امرأة اقتحمت قلبى - الكاتبه ندى محمود

الحلقة التاسعة

افاق جاسم بعد وقت ليس بطويل وذهب الى عمله بينما هى جلست وحدها فى المنزل وقضت تقريبا اليوم كلها .... فى المساء وجدت السماء تمطر فتحت النافذة ووقفت تمد يدها للخارج وتهبط قطرات المطر على يدها لتشعرها بسعادة شديدة وتمنت لو تستطيع ان تهبط الى الشارع وتمشى تحت المطر .. وجدت سيارة جاسم تقف تحت المنزل وبعد مرور عدة دقائق دخل البيت وجدها تقف على النافذة

قال بابتسامة : انتى لسا صاحية

رهف : انت ليه اتأخرت كده

قال بابتسامة مكر : ايه كنتى خايفة عليا

رهف ببرود : لا طبعا .. بس اصل انا بخاف ما اقعد وحدى والبيت لسا جديد عليا ومخدتش عليه

نظرت له بغيظ شديد وقالت بغضب طفولى : انا مش خايفة على فكرة ومش بخاف جامد عادى يعنى بس انا بزهق ما اقعد وحدى

اقترب منها جدا وقال بمكر : انا نفسى افهم عملتى ايه ليا .. رغم كل عنادك وبرودك ده اللى يستفز اى بنى ادم وبيستفزنى انا شخصيا بس برضوا بحبك ومش قادر ابعد عنك

ضحك وقال : ماشى هاسمع معاكى بس انا جعان خالص والله فاروحى اعملى حاجة حلوة ناكلها كده

رهف : عايز ايه

امسك يدها وقبلها وقال : اى حاجة من ايدك حلوة ياقمر

سحبت يدها بسرعة وقالت ببرود : برضوا عايز ايه مفهمتش انا

قال لثير غضبها بطريقة خبيثة : عايزة بوسه

قال بطريقة مضحكة : عايز دوا كحة ياحبيبتى اصل انا تعبان خالص حتى بصى كح كح كح .. يلا بقى روحى اعملى الاكل

رهف بقرف : طيييب

ذهبت ثم قال وهو يضحك : يخربيت جنانك

قامت بتحضير الطعام واكلوا سويا ثم جلس يشاهد معها التلفاز فقال وهو يتثاوب : انا رايح انام مش هتنامى

رهف : انا اصلا مش هنام معاك

جاسم : امل هاتنامى فين

رهف : فى اوضة تانى

جاسم بعصبية وبنظرة حادة جعلتها تشعر ببعض الخوف منه : رهف شغل العيال ده انا مبحبهوش وانا عندى حدود علشان متعصبش عليكى وانتى لسا مشوفتكيش عصبيتى بتبقى ازى والاحسن متشوفيهاش علشان متزعليش منى ومتقلقيش انا طلاما وعدتك خلاص .. انا رايح انام ووقت ماتعوزى تنامى تاجى ورايا مفهووووم

نظرت له بقرف ولم ترد عليه ذهب هو الى الغرفة

____________________________________

فى صباح اليوم التالى خرجت ريتال مع مريم وكان ادهم قد ذهب لخطبتها واتفقوا ان تكون بعد ان يأتى جاسم من لندن

ريتال بسعادة : مبرووووك ياحبى

مريم بتمثيل الغضب : تعرفى نفسى اطحنك علشان قولتى لادهم موافقة