امرأة اقتحمت قلبى - الكاتبه ندى محمود

الحلقة السادسة عشر

دخل جاسم المنزل وهى تتابعه بتعجب شديد ثم قالت : مين ده يا جاسم

جاسم : ابنى يارهف

رهف بصدمة : ابنك هو نتيجة التحاليل طلعت

جاسم : ايوه النهردا

رهف : وهبة وافقت تدهولك ازى

جاسم : هاقولك كل حاجة بعدين مش قدام الولد دلوقتى

ثم اكمل كلامه موجها الى ياسين : ايه يا ياسين مش هاتسلم على رهف

ابتسمت رهف له وقالت بمرح : لا ده انا اللى اجيله بنفسى واسلم عليه .. جلست بجانبه وقبلته من جبينه وقالت : عارف انا مين

ياسين : ايوه يهف ( رهف )

رهف : ههههههههههه يهف .. ماشى مش مشكلة تمشى برضوا

اخذت تتحدث معه وتضحك وكان ينظر لها جاسم بعشق فكان متوقع ان ردة فعلها سوف تكون هكذا ولم تخلف ظنه بالطبع وكان يشكر ربه بأنه عوضه بزوجة كهذه

جاسم بغيرة كالاطفال : ايه ياهانم هو من شاف اصحابه نسى احبابه ولا ايه

قالت رهف وهو تكلم ياسين بابتسامة خبيثة : انت سامع حد بيتكلم يا ياسين

رهف : هههههههههههه

جاسم : بقى كدن طييييب

رهف : بتحب الشكولاته مش كده عندى شكولاته كتير يلا بقى ناكل برحتنا ونسيب بابا هنا وحده

ياسين بفرحة شديدة : ماثى ( ماشى )

فى المساء كان ياسين قد غرق فى النوم وجاسم ورهف يجلسون فى غرفتهم....

جاسم : مكنتش فاكر انك هاتاخدى الامور ببساطة كده اوى انا كنت عارف انك مش هاتدايقى وهاتتقبلى الوضع لاكن مكنتش متوقع انك هاتاخدى عليه بسرعة كده وتخليه يحبك

رهف : قصدك على ياسين يعنى

جاسم : اه

ابتسمت وقالت برقة : ده طفل ياجاسم وملوش ذنب فى اللى حصل بينك وبين مامته ومقدرش اخده بذنبك او ذنبها ... بس هو قدر يبعد عن امه ازى

جاسم : اسمعى ياستى هاقولك كل حاجة ( ...................)

رهف بغضب وشفقة على ياسين : ايه ده ... دى مستحيل تكون ام ازى هى اصلا تقدر تسيب ابنها بطريقة دى وبسهولة دى ولا ازى اصلا كانت بتعامله كده

جاسم : ما انا استغربت لما سألت ياسين انك مش عايز ترجع لماما قالى لا بس بعدين عرفت ليه ... مش خلت الناس كمان تكرها لا ابنها كمان كرها ومبقيش عايزها

رهف : ياعينى والله صعب عليا اوى .. بس متقلقش انا هابقى ليه الام التانية وانا اصلا بحب الاطفال اوى

امسك بيده وجها ثم قبل رأسها وضمها الى صدره وقال بحنان : ربنا يخليكى ليا ياحبيبتى

شعرت بالارتباك من لمسته لها وابتعدت عنه ونظرت له بغضب قال : فى ايه ؟؟!