#فاعل خير الجزء الثاني
#بقلمي طيبة الربيعي
البارت الرابع
(للكاتبة طيبة الربيعي)
سامر ...بعد ما وصلت عمهة للبيت رحت لشغلي
وبالي يمهة، ماكدرت اشوفهة ضليت اتكلب علة نار
شلون بالله اسويهة بالختلات
هم ماترهم، رجعت من الشغل حاجيت امي
سامر: يمة عود روحي اخذي من خاطر الجماعة
ام سامر: انشاءلله يمة، شلونهة نباوي شفتهة
سامر: لا بس الاعرفة موزينة، حاجيهة عود اذا تحتاج شي هية متستحي منج
ام سامر: انشاءلله، الله يصبرهة هاي مشافت راحة بحياتهة والله ماعرف شنو من حظ شايلة
صعدت تمددت صاحوني عالعشة كتلهم راح انام
مالي نفس اكل شي ومالي خلك احد
هسه لو اتجاوب علة اتصالاتي جان زين
دزيتلهة رسالة
نبأ ...منجطلة بالليل وبحضني كَمر نايمة
احس راسي فارغ(للكاتبة طيبة الربيعي)
دماغي كلشي مابي غير القهر
دك فوني شفت المتصل سامر
عفتة مجاوبت، اجتي رسالة
"شلون صرتي، محتاجين شي؟"
مجاوبت شمرتة، ثاني يوم من غبشة طلعنة
للنجف، كَمر بقت يم مرة عمي
شفت كبورهم، وكعت من طولي ابوس بيهم
اوف ياربي والله كلبي ميتحمل كل هل حمل هذا
ابوية وراه امي وادور اخوية واولادة
حسبي الله ونعم الوكيل عألي فرق بيناتنة
حسبي الله ونعم الوكيل شكول غيرهة
بنية وحدي لا حول ولا قوة ما الي احد
بس عمي الله يحفظة الية
كلهة دارت عليهة كلهة طلعت وحوش مو بشر
عمي اجة شالني كومني: عمي كومي ميصير هشكل ترحميلهم
قاطعتة: عمو ماريد اعيش بعد، اريد اندفن وياهم ادفني(للكاتبة طيبة الربيعي)
عم نبأ: عمي كولي يا الله راحو لدار حقهم كلنة علة هذا الطريق
سامر ...ماجاوبت مثل ماتوقعت
ثاني يوم بالتسعة بلبل تقريباً
اتصل بية عم نبأ، جاوبت
سامر: الو
عم نبأ: الو سامر السلام عليكم
سامر: وعليكم السلام عمي شخبارك
عم نبأ: والله يا عمي مو زين، وديت نبأ اليوم للنجف وقبل شوية طبينة للبيت حرارتهة ارتفعت واطكطك من البرد الدنيا حارة ماعرف شجاهة وكعت علية هناك وحرت بيهة
بس سمعت هل حجي كمزت للكنتور
سامر: جاي عمي مسافة الطريق
سديتة وماعرف شلون بدلت(للكاتبة طيبة الربيعي)
ام سامر: وين رايح يمة خير يا ستار
طلعت: بعدين يمة مستعجل
طلعت للبيت نزلت دخلت للعمارة دكيت الباب
طلعلي عمهة
سامر: وينهة خل اشوفهة حتة اخذهة للمستشفى
عم نبأ: هسه هل البنات يبدللهة ماترضة تتحرك
ماكدرت افوت للغرفة مالابسة هدوم مسترة
بس كاعد علة اعصابي اسمعهن البنات يحجن
ومرة عمهة تكللهة عمة بس البسج الثوب
بالعشر دقايق بس يقنعن بيهة(للكاتبة طيبة الربيعي)
مادري شبيهة مادري راح اتخبل
شوية وطلعت نوال ووياهة بنية كايداتهة
تقدمت عليهة مثل المخبل
سامر: شبيج نبأ شتحسين
ترجف ومغمضة كوة تفتح
وخرتهن وشلتهة
اجوي عمهة ومرة عمهة وراية
اخذناهة للمستشفى
ضاربتهة صخونة قوية احتمال تنشمر اسم الله
