من طائفة قلبي

البارت الرابع

اسماعيل/بعد كلام علاء الحماسي وتصميمه الاكثر من رائع...صارله اسبوع وما عرف يگول كلمة وحدة...علاوي..
علاء/هاا؟..
اسماعيل/لسا ما كلمته لبحر؟...
علاء/لا..
اسماعيل/لعد شنو منتظر ؟..
علاء/منتظر طياح حظي...كلما اريد اكلمها بالموضوع تنتهي بمناگرة...
اسماعيل/كنت اتمنى اساعدك...بس غيرت رأي من كلتلي تتصرف لوحدك...فما راح اتدخل...
علاء/بعتني مو؟...
اسماعيل/ههههه...لا هاي امورك الخاصة دبرها انت...
علاء/الله كريم...اوووف كلما اتكلم وياها اذبلها بسمار واخرب كلشي...عيني عليها...يا ناس والله حلوة وتحلى بعيني يوم بعد يوم...
بحر/هذا شبيه بس يباوعلي...عبالك مأذيته ويريد ينتقم مني...استغفر الله ما اكدر اكمل شغلي... ولج على شنو توترتي وخجلتي يلا رديه خلي يتعلم...اليوم العمود بيه عيون ها سماح...
سماح/هاا؟..
علاء/اليوم البطاريق تعلمت تتكلم مو سماح؟..
سماح/هاا؟..
بحر/كوليله عيونك تخوف كأنها عيون سعلوة..
سماح/هاا...منو؟..
علاء/لا كوليلها خلي تخلي علامة انتبه خاف احد يعثر بيها..
سماح/هاا...اني؟..
علاء/كوليلها سعد خليفة اطول واحلى منها..
سماح/ولكم دخت..
سماح/كوليله...
اسماعيل/كافي يمعودين البنية راح يغمى عليها...انطوها مجال تتنفس..
بحر/واني شسويت للبنية...ذاك العمود خوفها من شكله وعيونه...صار عندها هيج...
علاء/اني اخوف لو انتي مثل العفريت بالسندباد...
بحر/اني العفريت بالسندباد؟...اعلمك...اخذت بطل المي ورحت من وراه ذبيته كله على راسه...
علاء/ولج شسويتي...بللتيني...
بحر/حتى بعد لا تقلد على بنية...
علاء/ادري بيج حلوة بس خباثة اقلد عليج...
بحر/هاا...صدك؟؟؟؟..
علاء/شنو الصدك...قابل اجذب عليج اخبث عليج واني اعلمج...
بحر/عفته لعلاء...ورجعت مكاني افكر بكلامه...يعني اني حلوة بعينه...وهذا الكلام كله بس علمود يضوجني...اخيرا شي يفرحني...حتى لو مو بشكل مباشر...بس كالها... انتي حلوة...😍😍😍
علاء/هاي الخبلة ما اعرف شبيها شو شوية ضايجة وتبللني وفجأة تضحك ومبتسمة...يمكن بيها جني...
اسماعيل/علاء علاء...
علاء/شبيك ليش تهمس؟...
اسماعيل/باوع منو اجا...
علاء/هاا زينة ...هسة وقتها...عبالي بعد ما تجي..
زينة/مرحبا...اعرفكم على نفسي اسمي زينة 25 سنة...بيضة وطويلة وجسمي رشيق واخبل...كل الناس عيونها علية...بس عيوني بس على واحد...علاء...الحنطاوي الطويل اللي ماخذ عقلي وتفكيري...صارلي اكثر من شهر ونص ما شفته بسبب ظروف بالبيت...صباح الخير...
اسماعيل/صباح النور... علاء سكت وسوا نفسه ما منتبه...
زينة/صباح الخير علاء..
علاء/هاا زينة هلا... صباح النور...
زينة/شلونك علاء...من زمان ما شفتك...اشتاقيتلك..
علاء/اي صحيح...تشتاقلج العافية...
زينة/انت ما اشتاقيتلي..
علاء/بله هاي شنو احجي وياها...اذا اگللها اشتاقيت تصير لزگة...واذا اگلها لا اطلع المو زين...والله يا زينة نسيت حتى نفسي من ورا مشاكلي اعتذر اذا ما سألت عليج...
زينة/ لا لا عادي اعرف بيك عندك شغل واهلك بعيدين...لهذا اني عاذرتك...
علاء/شكرا هذا من حسن ذوقج...
بحر/ولج سماح منو هاي اللزكة اللي كعدت يم علاء؟...
سماح/ما تعرفيها؟...هاي البنية اللي تشتغل بالصيدلية براس الشارع...
بحر/ومنين اعرفها...بس شعدها لازكة بعلاء...ما تستحي..
سماح/ولج مو هي دائما تجي يم علاء...ومبين عليها هي رايدته وتحبه...بس علاء ما ينطي مجال لاي بنية حتى آني ما نطاني مجال..
بحر/انتي؟؟...وليش ينطيج مجال انتي مو مخطوبة؟..
سماح/لا كنت ما مخطوبة بوقتها وهم انعجبت بعلاء...حاولت شكد اخليه بياوعلي بس هو دائما يتجاهلني..
بحر/وهسة بعدج معجبة؟...
سماح/لا هسة اموت على خطيبي ما ابدله ب100 علاء...
بحر/هاا احسن...بگلبي همزين راحت وحدة...بقت بس هاي شلون اخلص منها... وأبعدها عن علاء... فكري فكري بحر...انتي رب الخباثة ما توگف كدامج وحدة مثل هاي...سماح وين عينات الدم اللي ما نحتاجها بعد؟؟..
سماح/ليش شسوين بيها؟..
بحر/لا بس اريد اتخلص منها...
سماح/هاا موجودات بذاك البراد لجوة..
بحر/شكرا...رحت اخذتهن وخليت الاغطية شوية راخية...ومشيت من يم هاي العصا زينة...وسويت نفسي تعثرت وخليت الدم بطولها..
زينة/هاي شنو شسويتي...عمه..
بحر/اعتذر عثرت وما كدرت اسيطر على نفسي...
زينة/شنو عمية وتعثرين؟...لو خباثة منج...اعرف متقصدتها..
بحر/لا وروح بيبيتي ما متقصدة عثرت بس...
علاء/زينة ما تدري بيج...ومو قصدها...
زينة/بس علاء مبينة جذابة...
علاء/ما اعتقد بحر تجذب هيج...وشنو مصلحتها تأذيج..
بحر/اي ما عندي كل مصلحة يصير بيج هيج...
زينة/افففف...يلا علاء اني رايحة اشوفك بعدين...
علاء/براحتج...
بحر/علاء اني ما اقصد...صدكني عثرت وما انتبهت الها..
علاء/اني مصدكج...بس نظفي المكان قبل لا يجف الدم..
بحر/اي هسة انظفه...كملت تنظيف المكان...اني اعلمج زينة بعد اذا اجيتي اسوي الاقوى منها... رجعت لمكاني وكملت شغلي
سماح/ولج شسويتي للبنية؟...
بحر/شنو سويت؟..ما متقصدة..
سماح/بحر الغيرة تارسة عيونج... وحتى ماكو شي تتعثرين بيه...ما سامعة احد يعثر بالهوا...
بحر/اني اغار على منو؟..
سماح/على علاء..
بحر/لا انتي متوهمة اني ما اغار...
سماح/اذا بقيتي هيج...علاء يروح من ايدج وتاخذه زينة منج...هي ما ينقصها شي هم حلوة مثلج...