فاعل خير (الجزء الثاني)

بارت 15

#فاعل خير الجزء الثاني
#بقلمي طيبة الربيعي
البارت الخامس عشر

(للكاتبة طيبة الربيعي)
ركضو الولد طلعو واحنة ايدينة علة كلوبنة
كَمر وفطوم كامن يبجن تقى اخذتهن لغرفتهة
اسمعهم يصيحون بأسم سامر
وكعت من طولي سندتني في
نبأ: ليش ديصيحون بأسمة
دخلو فكيت عيني علة وسعهة من شفتهم
شايليه مدمة ووجهة اصفر وروحة مايعة
مغمض عيونة شايلي شيل
تخبلت ركضت عليه اكعد بي
نبأ: سامر حبيبي اكعد، ليش مغمض سااامر
عمتي طفرت تكعد بي وتصيح اكعد ليش مغمض
بعدونة الولد جروني جر، بعدهة حسيت الدنيا
افترت بية وكلشي ظلام بظلام، شفت ماما أجتني
كومتني حيل وكالت "كومي علة حيلج الله واهل البيت واكفيلج"(للكاتبة طيبة الربيعي)
من قوة لزمتهة صحيت مفزوعة
لكيت في يمي
كمت علة حيلي دخت رجعت لمكاني
في: يمعودة لتكومين موزين عليج انتي حامل، لتخافين سامر مابي شي ودو للمستشفى
نبأ: وينة سامر وينة، شبي ليش مدمة ومغمض
في: اهدئي وكولي يا الله نباوي، خابرني زيد كال مابي شي بس من الضرب مغمى عليه وفاقد دم هواية، شدولة مغذي وابن عمة متبرعلة ابطلين دم
كمت ابجي واكل بروحي، كلة من وراية
كلة من دعوتي عليه، ينكص الساني انشاءلله
اذا دعيت عليه بعد، في تهدي بية واني بداخلي دمار
حيلي كلة انهد(للكاتبة طيبة الربيعي)
نبأ: خابريلي زيد فدوة
في: ميكدر يحجي يمة ولد
نبأ: دخابري حتة لو في مو راح اموت لخاطري خابري
في: ماشي بس أهدئي كلشي مابي رجلج
اتصلت بزيد وانطتنيا
نبأ: زيودي كلي الصراحة سامر شبي
زيد: يابة والقرءان كلشي مابي، ماكو شي خطر بس متعرض لضرب قوي، لتخافين زلمتج زلمة حوك يتحمل، بس ادعيلة يكوم بالسلامة مامحتاج غير الدعاء
نبأ: يعني مدتكذب علية مو؟؟
زيد: وروح امي ماجذب، واذا متصدكين خابري عمي وسألي(للكاتبة طيبة الربيعي)
نبا: هذا هو مصدكتك، خبرني اذا صار شي وطمني عليه
زيد: من عيني، بس ارتاحي وديري بالج خيتي ابطنج روح وسامر مايرضة تعذبين نفسج وتعذبين ابنة
نبأ: شلون اكدر يا زيد فهمني، مابقة بية حيل ماتحمل افقد عزيز لاخ رجلي والكبر سوة
زيد: كولي يا الله وتفائلي بالخير، ابو الحسنين يكول تفائلو بالخير تجدوه، لتفاولين عليه
نبأ: دخيل اسمة، انشاءلله
سديتة
في: ها هسه اطمنتي، دخلي اجيبلج شي تاكلي يا عيني لخاطر البيبي ميجوز
نبأ: ماكدر كلشي ماريد، كَمرة وينهة
في: ذيجة يم الجهال
نبأ: جيبيلياهة فدوة(للكاتبة طيبة الربيعي)
في: نباوي ماجيبهة اذا متخليني اسويلج اكل، لج باعي وجهج اصفر ليصير بيج شي
نبأ: ماكدر اتقيئة والله
في: ميخالف المهم شي يدخل المعدتج