ومامتغذية زين شدولهة مغذي وحطولهة كانونة
يومين اني وعمهة وياهة بالمستشفى
اليوم الثاني بليل طلعناهة جانت احسن
كايدهة وامشي وعمهة راح يجيب الدوة
من الصيدلية(للكاتبة طيبة الربيعي)
سندت راسهة علة جتفي
سامر: يا بعد العمر بية ولا بيج
نبأ ...تمنيت اموت اشتهيت الموت هناكة
وكعت ومحسيت علة نفسي
غبت عن الوعي وحسيت نفسي بالمستشفى
وبيدي كانونة، كلسع عمي يدخل يطمن علية
تفاجئت من عرفت سامر موجود
عمي كال راح نطلعج
دخل سامر وعمي راح يجيب الدوة
كايدني واني مابية حيل العب دور القاسية
الي متحبة، حسيت بكمية حنان فقدتهة من توفت ماما
ومن نبذتة من حياتي، سندني وطلعني
وبالطريق للسيارة تفاجئت بحجايتة
سويت نفسي ممهتمة ولا كأني سمعتة
بس لخبط عندي كل المشاعر
شبكهن ابعض(للكاتبة طيبة الربيعي)
سامر: ليش ماتحاجيني نبأ مشتاق اسمع صوتج حتة صوتج تحرميني منة
سامر ...ساكتة ماجاوب، صعدتهة ليورة
وصعدت، شلون بالله
اباوعلهة من المراية منتجية ليورة وتباوع من الشباك
وين بالج نبأ وين بالج، ليش صرتي هيج
هو اني هم الي عين اسأل ليش
سامر: اجيبلج شي جوعانة؟
مجاوب
استغفرالله ربي
سامر: انتظريني هسه جاي
نزلت دخلت للمطعم جبت لفات كص علة عددهم
ولفة كص دجاج لكَمرة ابوهة تحبة
رجعت لكيت عمهة جاي(للكاتبة طيبة الربيعي)
عم نبأ: ها عمي وين رحت
حطيت العلاليك ليورة يمهة
سامر: جبتلكم كص خاف اجوعون ومابيكم حيل تسوون اكل، ولكَمرة اللفة مال كص دجاج تحبة
عم نبأ: صدك جذب عمي ليش ازحم نفسك بالبيت مسوين الجماعة عشة
سامر: ميخالف عمي مو مشكلة
الله يحفظك ويرزقك انشاءلله
وصلتهم للبيت عيني عليهة لحد ما طبت
تشكر مني عمهة، رجعت للبيت الوالدة تريد تروح تزورهة
كتلهة باجر هسه تعبان مالي خلك اطلع
صارلي يومين مانايم تمددت غفيت
نبأ ...اسبوع متمرمرة ومالي خلك نفسي
عايشة عالهوة والمي(للكاتبة طيبة الربيعي)
بس صحيت وكلت بنتي شنو ذنبهة تشوف امهة هيج
وهية حتة لو طفلة تحس وتفتهم
خاصة اني امهة
اوف يا يمة شعلتو بية نار متنطفي
بس اعذروني مجبورة اعيش لبنتي
لهل طفلة الي ماعرف حياتهة شلون راح تعيشهة
بهل حياة الكَشرة
الحمدلله علة كل حال
رجعت ادرس وسامر يمر بين فترة وفترة
علمود كَمر ومرات اني اطلعلة الى متى ابقة اتختل
خلي يشوفني ممتت بفراكة
بيوم الي درست طلابي بي(للكاتبة طيبة الربيعي)
من طلعو حجت وياية هذي الطالبة
الي تأخرت بأول يوم
اسمهة شهلاء
شهلاء: ست نبأ
نبأ: نعم شهلاء تفضلي
شهلاء: اريد احاجيج بموضوع بس مو تضوجين مني والله من محبتي الج
نبأ: كولي حبيبتي ماضوج
شهلاء: يعني والله خجلانة منج بس اخوية يريدج علة سنة الله ورسولة ورادني اخذ رأيج قبل ليدز ماما تطلب ايدج(للكاتبة طيبة الربيعي)
بلحظتهة معرفت شلون اخلص نفسي
فد استحيت ومتت بكاعي
ولا عبالك متزوجة قبل ومارة بهل حالة
