انت عشقي (باللهجة العراقية)

31

💭
رأأّح أگولنْ ماڪّو #بعدك؛ 😍🌸
راح أصّيحنِ ححُيلَّ #أحَبك "🍃🔔
رٱح أروِحن حتًى #لھَلك ؛ 🐾👀
راُح أگوّلهم رآآُح #أخّطفك🌬🌩🙊
راًح أبيَع #البيّت ڮلِهْ .🎣🍯😌
وأگعُد بخِيمه ع #درّبك: 🎀💚😻🙈

أيار : فتت على الغرفة الجانو بيها اهلي حجيت بصوت عالي
اسمعوني زين لو تضل رؤى اخر وحدة بالدنيا مستحيل اتزوجهة

الأب : اياااارررر شو صاير تعلي صوتك بوجهي وبوجه امك هاي تالي ترباتي الك بعدين هنيالة الياخذ رؤى جمال واخلاق واصل وفصل ومتعلمة شتريد بعد

الام : اي يمه ايار شبيك ويا رؤى شسوتلك ليش

ايار : عوفوني بحالي شتريدون اموت حتى ترتاحون مااريد اتزوجهة هيا كوه مااحبهة
وطلعت من البيت بسرعة انوب علية تعال اتزوج رؤى تهي بهي منين اجاهة الاخلاق هاي الزكة

رؤى : جنت كاعدة وشفت اتصال من زهرة اخت ايار
رديت عليهة الو هلا زهورة شصار علمود ايار اكو شي جديد

زهرة : هلا رؤى اي قبل شوية سمعتهم يحجون علمودكم عساس يريدون يخطبوج لأيار ماما وبابا

رؤى : والله جد لج صدك تحجين كملي ولج بعد مااتحمل ايار شكال

زهرة : ايار كام يصيح وميقبل يزوجج يكول مااحبهة وهسة طلع من البيت
رؤى: اي هاي مو شغلة جديدة هو ايار من يوم يومة ميحبني بس انتظري وشوفي شحيصير

زهرة : يلة اني هسة حروح اذا صار شي جديد اكلج

رؤى : سديت الخط من زهرة وكعدت افكر شسوي حتى اخلي ايار يكره مايا وينساهة
صحيح نسيت اكولكم زهرة تساعدني وتنقلي اخبار ايار كلهة لأن قبل فترة جنت رايحة عليهم وشفتهة جانت تريد تروح لمدرستهة بس هاي غيرت طريقة وصعدت ويا واحد بالسيارة اني لحكتهة عرفت هاي عدهة علاقة ويا هذا الولد

ومن حجيت وياهة كتلهة شفتج من رحتي ويا هيا كامت تبجي وكالت فدوه لتكولين لاهلي والله يموتوني شتريدين اسويلج بس لاتكوليلهم

اني ستغليت الوضع وكتلهة تساعدني علمود ايار

ايار : طلعت من البيت رحت لياسر دائما يكعد بالكهوة رحت كعدت ويا

ياسر : ها خيرك شو مبين ضايج
ايار : اي والله حيل ضايج اكلك مايا شلونهة

ياسر : ايار شتريد من مايا انساهة يااخي شوف حياتك ترى بعد مترجع لهنا

ايار : ولك غير لو اكدر انساهة مااكدر موبيدي احبهة هسة انته تكدر تعوف غفران لو تنساهة

ياسر : لا مستحيل
ايار : واني هم انوب اهلي طالعيلي بشغلة جديدة تعال اتزوج رؤى

ياسر : ليش متتزوجهة ترى والله رؤى زينة وتحبك
ايار : شبيك ياسر حتى انته انوب اني مااصدك اخلص من اهلي تجيني انته