كامت: ثواني واجيج
جابت كَمرة وراحت تسويلي اكل
مابنفسي شي كل همي اشوف سامر
واكف علة حيلة، همزين مشافت المنظر كَمرة
جان صار بيهة شي لان تخاف
خية تشوف شي بالتلفزيون تبقة مخلوسة
والليل متنامة، شحال لو شافت ابوهة بهيج موقف
وبهيج حالة، اوف المنظر مستحيل يروح من دماغي
سودة علية الله ليوفقة السوة بيك هيج
الله يطلعهة بي اليوم قبل باجر
والله بس يرجع سامر علة حيلة(للكاتبة طيبة الربيعي)
اروح لأبو فاضل اكص اشد العلك هناك
واطلب حاجتي منة، ميردني خايبة ابو الغيرة والحمية
ضل بالي يم عمتي، ماعرف شخبارهة
رغم عايشة وياهة بنفس البيت
بس فكري كلة بسامر ولا ادري شيصير ميصير
غير موضوع سامر ماكو ابالي
اخذت كَمرة وطلعت
دخلت للاستقبال كلهم تحمدولي بالسلامة
مرة عمي وبناتة وتقى ولؤي هنا بس
باوعت عمتي ماكو
نبأ: لعد عمتي وين
مرة عمي: راحت وياهم مقبلت تبقة هنا
خفت عليهة وين تتحمل هل ضيم وهية بيهة ضغط
اخذت كَمرة وصعدت، مابية حيل
جسمي يرجف مدري شجاني(للكاتبة طيبة الربيعي)
شوية واجتي في بيديهة صينية اكل
لحت علية اكل، اكل واوكل كَمرة
سودة اعلية جوعانة، وكلتهة واني اكلتلي
لكمتين بس علمود ابقة بحيلي
بليل كلش رجع وائل وويا عمتي
اوت ماطبت رحت عليهة بوستهة
شصاير بحالهة وجههة لونة مخطوف
وشفتهة زركة
نبأ: عمة ليش رحتي خوفتيني عليج
ام سامر: يمة شلون ماروح وابني بين الحياة والموت
مرة عمي: اسم الله انشاءلله يكوم بالسلامة، بس ادعولة(للكاتبة طيبة الربيعي)
ردت اخذهة للغرفة مقبلت
الة تكعد بالاستقبال خاف يصير شي
ومحد يخبرهة، جبتلهة اكل مقبلت تاكل
جبتلهة حبوب الضغط والمي
كوي شربتهة، وحلفتهة بداعتة تاكللهة ولو لكَمة
وكلتهة بيدي شفتهة بجت
نبأ: عمة فدوة اروحلج كافي
ام سامر: لو تشوفون دمة تارس اهدومة ترس
متحملت اني بجيت وياهة
كلهم كامو يبجون، اوف ربي افرجهة
قررت اصير قوية، اني مرة سامر ماضعف
اذا خلصتهة بواجي ونياحة شراح استفاد؟
شستفاد واني بروحين، اشد حيلي واهتم بصحة
رجلي وارجعة مثل قبل واحسن(للكاتبة طيبة الربيعي)
بس يرجع للبيت افرشلة الكاع ذهب
خلصن ال3 ايام، جابو للبيت
رادو ينيمو جوة عمتي كالت لا
خلو فوك بغرفتة، مشفتة جنت بالمطبخ
والولد ميقبلون اطلع جايين وياهم
جماعتة السامر، نسيت روى ونسيت احمد
بس خل اشوف دربي واتصل بيهة
واكفة علة جمر بس اريدهم يرحون
علمود اصعد لحبيبي ونظر عيني
نص ساعة يلة راحو، بقينة بس العائلة بالبيت
نزلت عمتي وكايدة كَمر بيديهة: نباوي ماوصيج بوليدي
نبأ: عمة بعيني والله(للكاتبة طيبة الربيعي)