ارتبكت الى درجة كتلهة: الله كريم
سلمت وراحت، ليش ارتبكت لهل ردجة
الله كريم؟؟ بس لا خليت عندهة امل
اوف ياربي شهل ثول الي منزلة علية
هو اني اكدر احب غير سامر
حتة لو مارجعلة يبقة الوحيد الي أثر علة كلبي
ومازال، وابو بنتي والأهم يوم من الايام
ساعدني وتزوجني علمود مابقة تحت
سلطة اخوتي وطغيانهم، رغم السوا وياية
زينياتة مو قليلة، بس بعد فات الاوان عالرجعة
فات الاوان، حبيتة ومتت علمود يحبني
وفكرتة يحبني بس كان مجرد تعويد
او يمكن اعجاب لا اكثر، بس علة افعالة هسه
ونظراتة مبينة حب بس بعديش
بعد ما كلبي مات
الاسبوع الورا اتصل بية رقم غريب
جاوبت
نبأ: الو(للكاتبة طيبة الربيعي)
انمار: الو، هلو نباوي اني انمار
كملت
نبأ: مرحبا انمار
انمار: البقية بحياتج انشاءلله خاتمة الاحزان
نبأ: حياتك الباقية
انمار: شلونج شخبارج، كَمر شلونهة
نبأ: الحمدلله بخير انتة شلونك
انمار: الحمدلله، الله عليج نبأ اذا محتاجة شي كولي لتستحين مني اني بحسبة اخوج
نبأ: لا انمار تسلم متقصر كلشي ممحتاجة الحمدلله
انمار: الله عليج(للكاتبة طيبة الربيعي)
نبأ: صدك والله الحمدلله كلشي متوفرلي
انمار: شغلج شلونة خوش دخل يعني؟
نبأ: الحمدلله دخل ممتاز والطلاب مشالعين كلبي
انمار: كلش زين، يلة اني بس حبيت اطمن عليج وعلة كَمرة
حلفتج اي شي تحتاجي لتترددين تتصلين بية خزني رقمي يمج
نبأ: متقصر الله يخليك اشكرك
ترخص وسدة، متغير انمار الله يهدي
كلش حباب صاير ويكلي اني اخوج
يعني اطمن من ناحيتة لو بعدة يدور وياية حبجيات
مجان نطقهة هل كلمة اصلاً
يهدي من يشاء بغير حساب الحمدلله
مرت الايام روتينية ماكو شي جديد
سامر صارلي كم يوم مسامعة عنة شي
كَمر يمهم واني مشغولة احسن من اخذوهة
رغم مشتاقتلهة وميتة عليهة
بيوم ورة مخلصت تدريس بقت شهلاء
شهلاء: ها ست مرديتيلي خبر
باوعتلهة(للكاتبة طيبة الربيعي)
نبأ: حبيبتي شهلاء انسي الموضوع انشاءلله يلكة الأحسن مني اني مافكر بالزواج حتة لو فكرت مستحيل ازوج وعندي بنية
شهلاء: ليش ست شناقصج الف من يتمناج
نبأ: تسلمين قلبي بس ماريد، ووين شايفني اخوج حتة يطلب ايدي
شهلاء: ياا ست دومج علة لساني بالبيت خابصتهم بيج وهو انعجب بيج وبشخصيتج من خلالي، هو مطلك بس ماعندة جهال كم شهر وطلكهة لان عرمة
ضحكت: الله يرزقة بنت الحلال التسعدة
شهلاء: ست والله حبيتج واهلي حبوج
نبأ: حبيبتي شهلاء سدي الموضوع وخلينة حبايب ماريد هل يأثر علة تدريسج عندي، ابد ممفكرة بالموضوع ولا راح افكر(للكاتبة طيبة الربيعي)
ورة مراحت كمت علة شغل البيت
بليل جابو كَمر سامر وامة
رحبت بيهة هو مدخل بقة بالسيارة
حسب كلامهة، شوية كعدت وراحت
مرت فترة اسبوعين تقريباً
بيوم الدرست بي، نوال مراحت للدوام مريضة
سلمت عالطلاب وحجت وياهم
