انت عشقي (باللهجة العراقية)

17

مايا : روح منا اسامة اطلع مااريد اشوف وجهك رووووح صرت عصبية وكمت اصيح بصوت عالي

اسامة :مايا هيج صارت يعني تطرديني علمود هذا الغريب

مايا :هذا الغريب احسن منك يله روح روووح
بعدين راح اسامة وحسيت نظراته غريبة وهو يباوع على ايار اني انداريت على ايار

مايا : اني اسفة على الصار
ايار : ولا يهمج الحمدلله عل سلامة شلون صرتي هسة خوفتينة عليج ليش سويتي هيج
اباوع على وجه مايا اصفر عبالك مابيهة قطرت دم وضعفانة وكلش كلش تعبانة حتى كوه تحجي

مايا: الله يسلمك شكرا على سؤالك
غفران : يله مايا ارجعي نامي حتى نشكل المغذي مو زين عليج تكومين
واخذت مايا دخلتهة وتمددت على السرير كلتلهة شوية وارجعلج رحت احجي ويا ياسر وشفت ايار دخل لغرفت مايا

مايا : جنت متمددة واجى ايار كعد كبالي على الجرباية وضل صافن علية ويباوع على عيوني

بعدين لزم ايدي

ايار : مايا اذا تحتاجين شي اني موجود وبعد لتسوين هيج وتقهرينا عليج
مايا : تسلم متقصر وابتسمت أباوع على ايار شلون متغير وصاير يحجي بحنية وين راحت كل ذيج العصبية هو هم ابتسملي

ايار : يله اني اترخص مع السلامة
مايا : الله وياك

اليوم هم راح اضل بالمستشفى كلش ضايجه من وضعيتي تمنيت لو ميتة وخلصانة من الدنيا

خطية غفران ضلت يمي وبابا وماما هم اجو ورادو يضلون يمي بس اني مقبلت لان ماما خطية مريضة فكلت لبابا ياخذهة ويرجع للبيت واني ضلت غفران يمي رؤى وفرح وميسم هم مرو علية وراحو وياسر كل شوية يجي يطمن علينا ويروح

جنت متمددة وداافكر جانت ساعه 8 بالليل وفجئة انفتح الباب عبالي غفران لان راحت تجيب اكل وترجع
بس مطلعت غفران هذا ايار اجه وجايب ويا باقت ورد احمر تجنن كلش جبيرة وعلبت شوكولا

حسيت بفرحة لما شفته احس براحة لما اشوف اهتمامة بية

ايار : مساء الورد شلونج يحلوة
مايا :ههه الحمدلله فرحتني بزيارتك

ايار : تفضلي هذا الورد للوردة
مايا :اشكرك

ايار: شنو انتي هنا وحدج لعد اهلج وين
مايا : لا مو وحدي غفران وياي بس راحت تجيب اكل هسة ترجع

ايار : اها خوش عبالي وحدج
والله اشتاقينالج ايمته حترجعين للكلية ضجت عليج بعد ماكو احد اتعارك ويا😂

مايا : لتخاف راجعتلك بس هالمرة شيخلصك مني بس ارجع اموتك

ايار : موتيني اتمنى اموت على ايدج

مايا : اني سكتت معرفت شرد علي خجلني

بعدني محاجية واجتي غفران

غفران : هلا ايار شعجب جاي بهل وكت
ايار : هلا بيج اجيت اتطمن على مايا ضل بالي يمهة

غفران : ها شكرا على سؤالك باجر راح نطلع مايا من المستشفى

ايار : اي خوش يله اني حروح مع السلامة مايا ديري بالج على نفسج
مايا : مع السلامة

غفران : ومن الصبح طلعنا من المستشفى والحمدلله مايا صارت احسن ورجعنا للبيت

مايا: قررت هالاسبوع مااداوم وابلش من اسبوع الجاي لأن نفسيتي تعبانه

بالليل كاعدين اني وغفران نباوع على التلفزيون واجو بابا وماما كعدو يسولفون ويانا بعدين كال بابا
اني قررت ومااريد احد يناقشني احنا راح نترك العراق ....

موتنسون التصويت حتى انزل بارت 💜