انت عشقي (باللهجة العراقية)

"5"

ڪيفَ ٲخبـﺭك ﺑطريقہۧﮫ ﻣُﻧﻣقهہَ ٲنـک, دٲخلـي رُغـﻡ المسآفات ﯛالبعـﺩ وقلــہ ٱلـڪلا۾ .. ﯛٲزدحا۾ الٲمـﯛر السيئهہََ "❀"
ڪيفَ ٲخبرك ٲنــک, ثابتٌ بِقلبي ْٌ

_________________
سحبني هذاك المخبل

ورجعني ليورا وانضرب ضهري بسيارته

وحجزني بين ايدي وكال بهدوء
ايار: ليش هيج سويتي البارحة

مايا: شسويت اني كلشي ماسويت وخر عني

وبعدين كال بعصبية وصاح بصوت عالي
ليش رحتي البارحة واني ضليت اصيح وراج
بس ماكو فايدة بعدين انتي عبالك ولد وتصرفاتج مو مال بنات

مايا: هو يصيح عليه واني دموعي تنزل وحدها اول مرة ابجي كدام احد بس هو خوفني حيل بعصبيته كلش عصبي

وبعدين رفع ايدة واني عبالي راح يضربني فغمضت عيوني

بس هو ضرب الجامه  وتكسرت وانشكت ايده
وأدمر وجهي دم من عنده

بوكتها اجى يغمى عليه من الخوف

ضرب ايدي وراح واني بس ابجي
لحكته بس رؤى وكفتني

رؤى : شبيج يولي شصاير وياج شنو هل دم الي على وجهج وليش تبجين

مايا: المغرور

رؤى : شبي المغرور هسة غير تحجين شسوالج خاف ضربج

مايا: لايولي ماضربني بس ضرب ايده وكامت تجري دم حيل ضربها قوي

اريد اروح اشوفة شصار بي

رؤى: وانتي شعليج بي هو الي ضرب ايده

مايا: اي بس بسببي ضرب ايده واريد اروح اشوفة

رؤى: اني خايفة تسوين مشكله جديدة
ولج عوفي هاي السوالف هسة الكليه كلها تحجي بسالفتج مال البارحة وانتي
تريدين تسوين سالفة جديدة اكعدي راحة

مايا: معليج اني اريد اروح

وبعدين مسحت الدم من وجهي ورحت ادور علي

واخيرا لكيته رحت اركض ولزمته من ايده

مايا: ولك ليش هيج سويت خلي اشوف ايديك

بس هو دفعني وكال
ايار: انتي شنو دخلج بأيدي
مايا: مهتميت لحجيه وسحبته وياي وكعدت
اعقم بالجرح بس والله جرح جبير

ايار: ماأصدك ام اللسان صايرة طيوبة هاي اكيد دا تضحك عليه
كلتلهة يله كافي اني اكمل روحي انتي منا

مايا: مو صوجك صوجي اني حتى بالجذب مكلتلي شكرا

ايار: اي صوجج محد كلج تجين تعقمين الجرح

مايا: اي امداني اني
وبعدين رحت وعفته

ايار:هههه والله مخبله ولسانهة طويل

مايا: ما أعرف ليش رحت سويت هيج
عمود واحد ميستاهل

غفران : جنت كاعد امشي ويا صديقتي ميسم
وشفت فرح الي حجت وياي البارحة

بس هيا جانت تمشي ويا ياسر وتضحك وتسولف ويا

اني خطر بالي انو ياسر حبيبها فضجت حيل وكمت اغار وضليت اباوع عليهم والنار مشتعله بيه

بعدين انتبهت على فرح كامت تمشي بتجاهي
وتبتسم واني همين بتسمتلهة

وبداخلي  اريد اكلهة لان جانت تمشي ويا

فرح : مرحبا بنات
ميسم وغفران : مراحب هلا بيج

غفران مدري منين اجتني الجرئة وكتلهة

ياسر شيصير منج ؟؟

بس هيا كامت تضحك وكالت ياسر...

صوتو واكمل