انت عشقي (باللهجة العراقية)

20

مايا : ايار
ايار: عيوني كعدتي
مايا: ايار لتعوفني ضل يمي لتعوفني ايارر
ايار:لخاطر الله غير اضيع بدونج ليش اني اكدر اعوفج
مايا: لتعوفني ايار ضل يمي ايار ايار
ايار: ضلت مايا تردد نفس الكلام ومجلبه بيدي بقوة يمكن دا تحلم
مايا : كمت امثل روحي دا احلم وخايفة 😂😂بس مدريت بنفسي ممثله
كمت اسوي نفسي خايفة ومرعوبة وهو حظني حيل وضل يكلي اهدي مايا اني موجود يمج

ضل حاظني بس هالمرة من صدك نمت بحظنة
هاي اول مرة ارتاح يم شخص هيج
وهو هم نام جنا نايمين ومااحلانا بس اجو غفران وياسر وشوف الفشلة شلون ياسر دك على جامت السيارة وفزينا ثنينا عبالك داخلين حالت انذار شكد عيب اكيد ياسر شافني نايمه بحظنة

ياسر : يله عيني كافي رومنسيات اليوم ابوج يلعب بينه طوبة امشي اوصلكم

مايا: خرب يومي يكول كافي رومنسيات صرت شزغرني كدام ياسر

وصلنا على البيت بابا وماما كاعدين ينتظرونة بوستهم وصعدت على غرفتنا

وغفران كالتلي قررو الزواج بعد اسبوع فتت سبحت ونمت من التعب ساعة 12 ونص

ثاني يوم كعدت الصبح بدلت ولبست فستان سمائي بي فتحة من يم الرجل طالعه رجلي وحلو كلش ومن الصدر على شكل قلب  حطيت شوية مكياج وختمته بحمرة وردي بناتي حلو نثرت شعري وسرحته حذاء وجنطة وعطر مدري شصايرلي اليوم اجهز بروحي عبالك عروس ترست نفسي عطر   وخلصت رحنا اني وغفران للكليه

اول مدخلت للكلية رحت كعدت ويا رؤى

رؤى : مايا طالعه تجنين اليوم بس فستانج كلش ضيق ومفصل على جسمج هاي من غير فتحت الصدر والرجل شصاير وياج انتي 😉

مايا : لا مصاير شي هيج لحالي عجبني هذا الفستان ولبسته

رؤى: اي حلو اليوم راح تلمين شباب الكلية كلهم علينا

دخلنا للمحاضرة وراها طلعنا نتمشى اني ورؤى والبنات بالكلية شفت ايار واكف على صفحة هو ومجموعة من الشباب ارتبكت ووكعت الجنطة من ايدي من الربكة دنكت حتى اشيلهة انتبهت على الشباب كلهم

يباوعون عليه خرب صدري بين من دنكت

ايار : جنت واكف ويا اصدقائي بعدين كال واحد منهم شوفو هاي ام السمائي صاكة تموت خوب الصدر لو الرجلين تجنن

باوعت على البنية هاي مايا ياالله هاي شلابسة شمصخمة صارت عيوني براسي هاي شلون اجت هيج انعمت عيوني من العصبية وشلون هذولة الولد يباوعون على جسمهة تخبلت رحت عليهة بسرعه

ايار : مايا تعاي اريد احجي وياج
مايا :اي بعدني ممكملة حجيي وسحبني من ايدي واخذني لمكان مابي احد

ايار : شنو هذا اللبس
مايا : شبي ليش
ايار : ولج انتي شلابسة احجي وصحت بيهة بصوت عالي
مايا : مفتهمت عليك ايار شنو شلابسة لابسة فستان
ايار : شنو من فستان هذا فهميني نص جسمج طالع شنو دتسوين اغراء لشباب احجيي

مايا : كمت ابجي
ايار : لتبجين احجي
مايا : ابجي واحجي اسوي اغراء الك
ايار : خرب تسوين اغراء الي ولج اني احبج افهمي احبج واغار عليج مااقبل هيج تلبسين

مايا : اني ضليت بس ابجي
ايار : كافي حبيبتي لتبجين خلص وكمت امسح بدموعهة باوعي علية مايا تسمعيني خلي عيونج بعيوني
مايا : رفعت عيوني صارت بعيونة
ايار : خلص حبيبتي بعد لتبجين
مايا : اريد ارد علي بس هو سبقني وباسني من حلكي وخر شوية ورجع باسني بقوة ردت أختنك عبالك انتقام مو بوسة

ايار : يله حبيبتي هسة ناخذ اذن من المدير ونطلع للبيت تغيرين ملابسج
مايا : مسحت دموعي وكوه احجي اي وهو هم رجع باسني انوب وكام يشم بيه
ايار : ولج اني متاكد مخلصة شيشة عطر كاملة

مايا : اويلي شطلعت غيور عبالي بارد طلعت حار
ايار : اني اعلمج الحار شيسوي يله امشي هسة خل نروح

مايا : صعدت ويا بالسيارة وصلني للبيت دخلت للبيت بابا وماما طالعين وماكو احد صعدت لغرفتي سمعت صوت واحد وراية انداريت هذا ايار كمت اضحك لان لحكني فتت لغرفتي وهو هم فات وراية
اني خفت بذيج لحظة كام جسمي يرجف
فتحت الكنتور اريد اطلع ملابس

ايار : انتظري اني حختارلج شتلبسين طلعتلها فستان جوه الركبه زيتوني
مايا : اخذته منه وفتت للحمام لبسته وهو كعد  على الجرباية  طلعت من الحمام وهو ضل يباوع عليه عدلت شعري كدام المراية وعدلت المكياج وخففت منه دا اخلي حمرة لون احمر وايار اجه من وراية لزمني وضل يبوس بيه

ايار : يربي ماودي اعوفهة شنو من بنية تنأكل اكل
مايا : ايار يله صار نص ساعه تأخرنا
ايار : ولج شلون اعوفج واروح
مايا : لتعوفني بس يله امشي خل نروح
ايار : اي بس بالاول باعي بالمراية الحمره كلها راحت ههههه
مايا ; خرب ببليسك اني احط وانته تاكل

بعدين رجعنا للكلية فاتتني محاظرة بس يله خيرها بغيرها

غفران : ولج مايا شوكت غييرتي ملابسج
مايا : سالفه طويلة لتسئليني بعدين اكولج
غفران : صدوك مايا اني قررت اترك هالسنه ومااداوم بالكلية لان راح ازوج