امرأة اقتحمت قلبى - الكاتبه ندى محمود

الحلقة العشرون

فاطمة بخضة : فى ايه ياجاسم مستشفى ايه اللى بتتكلم عليها ومين فى المستشفى ؟؟!

مسح على شعره بقلق وقال : مفيش حاجة ياماما ده واحد صاحبى تعبان وفى المستشفى .. تعالى معايا ادهم

ادهم : انا ليه !!؟

جاسم : تعالى عايز اقولك حاجة

وقفت وقال بحدة : فى ايه ياجاسم انت مخبى علينا ايه وبعدين ادهم يروح معاك ليه مش بتقول واحد صاحبك اللى تعبان

جاسم بانفعال بسيط : ياماما مفيش حاجة انا عايزه فى موضوع .. ثم وجه كلامه الى ادهم بحدة : يلا يا ادهم

شعر وكأن هناك شئ خطير فقال : طيب يلا

ذهبوا وتركوها فى قلقها فكانت تشعر بخوف شديد وكأن قلبها يعتصر خوفا فقالت ريتال محاولا تهدأتها : فى ايه ياماما مالك .. ماهو قالك ان واحد صاحبه تعبان

فاطمة : انا مش مطمنة

***********************************************

ادهم : فى ايه ياجاسم ماتقول !!

كانوا يجلسوا فى السيارة وحرك المحرك وقال بوجه يبدو عليه القلق والخوف : بابا عمل حادث

ادهم : ايييه امتى ده

جاسم : معرفش حاجة يا ادهم .. ربنا يستر

وصلوا الى المستشفى وسألوا عن اسمه فى الاستقبال فأخبرتهم انه حالته كانت خطرة عندما اتى اسرعوا اليه فوجدوا الطبيب يخرج من غرفة العناية المشددة فاسرعا اليه ...

جاسم : خير يادكتور طمنى

الدكتور : حالته خطرة جدا ومحتاج عنليه ضرورى ولو اتأخرنا ممكن التأخير يجيب نتايج مش كويسة

جاسم بنفعال : ومستنى ايه اعمل العملية

الدكتور : هايحتاج دم كتير لانه فقد دم كتير اوى واكياس الدم اللى موجودة مش كفاية

ادهم : انا هاتبرع وفصيلة دمه نفس فصيلة دمى بس بسرعة والنبى يادكتور

ذهب ادهم بصحبة الطبيب بينما جاسم جلس على احد الكراسى وكان يهز قدمه بشدة من كثرة القلق وبعد مرور وقت ليس بطويل اتى وكانوا سوف ينقلوه الى غرفة العمليات لاجراء العملية اوقف جاسم الطبيب وقال : اقدر ادخل معاكم العملية

الدكتور : لا ...

جاسم مقاطعها اياه : انا دكتور جاسم حسين اكيد سمعت عنى قبل كده

الدكتور بترحيب حار : ايوه طبعا يادكتور .. تقدر تدخل ... وبعض لحظات ارتدى ملابس العمليات ودخل معهم بينما ادهم فى الخارج يجلس و يضع كفيه على وجه بقلق والحزن يملئه
وبعد مرور ساعات ليس بقصيرة خرج جاسم من غرفة العمليات وكان يخفض رأسه ارضا والاسف والالم يملئه اسرع اليه شقيقه يسأله فى قلق : ايه عملت ياجاسم بابا بقى كويس