اني رحت وديت الكتب ونزلت
لكيتهم رايحين
ثاني يوم كلمتني
نوال: نباوي ليش متقبلين شناقصج
نبأ: شنو
نوال: بأخو شهلاء، والله اعرفة الولد درة مال الله وميتعيب ولا يتفوت
نبأ: نوال سدي الموضوع يعني انتي تعقليهة اتزوج وعندي بنية، حتة لو ماعندي اني ماتزوج سويتهة مرة ماعيدهة
نوال: بس ميصير هشكل هيج دتموتين شبابج، بعدج شابة وتخبلين حرام هل جمال يبقة سنكل
ضحكت: وليش هل جمال بعدة سنكل متتزوجي انتي(للكاتبة طيبة الربيعي)
نوال: بعد اني يجيني الي يناسبني اوافق بي
حاولت تقنعني بس كلبي وعقلي قافلين
لأول مرة كلبي وعقلي متفقين علة نفس الرأي
واجة اليوم الأكشر الي تعاركت بي وية سامر
ماعرف منين سامع بالموضوع
بس اعتقد عن طريق روى
كلشي احجيلهة وتندمت بلحظتهة من حجيتلهة
اني ماتوب طبعا
اندكت الباب العصريات بس مو دكة عادية
اني ونوال باوعنة لبعضنة
نوال: خليج اني افتحة
شلت كَمر خايفة لا مصيبة لاخ
سمعت صوت سامر
سامر: وينهة(للكاتبة طيبة الربيعي)
نوال: علة كيفك جاي هدادة شكو
سامر بعصبية: اكلج وينهة نبأ وينهة!
نوال: شبيك تخبلت!
اسمع صياحة وارجف
شكو ياربي
دخل ونوال ورا تعيط عليه بس بصوت ناصي
لننفضح
رجعت ليورة خفت: شكو شبيك
تقدم علية بعصبية
سامر: حضري غراضج تجين وياية
نبأ: لا والله وانتة منو حتة اجي وياك
جرني من ايدي نوال دفعتة
نوال: احترم نفسك مامسموحلك تمد ايدك عليهة، اطلع لا اتصل بأبوية(للكاتبة طيبة الربيعي)
سامر بعياط: ولج نبأ! شايفة اذا وافقتي والعباس ماخليج عدلة لا انتي ولا ذاكة السكط ابنل سكط
نوال: ولك شدتحجي انتة منو هذا!
سامر: بعد تدريس مدرسين والله اصلخج
نوال تعيط وهو يعيط
عطت: امشي اطلع بعد متدخل بيتي ما الك حق تدخل بية! افهم عاااااد اني طليقتك اففففههمممم
اجة تقدم علية يجر بية ونوال ادفع بي
كَمر كامت تبجي جان وكعت من ايدي
هو شاف كَمر تبجي تخبل
سامر: كافي خبلتي البنية، والله متصيرين لغيري اني الاخذتج محد غيري ياخذج
نبأ: والله عناداً بيك لواافق
جرهة من ايدي: تحلمين تشوفيهة اذا وافقتي والله لأندمج(للكاتبة طيبة الربيعي)
اخذهة وطلع واني اعيط ورا
يمة تخبل والله
كعدت ايدي فوك راسي وابجي
اتصلت بروى رزلتهة وعيطت عليهة
كالت والله مادري هيج يصير
كتلهة بعد لتتصلين بية ماريد اي واحد بيكم
اطلعو من حياتي وطبكتة
اتصلت بأم سامر
نبأ: عمة كليلة خل يطلع من حياتي موتني شيريد مني
احجي وياهة وابجي
يتبع...🌺🌺🌺
البارحة عساس انزلة بس غفيت من التعب
اعذروني حبايبي
صوتو علقو علمود افاجئكم ابارت اليوم❤
أنت تقرأ
فاعل خير (الجزء الثاني)
Romansورة كل انسان قوي قصة... قصة خلتة ينكسر الاف المرات ورة كل انسان دقيق غصة... غصة خلتة يحسب الف حساب قبل ليتخذ قرار او يتقدم خطوة... الجزء الثاني بقلمي طيبة الربيعي
