انت عشقي (باللهجة العراقية)

35

🍃
شگد بيه عتب بس ادري راح اتروح
ولو يرتاح كلمن سولف ابهمه
ردنه نصير واحد ..بس بقينه ثنين
انتهى البيناتنه وكلمن مشه الحلمه
،
،
،شوف شراح ايصير
،
،
،
،
،
،
،
،
،

ايار : اخطبيلي رؤى اليوم
الام : احلى خبر اسمعة يروحي صدك فرحتني
واخيرا راح اشوفك عريس وافرح بيك مو تدلل اليوم اروح لبيتهم واخطبلكياهة

ايار : اي واريد العرس يصير خلال اسبوع واحلى قاعة اعراس ببغداد اريد عرس يجنن
جنت احجي هيج بعصبية وبحركة من ضيمي وقهري مااعرف شسوي

الام : احلى عرس لحبيبي بس ليش مستعجل
ايار : احسن يمه عليمن نطولهة خل نتزوج ونفضهة
عكب باجر احد مو

الام : اي احد
ايار : اي خلي المهر يوم الاحد والحنه الاربعاء والعرس الخميس
الام : هههه هذا اسرع عرس شفته بحياتي بس هم ميخالف تدلل

ايار : صعدت لغرفتي وكلبي محترك احس نار مشتعلة بكلبي هاي ثاني مرة يخيب ظني بالبنية الي حبيتهة اكثر من الكل فضلتها على نفسي واهلي
بس محصلت منهةغير الغدر

مااعرف شسوي  اختنكت احس روحي حتطلع من جسمي

ياربي اريد اموت وارتاح ليش هيج يصير وياي

زهرة صعدت لغرفت ايار لكيته يبجي
خررررب 😱😱هاي اول مرة اشوف بهيج حالة
معقولة يعرف البنية الي جانت لابسة البدلة
ياااا يمكن هاي حبيبته اي والله هاي حبيبته حتتزوج وتعوفه
كلت خل اروح احسلي مراح افيدة بشي ولا راح اكدر اخفف عنه

ايار :اووف يالله كلبي يوجعني جنت منتظرهة ترجع حتى اكمل حياتي وياهة رجعت دمرتلي حياتي وهيا حتعيش حياتهة  كأنو ماكو شي

رؤى : جنت كاعدة بغرفتي وضايجة ومااحس غير ماما اجتي عليه

ام رؤى: كومي بسرعة ولج هاي ام محمد جاية تخطبج لأبنهة الزغير رتبي نفسج وجيبي العصير

رؤى: من كالت هيج امي والله والله اجى يغمة عليه
حسيت بسعادة كبيرررة اول مره احس بهيج سعادة
معقولة حتزوج ايار واعيش ويا
كلبي بعد ميتحمل كل هل سعادة 😍😍
رتبت نفسي ونزلتلهم

تمت خطبتي اني وأيار اهلي وافقوا بس الي صدمني كالو العرس بسبوع واحد شسالفة شبي ايار منين اجتي المحبة هالكد مستعجل يتزوجني

اكيد اكو شي لازم اعرفة ثاني يوم من الصبح رحت على بيت خطيبي ايار فتت سلمت عليهم
اباوع على زهرة عاوجة حلكهة وماعاجبهة اني حتزوج ايار

صعدت على غرفت ايار لكيته كاعد عالجرباية ويباوع على صور بالموبايل بس معرفت شنو هالصور

اجيت علي حظنته
ايار : وخري عني رؤى هسة ارتاحيتي من صرت الج حققتي امنيتج
رؤى: شبيك ايار ليش هيج تحجي وياي اني احبك
مو بس احبك اموت عليك

ايار : اي بسسس انيييي مااااااحببببج اني احبببب مايااااااااا

رؤى: خنكتني العبرة وكمت ابجي موتني من القهر من صاح بوجهي اني احب مايا
طلعت من غرفتة سلمت على اهلة
كالتلي امه باجر المهر كتلهة ادري خالة حجز نفسي
ورجعت للبيت مخنوكة احس ايار مجبور يتزوجني ومو برضاته 😢😢

مايا : رجعنا من المحل فتت للبيت بسرعة حظنت غفران وكمت ابجي

ولج غفران جان يباوعلي بنظرات ماعرفت افسرهة ولج عباله اني خاينته ميدري اني سويت كل هذا الشي علمود وفوكاهة مكدرت احجي ويا
متمنيت هيج التقي بي ليش يالله دائما هيج يصير وياي

غفران :مو مشكله حبيبتي تشوفي غير يوم وتحيجلة كلشي اكيد حيفتهم موقفج ويسامحج

مايا : اي تعتقدين حيسامحني اذا حجيتله الحقيقة
غفران : اي طبعا باجر من يروح ياسر يشوفة انتي روحي ويا واحجي لأيار كلشي

مايا : اوك حكوم اغسل وجهي

كضيت اليوم كله صفنات وافكر بأيار
اوف يالله مشتاقتلة ايمته يجي باجر واشوفه

كعدت ثاني يوم كتأخرة شفت ياسر يريد يطلع
كتله اوكف ياسر لتروح

ياسر : ها مايا شتريدين
مايا : اريد اروح وياك اشوف ايار

ياسر : يله امشي وياي
مايا : ثواني ابدل واجي رحت بدلت بسرعة وطلعت
اتمنى يسمعني ويسامحني ونرجع سوه مثل قبل

توقعاتكم برأيكم شراح يصير وياهم ??
تعليق وتصويت حتى انزل التكملة 💛💛