Spoken Word Poetry

Saan nga ba?

Saan?
Nga?
Ba?

Saan nga ba ako nagkulang?
Ngayo'y nandirito't inaalam ang kasagutan
Kung bakit at anong dahilan ng iyong paglisan

Saan nga ba
O nagkamali nga ba?
Sa mga bagay na pinagpasyahan ko nang hindi ka kasama
Nagalit ka ba?
Dahil akoy nagdedesisyon ng mag isa?

Saan nga ba?
Saan ako pupulot ng mga salita para sabihin sayong bumalik ka na?
Kaya ko bang sabihin at itanong sayo kung masaya ka na ba sa piling niya?

Saan nga ba ako?
Kukuha nang lakas ng loob para maagaw ka sa kanya at bumalik ka na sa akin,dahil miss na kita

Saan nga ba ako?
Ako bay nagkulang sa iyo?
Oras, atensyon o pagpapahalaga ba ang pinagdamot ko?
Kasi hindi ko alam?mahal maaari bang pakisabi naman

Saan nga ba?
Pwede pa nga bang?
Bumalik sa lugar at panahon kung saan tayo pa?
Kung saan masaya pa tayong dalawa?

Saan  nga ba ulit tayo unang nagkakilala?
Baka akoy maaaring bumalik doon
At ating simulan naudlot nating pag iibigan

Baka maaaring baguhin natin ang lahat
Mag umpisa ulit sa simula
Kalimutan ang mga nangyari
Iwaksi ang sakit na naranasan mo dati
Sapagkat bubuo tayo ng  mga bagong pangyayari

Saan nga ba?
Saan na nga ba ang ikaw?
Na minahal ko ng totoo pero nanlamig bigla, nang hindi ko alam kung anong dahilan
Ikaw na kahit ano pang mangyari ay gusto kong balikan kahit akoy iyong iniwan

Babaguhin ang aking nakasanayan
Ipinapangakong magbabago ng tuluyan
Magiging mas karapatdapat na tao para sayo
Nang hindi ka na maghanap ng bago
Para nang makuntento ka sa isang tulad ko

Saan nga ba?
Kasi akoy nandiritot naghihintay pa rin sa lugar kung saan binuo natin ating mga masasayang alaala
Kung saan mahal mo pa ko,
Kung saan mahal pa natin ang isat isa

Tandaan mo,
Mahal kita
Kaya kahit ayaw mo na
Patuloy pa rin akong nandito
Susundan ka
Kahit saan ka man magpunta