبنتي
وطلعت حجة بكَمر اخاف عليهة اذا ابيت وحدهن
كل ما اروح اجيب كَمر ماتطلع هية، بنت عمهة تطلعلي
لو امي اجيبهة وتوديهة، صارلي بالاربعة اشهر
ماشايفهة، افكر شلون ارجعهة، اجيتهة بالعيني واغاتي
مافاد، ماريد ارجعهة غصب بالتهديد
اكول مجروحة، وفاة امهة بصفحة
اخوتهة بصفحة، الحجيتة بصفحة كلهة نار وشرار
شكد ندمان عالحجي الحجيتة(للكاتبة طيبة الربيعي)
اني متعجب من روحي شلون كدرت اجرحهة
وروح ابوي الكلمة طلعت مني بساعة عصبية
وابد ماقاصدهة، صح ماجنت احبهة لنبأ بالبداية
بس بعدين كلشي تغير، عرفت العيشة بدونهة صعبة
مانسة شلون عرضت علية فلوسهة وذهبهة
بس علمود مامد ايدي واحط دين بركبتي
اذكر شلون تخاف علية من خشمي يطك دم
وبفضلهة ماطلعلي دم بعد
شلون اداريني واداري امي وفطومة
وهاي فطومة تكوم تكعد تحجي بيهة
تلح علة امي توديهة مرات تكتلهة لان تلح
وتبجي عليهة بشكل، لعد اني شكول
اني التعودت انام علة ريحتهة وسوالفهة الحلوة
ريحتهة مال اطفال اووف يااابة
6 اشهر عبالك 6 سنين
بيوم قررت اروح احاجيهة(للكاتبة طيبة الربيعي)
اسال عن احوالهة، بس اشوفهة ماريد شي
مشتاقلهة وحسيت هذا هو ماتحمل بعد
شيصير خل يصير، نزلت من السيارة وطبكت الباب
استغربت من طلعو جماعة من البيت
ومن ضمنهم ثنين شباب، شالقصة
فتت من يمهم مستغرب
وكفت من سمعت الحجا هذا الناقص
-ولك مدرسة لو فلك، ياريت لو يومية ادرسنة
-خرب شلون خصر وجمال، لو ما اكبر مني ادز امي عليهم
شفتهم ابتعدو، دكيت الباب
بس شنو البية براكين تغلي
اكيد عليهة هية مدرسة بس شعدهم يمهة
بس لا ادرس خصوصي، خرب دينارج
فتحتلي الباب(للكاتبة طيبة الربيعي)
بكد ما مشتاقلهة ابدي اكسر راسهة
سامر: السلام اعليكم
نبأ: وعليكم، خير سامر شعندك هنا
دفعتهة وطبيت
نبأ بعصبية: شدتسوي انتة متستحي
سامر: لج شنو ذولة الشباب الطلعو من البيت شعندهم يمج!
نبأ: وانتة شلك دخل
اجتي كَمر تركض(للكاتبة طيبة الربيعي)
شلتهة بوستهة
سامر: شلونج باباتي
كَمر: سينة
باوعت لنبأ: لعد نوال وينهة شلون تعوفج وحدج وياهم
نبأ: سامر ما الك دخل بية

يتبع...🌺🌺🌺

علقو وصوتو على كد حبكم للقصة حبايبي
قرائة ممتعة❤