ام سامر: الله يرضة عليج، صعدي يم رجلج عمة وطيبي خاطرة، انسي الصار مدام الله كتبلة حياة جديدة لتخلين شي يأثر علة علاقتكم
بوستهة وصعدت، كلي لهفة وشوق
دخلت لكيتة نايم وكلة لاسقات طبية
تقربت اخاف اتلمسة ويتأذة، خليت ايدي علة خدة
نزلت دمعتي عالمنظر هذا، الهم الي اني بي
ميعلم بي غير ربي سبحانه
الله يكسر ايدة الي سوة بيك هيج
الله يعذبة قبل لياخذ روحة الخسيس
ابن حرام الي يسوي هيج، لو ما ابن حرام
ميأذي انسان بريء، امانة ربك هاية شلون كدرت
تأذيهة، اعوذ بالله من هيج بشر
تمددت بصفة، شوكت يكعد وامتع اذني بصوتة
تقربت اشم بي بس ماكدر احضنة ليتأذة
منمت لوجه الصبح، بس اغفي
فزيت وكمت من سمعتة يون(للكاتبة طيبة الربيعي)
يحرك بشفتة ويمطكَ عرفت عطشان
كمت عالسريع جبت مي وكعدتة
نبأ: حبيبي ساعدني علمود اشربك مي
فتح عينة بتعب، ساعدتة يكوم
شربتة مي وخليت الكلاص عالميز
انتجة عالتاج وباوعلي
تقربت تلمست خدة، نزلن دموعي
نبأ: حبيبي سمورتي موتتني خوف عليك
يباوعلي وكلشي ميحجي
بستة بخدة وخليت عيني بعينة
نبأ: احجي كول شي، طمني عليك عمري انتة
محجة شي بس يباوعلي، مردت اضغط عليه
نبأ: حسويلك ريوك حبيبي انتظرني
لفيت شالي ونزلت، اوف ياربي كلبي خلص
سويتلة ريوك واخذتة، لكيتة علة نفس الكعدة
وصافن عالكنتور، خليت الاكل بصفحتي
وكعدت(للكاتبة طيبة الربيعي)
نبأ: يلة عمري افتح حلكك علمود اوكلك
بديت اوكلة شوية شوية، وهو لا حس ولا صوت
خفت من هل هدوء، معقولة ميكدر يحجي؟
لازم استفسر من صالح اريد اعرف شبي
وكلتة ونزلت الصينية عفت المواعين
ورجعت صعدت
نبأ: تفوت تسبح؟ لو مابيك حيل؟؟ اني اسبحك انتة بس تكعد عالتختة
محجة شي، ياربي سترك، الطف بحالنة
طلعتلة هدوم، تقربت لزمت ايدة
نبأ: يلة قلبي مدام الحمام دافي
جر ايدة، باوعتلة مستغربة(للكاتبة طيبة الربيعي)
بعد الغطة وراد يكوم بس اني حاجبة الطريق
كمت وهو هم كام راد يوكع سندتة
وصلتة للحمام اريد اطب ويا
مخلاني، طب وسدة، عرفت سامر داخل بحالة صدمة
وتأكدت من هل شي من حجيت وية صالح
كال الدكتور يكول مراح تعجبكم تصرفاتة
بالبداية، لان الضربات المتعرضلهة مدخلتة
بحالة صدمة بس لحسن حظة خفيفة وتختفي
بمرور الوقت انشاءلله، لازم تسايسو وحتة اذا تعصب
محد يعصب عليه لو يغثة بحجاية
لازم تتعاطفون ويا وكلشي يكول تكلولة اي
الحمدلله ياربي اهم شي رجعلي سالم
عمة حلف ميهدالة بال اذا ميلكة ذولة الميخافون ربهم(للكاتبة طيبة الربيعي)
وكال اذا مأخذت حقك ماخلي هل شوارب بوجهي
عمة عندة معارف هواية يشتغلون بالحكومة
وبالشرطة، بدو ياخذون واحد واحد من اصدقائة
ويحققون وياهم، مرن يومين اتصلت بروى
