انت عشقي (باللهجة العراقية)

"9"

مايا : كعدنا الصبح اني وغفران متأخرات بدلنا بسرعه ورحنا وصلت للجامعه بس كلش متاخرة لكيت الدكتور داخل وهذا عصبي حيل

المهم ماقبل افوت كلي ليش متاخرة ومخلاني افوت
عود جنت كاشخه وخابصه روحي شكد عيب فشلني
رحت كعدت وحدي شكد ضوجه بعدين سمعت صوت واحد وراي التافيت لكيته ايار

ايار: مايا شبيج ليش طالعه دايخه شي
مايا : خرب اني سكتت شكله انطردت 😯لا اكيد مااكله هيج
ايار : شبيح شو ساكته
مايا : مابيه شي بس ماعجبني احضر اكره هذا الاستاذ غثيث
ايار: هههه من كل عقلج تحجين
مايا: اي طبعا
ايار : ضليت صافن على عيونهة شكد حلوة
مايا : اباوع علي بس صافن كتله شبيك

ايار : فدوه لله شنهل العيون تخبل 😍
بكلبي احجي ( اريد اضوجج من الصبح 😂)

مايا : لا بله 😒 كمت وعفته يريد يضوجني عود
وين مااروح اشوفه خرب حظي الي يخليني اشوف هيج شكولات

بقيت كاعدة وحدي ورا شوية اجتي رؤى وبس تضحك عليه
مايا : انجبي رؤى ترى هسة اكوم واعوفج
رؤى : لا لا راح اسكت

غفران : بالاستراحه كعدنا اني وميسم وفرح نسولف بس فاجئتني فرح بحجيهة
فرح : بنات اني نخطبت ومهري يوم الخميس وانتن معزومات ورؤى ومايا هم عود كليلهم غفران

غفران : 😱صدوك تحجين حتزوجين
فرح : لا مو هسة ازوج هسة بس نعقد وبالعطلة نزوج
غفران : كعدت افكر خوش حكدر اشوف ياسر لان حفلت اخته واكيد راح يكون موجود ❤😻

ورا ماخلص الدوام رجعنا اني ومايا للبيت

خلصنا شغلنا وكعدنا نسولف
غفران : صدوك نسيت اكولج فرح حفلتهة يوم الخميس وكالت عود تعاي انتي ومايا ورؤى

مايا :هااا انتي تريدين تروحين
غفران : اي طبعا صديقتي ولازم اروح لحفلتهة وانتي

مايا : اي حروح وياج بس لازم اشتري فستان جديد حتى اطلع حلوه 😎😚

غفران : اي بعد 4 ايام عود نطلع للسوك ونشتري
مايا : اوك

ثاني يوم رحنا للدوام ومصار ويانا شي مهم من طلعنا كلت لمايا نروح للمول نشتري ملابس

هيا وافقت اني اشتريت فستان طويل وكلش حلو حتى يعجب ياسر 😌
ومايا ذوقهة صعب خلتنا نفتر بغداد كلها وبعدين اختارت فستان يجنن 😍
بس تكسرت رجلينا من كد مامشينا

غفران : عابتلج

مايا : عابت الج انجبي 😜

غفران ;ورا 3 ايام صار يوم الخميس اخذنا اجازة حتى نروح لمهر فرح بس رؤى مقبلت تروح كالت عدها شغل ضروري ومتكدر تجي ويانا