Heart Held Captive

~✿*27*✿~

﹏๑✿ ･:*:･♥ ･:*:･✿๑﹏

Kailangan kong makagawa ng paraan para makaalis sa lugar na ito. I couldn't live anymore under one roof with the son of a criminal. Much more with the son of a mūrderer. The son of the one who ordered to kīll my parents.

Hindi na ulit bumalik si Trevor dito sa bahay since he came here two days ago. Kinakausap na ako ni Ryder pero halatang iniiwasan pa rin niya ako. Litung-lito ako sa mga nararamdaman ko for the past couple of days. Nasasaktan ako dahil hindi pa rin niya ako itinatrato na tulad noon. Nasasaktan ako dahil parang binabalewala na niya ako. But at the same time ay gusto ko rin siyang kamuhian dahil sa mga nalaman ko. Gusto kong magalit sa kanya dahil sa ginawa niyang pagsisinungaling sa akin. Kung siguro inamin pa niya sa akin yung totoo ay baka napatawad ko pa siya. Pero sa tuwing maaalala ko rin na anak siya ng nagpapatay sa mga magulang ko, palagi kong naiisip na maling-mali na makaramdam pa ako ng pagmamahal para sa kanya. I couldn't take the fact that I fell in love with the man whose father ordered my parents to be kīlled.

Mabuti na rin siguro na hindi niya ako masyadong pinapansin para hindi niya mahalata yung panlalamig ng pakikitungo ko sa kanya.

Ilang beses na rin akong nagplano na tumakas pero hindi ko magawa yun dahil hindi rin umaalis ng bahay si Ryder at palagi pa siyang nandoon sa porch sa harap ng bahay at doon palaging nakaharap sa laptop niya.

Naisip kong magpaalam para magpunta sa mall pero siguradong sasama siya dahil wala naman akong pera. Para pa naman yung guwardiya dahil talagang kahit saan ako nagpupunta ay nakasunod palagi sa akin ultimo sa labas ng restroom. Isa pang problema ko, paano ako tatakas kung kahit singko ay wala ako?

Naisip ko yung mga relatives namin dito sa New York sa father side. Kung hindi ako nagkakamali ay malapit lang dito yung tinitirahan nila. Si Auntie Daena, she was Daddy's cousin from the father side, at dito na sila naka-settle ngayon sa New York. Kung makakapunta ako sa kanila ay pwede na akong makahingi ng tulong para makabalik sa Pilipinas.

I needed to device a plan. Kailangan ko nang makaalis dito. Kailangan ko nang makabalik sa pamilya ko para humingi ng tawad sa kanila. Hindi ko matanggap sa utak ko ngayon na mas pinili kong sumama kay Ryder kaysa sa Daddy ko at sa Kuya ko.

Tumihaya ako nang higa rito sa kama at tumitig sa kisame. Mula nung tinopak si Ryder dahil nalaman niya yung tungkol sa mga nangyayari sa negosyo nila ay hindi na rin kami nagtatabing matulog. Iniiyakan ko pa iyon noong mga nakaraang gabi. Ngayon, nakakaramdam pa rin ako ng sakit dahil sa ipinapakita niyang panlalamig sa akin pero pinipigilan ko nang masaktan dahil pakiramdam ko ay hindi tama na makaramdam pa ako ng kahit ano tungkol sa kanya. Ngayon ay medyo nakakaramdam na ako relief sa hindi niya pagtabi sa akin matulog. Parang hindi ko na rin kasi kayang matulog ulit na katabi siya knowing about his family background. Nagi-guilty ako sa mga magulang ko. At lalong hindi mawala sa isip ko na niloko niya ako.

"Ano po ba ang dapat kong gawin? Please ipaisip N'yo naman po sa akin kung ano ba ang dapat kong gawin na paraan para makaalis na po ako rito," bulong ko habang nagdadasal.