كالت احمد ذبو كدام الباب
ظهرة كلة اثار ضرب مال واير مدري حبل
وميكدر يحجي صوتة رايح
كوة تطلع منة الكلمة، اوف ياربي
ليش ثنينهم، اكيد واحد يعرفهم
ليش ولكم ممأذين احد ولا فد يوم غلطانين بحق احد(للكاتبة طيبة الربيعي)
ماكول غير حسبي الله ونعم الوكيل
سامر ميسولف هواية ولا يكعد وية احد
علة كد حاجتة، وياية بس من يريد شي
ويخليني ادخل ويا للحمام اسبحة
ولا ينزع اهدومة بليل، عكس قبل
جان مينام بالفانيلة حتة لو شتة
ميطيقهة، اشتاقلة وبنفسي احضنة
بس اخاف من ردة فعلة
مر اسبوع علة رجعتة، كلت خلي اجرب
اتقرب واحضنة، اذا متقبلني اعوفة
واذا تقبلني اكون اسعد انسانة بالعالم
جان متمدد والضوة مطفي، كَمرة نايمة(للكاتبة طيبة الربيعي)
وهو كاعد اعرفة من انفاسة
من ينام يشوخر بس هسه مداسمعة يشوخر
تقربت حضنتة، دفعني وكام طلع من الغرفة
متت قهر وكمت ابجي، شنو البيك يا روحي
ليش متقبل احد يتقرب منك
شسوو بيك وخلوك تخاف مني
الله لينطيهم انشاءلله الله ليوفقهم
بقيت انتظرة يرجع مرجع(للكاتبة طيبة الربيعي)
نزلت اشوفة وينة، لكيتة نايم بالهول وبدون غطة
صعدت جبت بطانية ونزلت غطيتة
ثاني يوم اجوي عمامة وولدهم
كالو محد من اصدقائة عندة عداوة ويا
كلهم يحبو ويبجون علة حالتة، لازم اكو واحد
من بعيد لبعيد عندة عداوة ويا
مخطر ابالي غير نور، معقولة تسويهة؟
متسويهة وهية بنية وحدهة، مستحيل تكدر
قابل تشتغل وية مسلبجية، اكو لغز بالموضوع
لغز حلة موجود وقريب بس صعب ينلكي
بليل ورة العشة طبيت للغرفة لكيت سامر يبدل
عاط بية: اطلعي!!!(للكاتبة طيبة الربيعي)
طلعت بسرعة، خليت ايدي علة كلبي
نزلت ركض خايفة عصبتة، مو قصدي والله
ليش ميخليني اشوف جسمة، بقيت اكل بروحي
عمتي شافتني
ام سامر: شبيج عمة شكو
نبأ: لا ماكو شي
ام سامر: سامر بي شي؟؟
نبأ: لا كلشي مابي، بس وضعة قاهرني اريدة يرجع سامر القديم لان مداتحمل اشوفة بهل وضع اموت قهر(للكاتبة طيبة الربيعي)
ام سامر: يرجع عمة يرجع بس ادعيلة، الله لاينطيكم ولكم شمسويلكم، حاطة الله وياكم
حرت اصعد لو لا، لازم اصعد
لازم اجازف واشوف رجلي شبي
دكيت الباب قبل لا ادخل، كلي فوتي
دخلت لكيتة متمدد
حاولت ابدل كدامة علمود الهي
بلكت يحن علمود اجر السانة
نزعت دشداشتي واحس بي يراقبني
لبست ثوب قصير وبي شغل حلو
ربع ردان وبي دانتيل من الظهر
فليت شعري وتعطرت، تقربت كعدت عالسرير
بعدني مناطقة بحرف دار وجهة(للكاتبة طيبة الربيعي)
سامر: كومي لبسي

يتبع...🌺🌺🌺

اشكركم جميعاً علة اقتراحاتكم وتعليقاتكم الحلوة، رجع فوني مثل الحصان بس ادعولة ميتخبل علية وينطفي