امرأة اقتحمت قلبى - الكاتبه ندى محمود

الحلقة الحادى عشر

يقف خلفها مباشرة ويقول بصوت عالى : سرحانة فى ايه

تنتفض من مكانها وتلفت له وهى تضع يدها على قلبها وقالت : بسم الله الرحمان الرحيم

رهف بعصبية : ايه الغلاسة دى ياجاسم والله كان قلبى هايقف

امسكها من خصرها وجذبها اليه وقال بعشق : بعد الشر عليكى ياروحى

شعرت بارتباك وخديها سيطر عليهم اللون الاحمر امسكت بيده انتى تحاوطها وابعدتها بهدوء وهى تنظر له بارتباك وادارت وجها عنه محاولا عدم اظهار خجلها وقالت : روح غير هدومك يلا علشان انا حضرت الاكل

جاسم بابتسامة : بس انا مش جعان

نظرت له ولم ترد وهى مازالت على وجها علامات الارتباك فقالت محاولا تغير الموضوع : عملت ايه فى العملية

جاسم : الحمدالله عدت على خير

رهف : الحمدالله ... احنا خلاص هانمشى

جاسم : لا طبعا اولا لسا معايا اسبوع تانى لغاية ما اطمن على المريض لازم اتابع حالته بنفسى ثانيا بقى انا لسا مفسحتكيش ولا انتى غيرتى رأيك

رهف : لا طبعا مين قال كده

جاسم : هههههههههههههه
______________________________________
ذهب الى الغرفة وجلس على السرير فتذكر زوجته السابقة وكيف خدعته وكم كان يحبها واصر على الزواج منها رغم ان الجميع كان معارض هذا الزواج ...........

فلاش بااااااك

كان يمسكها من شعرها بقوة ويقول بعصبية : تضحكى عليا انا وتغفلينى يابنت ال ***

هبة : والله ياجاسم صدقنى انا معملتش حاجة هو اللى غصبنى اعمل كده

جاسم بزعيق : هو ايه .. انتى لسا بتدافعى عن نفسك بعد ماسمعت كل حاجة .. وهو غصبك تعملى كده غصبك تخونينى مش كده ... صفعها قلم قوى على وجها فاوقعت على الارض وفمها نذف دم وقال : وحياة امى لاقتله بس القيه تعرفى نفسى اقتلك انتى دلوقتى بس حرام اوسخ ايدى بوحدة وسخة زيك هاسيبك تتعذبى كده ... دلوقتى تلمى هدومك وتغورى من هنا فاهمة .. انتى طالق

هبة : وابنك اللى كلها كام شهر ويجى على الدنيا

جاسم بسخرية : وانتى لسا فاكرة انى مصدق ده انا عرفت كل حاجة ياهبة خلاص

هبة بتمثيل البكاء : حرام عليك

جاسم : حرام عليكى انتى ده انا اللى وقفت قدام كل الناس وصممت انى اتجوزك علشان حبيتك رغم ان الكل مكانش موافق ونصحنى وانا استاهل انى مسمعتش كلامهم

هبة ببكاء : طاب خلينى اشرحلك بس

جاسم : هههههه دموع التماسيح ده خلاص مبقتش تاخد معايا ... ثم امسكها من شعرها واخرجها خارج المنزل وغلق الباب