امرأة اقتحمت قلبى - الكاتبه ندى محمود

الحلقة الاولى

فى منزل كبير يبدو عليه الفخافة والجمال لعائلة كبيرة وهى عائلة حسين عز الدين معه ثلاث ابناء جاسم .. ادهم .. ريتال ... اما جاسم فهو الابن الاكبر ويعمل طبيب .....

فاطمة : جاسم قوم ياحبيبى هاتتأخر على العيادة

جاسم : الساعة كام ياماما

فاطمة : 11 ونص .. يلا قوم

جاسم بفزع : اييييه 11 ونص وليه سيبانى نايم ده كله ياماما

فاطمة : ما انت متعود بتصحى فى الوقت ده وبتنزل على 12 ايه اللى اتغير النهردا

جاسم : انا معايا عملية النهردا

ارتدى ملابسه بسرعة وذهب الى عمله

________________________
رهف : صباح الخير

سعاد : صباح النور ياحبيبتى

رهف : بابا فين

سعاد : مشى من يدرى على الشغل

رهف : اهاا طيب انا هاروح البس واروح الشركة

سعاد : مش هاتفطرى

رهف : لا مش جعانة ياماما

سعاد : لا مش هاتطلعى غير لما تفطرى

رهف : هههههه طيب علشانك بس ياست الكل

انتهت من فطارها وذهبت الى ابيها فى الشركة

رهف بمرح : السلام عليكم

احمد : عليكم السلام يارهف

رهف : ايه اخبار الشغل بقى اهينى متأخرتش عليك زى كل مرة

احمد : ههههههههه كويس ... صحيتى وحدك بقى ولا حد صحاكى

احمد : هههههههه اها طبعا انتى هاتقولى

رهف : هههههههههههه ... هو ايه مفيش شغل النهردا ولا ايه

احمد : بصى فى مسابقة بينا وبين تلات شركات والمسابقة دى طبعا هاتعملى فيها تصميم فستان اى كان ومش عارف اخلى مين يعمل التصميم ده

رهف بغرور: عييب عليك ياحج لما تبقى بنتك قاعدة مصممة الازياء وبتشوف مين يعمله

احمد : ما انا فكرت فيكى بس ده لازم تسافرى شرم فى فرع هناك لينا وكل اللى هاتحتاجيه من قماش وخياطة هاتلاقيه وانا مقدرش اخليكى تسافرى وحدك

رهف : ليه يابابا فيها ايه يعنى

احمد بحدة : لا يارهف مينفعش تروحى شرم وحدك انا مش هابقى مطمن عليكى

رهف : يابابا مفيهاش حاجة والله وانا هاخد ريماس معايا

احمد بصرامة : قولت لا

رهف : طيب اذا كان مش عايزنى اروح وحدى قولى مين هايعمله

احمد : مش عارف هاشوف بس عموما فاضل على المسابقة اسبوعين