انت عشقي (باللهجة العراقية)

28

تبارك : هذا غيران غير هو يعشقج
مايا : عيدي شكلتي شنو كلتي

تبارك : شبيج فتحتي حلكج خاف صدكتي يمعودة لا يحبج ولاشي اصلا هو يحب وحدة ويا بالقسم

مايا : اي واني شسويلة
كلت هاي الكلمة واحس بنفسي اختنكت وضجت ماادري ليش انقهرت
احس بنفسي بية نقص يمكن مو حلوة ولا جذابة يمكن شخصيتي محلوة حتى تجذب الشباب
ولا مرة توفقت بالحب لا ويا اسامة ولا ويا أيار

وهشام اووف خليني ساكتة احسلي

تبارك : وين صفنتي بسلا كمتي تحبين هشام

هشام : منو هاي الي تحبني
مايا : خرب انته شجابك شنو تصنت علينة

تبارك : لالالالا وهاي انته الدكتور هيج تتصرف

هشام : شبيجن على كيفجن اكلتني حاصل فاصل
شصاير كلشي مسمعت بس كلمت تحبين هشام
كلت يمكن هاي تبارك كامت تحبني وغمزتلهة ههه

تبارك : والله لو تبقى اخر واحد بالدنيا مااحبك
هشام : ليش بلة شناقصني 😑

تبارك : مابيك شي بس مخبل هههه

مايا :خلصتو حجي لو لا
هشام شعندك ويانة متروح لحبيبتك هسة اكيد أدور عليك

هشام :يا حبيبة هاي اني ماعندي حبيبة
مايا : انداريت على تبارك وكلتلهة شسالفة

تبارك : كذبة بيضه شكو بيها
بس انتي شبيج كيفتي لأن ماعندة حبيبة

مايا : ولج تبارك 😡راح اموتج وربج اسكتي كافي
التفتت على هشام لكيتة يباوع علينة ويبتسم

تبارك : يلة عيني عصافير الحب قللو من نظراتكم
مايا :تباااااارررك انجبييييي

تبارك : شبيج صرتي عصبية يلة امشي انروح بعد شكو هنا
وانته هشام لضل تلحكنة ترى بالي يروح بعيد هههه

هشام : خلي بالج يمي ليروح بعيد هههه

مايا : رحنا وحدنا اني وتبارك
كلتلهة ولج تبارك مو عيب هيج تحجين كدام هشام هسة عبالة اني احبة

تبارك : لاولج هشام ميفكر هيج صارلي سنتين اعرفة هو يعتبرج مثل اختة

مايا : على كلا اني هم اعتبرة مثل اخوية وحيصر تقريبا سنة من تعرفت علي
اكلج مدام باجر عطلة تطلعين نتغدة سوة ونفرفر بالسوك احسن من كعدت البيت لان اني كلش ملانة

تبارك : اي شكو بيها نطلع باجر

مايا : ماشي لعد باجر انتظرج مري علية
ورا مخلص الدوام رجعت للبيت ملل كلش مااعرف شسوي كعدت اباوع افلام رعب بالليل واتذكر بغفران لما جانت تخاف منهة وتكلب الدنيا اذا شغلت فلم رعب والله كلش اشتاقيتلهة اختي حبيبتي
صارلي هواي محاجية وياهة

بعدين طفيت التلفزيون
وانام حتى باجر اكعد من وكت علمود نطلع اني وتبارك
كمت نمت كعدت الصبح على صوت المنبه الساعه 8 كعدت ويا اهلي على الريوك اكلت وكمت ترتبت غرفتي واخذت ملابسي وفتت للحمام سبحت ولبست بنطرون وتشيرت وسشورت شعري ومكياج وخفيف ضليت انتظر تبارك بس هية تاخرت شوية