مايا : حفلت الحنه مال فوفه كلش حلوه وهما طالعين يجننون ياسر هم لبس قاط ماروني طلعو يخبلون طيور الحب الله يحفضهم ويسعدهم وغفران كلش فرحانه
بدلت الحنه مالت غفران
رأيكم بيهة ❤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أما اني جنت فرحانه ومقهورة بنفس الوقت لان مبقى غير 3 ايام ونسافر
بس على كلا ركصت ركص مصاير وتونست كلش الكل كالي طالعه حلوه بس ليش لابسة اسود شعندج قابل حزينه
مااعرف شلون يفكرون شبي الاسود مو لون ويجنن هم حاله حال باقي الألوان مدري منو كايللهم الي يلبس اسود حزين المهم اني اسوي الي يعجبني لان ارضاء الناس غاية لاتدرك وبصراحة اني من الاشخاص الي رأي الناس ميهم
ورا شوية كامو غفران وياسر يركصون فديتهم كيوت يجننون حيل لايكين لبعضهم
طبعا صديقاتي كلهن موجودات بالحفله رؤى وميسم هم واسراء وفرح اخت ياسر طبعا موجودة صدوك هيا تزوجت قبل شهر وهسة حامل عجيب شبسرعه 😂😂الله يتمملهة بالخير
وكلهن حلوات كل وحدة والها جمالهة الخاص بس صديقتي رؤى متغيرة هالايام وطول الحفلة ضايجة ومقبلت تركص وياي احس اكوشي زاعجهة بس ضامه علية معرف شبيهة وتحجي وياي من ورا خشمهة
خلصت الحفلة وكلمن راح البيته وكلنا تعبانين نضفنا اني والبنات البيت بنات خالاتي وعماتي ضلو يمنه
وغفران نامت بس لما خلصنه تنضيف كعدناهة انريد نشبع منهة شوف يروحي فوفه بعد مااشوفهة
غفران : يولو تعبانه خلوني انام لو متعرفون تخلون احد يرتاح ولكم باجر وراي يوم طويل عريض باجر عرسي متفتهمون
مايا : اي عيني باجر حتتعبين حيل الله يساعدج 😉😉
غفران : ولي ولج صايرة متستحين يله روحو اطلعي انتي والبنات خل ارتاح عظامي كلها مكسرة من التعب
مايا : بعد مااجه العرس وعظامج كلها متكسرة لعد باجر شحتسوين 😂😂😂
غفران : مو كتلج صايرة متستحين ولي يله ولي
مايا : ولج فوفه تتطرديني خل اشوفج واشبع منج راح نسافر الاحد
غفران : من كالت هيج مايا انقهرت وكمت ابجي حظنتهة هيا هم كامت تبجي
أنت تقرأ
انت عشقي (باللهجة العراقية)
Romanceعشكتك #عشك مو مثل اليعشكون واتسودن اذا مايوم احاجيك اكول بعيد #وانته بوسط العيون وي نبض #الكلب_جاوين اخليك تتأمر عليه واني #ممنون علمني #حبيبي_عاليراضيك اذا قيس بمكانه #جان مجنون انا #بهالزمن تخبلت بيك
