امرأة اقتحمت قلبى - الكاتبه ندى محمود

الحلقة الثانية

طرقت على باب الغرفة بقوة فتح لها شاب
قالت : ممكن افهم بتعمل ايه هنا

جاسم بابتسامة سخرية : بعمل ايه هنا !! انتى مين اصلا

رهف : دى اوضتى وياريت بالذوق تتفضل تتطلع وتشوفلك اوضة تانى

جاسم ضحك بسخرية وقال : اوضتك واطلع اشوفلى اوضة تانى .. ثم قال بجدية وحدة : مين انتى وتكلمينى كده ازى اصلا

رهف بعصبية : وانت مالك انا مين اتفضل اطلع بالذوق بدل ما اقلب الفندق ده قلب واشتكيك انت والريسبشن اللى تحت ده لمدير الفندق

جاسم بغضب وبنظرة حادة : انا مدير الفندق

عقدت حاجبيها وقالت ببرود : تما بما انك مدير الفندق ياتشوفلى اوضة اقعد فيها يا اما تطلع انت واكيد انت مدير الفندق ويفضولك اوضة مخصوص كمان

جاسم بعصبية : ماتتكلمى عدل يابت

بينما ريماس كانت تنظر لها من بعيد وهى مصدمة مما تفعله وقالت لنفسها : يخربيت جنانك يارهف ايه اللى بتعمليه ده

رهف : ايه بت دى ماتحترم نفسك

ذهبت لهم بسرعة ريماس وقالت لرهف بحدة : رهف اسكتى .. لو سمحت الاوضة دى احنا قاعدين فيها من امبارح وطلعنا ولما رجعنا الريسبشن قالنا انها كانت محجوزة قبلكم واكملت له ماقالته لها الريسبشن

جاسم : طيب انا هاشوف الموضوع ده ممكن تنزلوا تقعدوا فى الكافتريا تحت لحد ما احل المشكلة
__________________________________________

فى الكافتريا

ريماس : انتى يابت انتى مجنونة مش كده

رهف : ده واحد بارد ونطع

ريماس : والله انتى اللى لسانك طويل وعايز قصه وبعدين شوفتى اول ما اتكلمت معاه با احترام احترمنى ازى وانتى داخلة فيه شمال ما لازم يبقى بارد ونطع معاكى

رهف : سبينى دلوقتى فى حالى علشان انا متعصبة

ريماس : كمان انتى اللى متعصبة

اتى جاسم وقال بحدة :، ده مفتاح الاوضة اللى هاتقعدوا فيها ومعلش حصل سوء تفاهم فادربكت المواضيع وبدلو اوضتى مع اوضتكم

رهف نظرت له بسخرية وقالت بطريقة مستفزة : يعنى اهو فى اوضة ناس مش بتاجى غير بالعين الحمرة

نظر لها بعصبية شديدة وقال بطريقة مخيفة : انا كنت قادر اقعد فى اوضتى واسيبك تعملى اللى تعمليه وميهمنيش وكنت قادر كمان اقولك مفيش اوضة فاضية .. فا ياريت تحترمى نفسك شوية وبذات معايا انا هاااا ... انا بس عملت كده علشان صحبتك مش اكتر

وقفت وهبت لتتكلم وهى فى كامل غضبها اوقفتها ريماس وقالت : اقعدى يارهف

ثم وجه كلامه الى ريماس وقال : فى شنط فى الاوضة بتعتكم مش كده