Diary Ng Broken Hearted

Entry#1

X1

2:03 in the morning

Nagising ako sa hindi inaasahang oras. Sa hindi inaasahang pagkakataon pero sa isang inaasahanv dahilan. Yun ay para ilabas muli ang mga luha at sakit na nagsusumiksik sa aking dibdib. Mga luhang pilit ko na lang itinutulog pero hindi pa din ako nagtagumpay.

Ginising na naman ako sa kalagitnaan ng gabi

Hindi para uminom

Hindi para mag cr

Hindi dahil sa isang panaginip

Kundi dahil sa damdaming labis na nagpupumilit ilabas

Ilabas sa pamamagitan ng luha

Ilabas sa pamamagitan ng pagtatanong sa mga bituing nakasilip

Nag uunahan sa pagpatak

Nag uunahan sa pagbagsak

Hindi alam kung paano titigil?

Hindi alam kung kailan mapapagod.

Walang kasiguraduhan

Isang bagay na natutunan ko sa mundong ginagalawan

Lahat ay walang kasiguraduhan

Lahat nagbabago

Lahat naglalaho

Lahat umaalis

Lahat nangagako

At lahat ay napapalis

Kinuha ko ang cellphone na nasa sa aking tabi.

Umaasang lilitaw ang pangalang kanina pa isinisigaw

Ng damdaming kanina pa humihiyaw

Ngunit akoy nabigo

Nalungkot , na dismaya

Ganon na ba ako kabilis iwan?

Ganon nya lang ba kabilis itatapo ang lahat?

Wala na ba akong halaga?

Wala na bang halaga lahat ng pangakong hanggang ngayo'y pinanghahawakan?

Bumangon ako para makahinga

Bumangon para hindi na muling maiyak

Ngunit hindi ko na napigilan

At sumabog ang kanina ko pa pinipigilan.

Napatingin ako sa buwan na nasa itaas.

Katulad ng buhay ko, patuloy pa rin ito sa pagliwanag, sa pagbibigay ng ilaw mula sa malamig na gabi ng kadiliman. Oo, patuloy ako sa pagliwanag pero hindi na ganoon kalakas, hindi na ganoon ka ganda dahil sa bagyo ng tadhana. Dahil sa luha at mga problema. Para akong Isang buwan na matamlay sa gitna ng bagyo ng luha at problema.

Pumikit ako habang patuloy pa din sa pagluha at paghikbi

Huminga ng malalim

Humiling...

Na sana

Maibalik yung dati...

Sa Simula...

At kung paano nagtapos ang lahat.