من طائفة قلبي

البارت العاشر

بحر/وين اهلك علاء شو تأخروا...كاعدة على الدرج مال بيتنا واهز برجلي من التوتر...قبل نص ساعة اتصل بية علاء يکلي اهله وصلو وراح تصير الساعة 5 ولسا ما اجوي...خاف غير رأيه...هذا كلشي يسوي...اوووف شبيج بحر...وين ثقتج بعلاء...گمت رحت للمطبخ يم امي... اكلج يوم شو تأخرو الجماعة؟...اتكلم ويا امي دگ جرس الباب...

ام بحر/هذول اجو... يلا روحي جوة وشوية اصيحلج جيبي العصير...

بحر/اي وطگيتها ركضة لغرفتي...شفت اذا اكو شي مو عدل او خرب بمكياجي...اخذت كم صورة سيلفي...ودزيتهن لعلاء...شوية نزلت يم المطبخ واتصنت الهن شنو يسولفن... اجتي امي گالتلي يلا جيبي العصير...

علاء/بعد ما اجو امي وعماتي وخالاتي...صعدت وياهم بالسيارة واخذتهم لمكان يرتاحون بيه شوية...كعدنا جبتلهم عصاير..شلونكم ؟..خو مل تعبتو بالطريق؟..

ام علاء/لا يمة ما عدنا شي...انت شلونك وشلون شغلك يمة؟..

علاء/لا الحمدلله اني يمة...وشغلي مثل ما هو..

خالة علاء/ولك علاء...هاي الحلوة وين لگيتها وشلون قنعت بيك؟..واغمزله بعيني..

علاء/ههههه...خالة غير تشتغل وياي بالمختبر..

خالة/تشتغل وياك مو؟...علاء ماكو غير شي؟..

علاء/ههه..لا ماكو لا تخافين...

عمة علاء/عمة لو گايلي تريد مرة...اجيبلك احسن واحلى مرة تريدها..

علاء/لا عمة اني صارت نفسي بهاي البنية..

عمة علاء الصغيرة/بس علاوي مو جبيرة بالعمر... شلون رضيت بيها وهي اكبر منك..

علاء/ليش انتي ما شفتي صورها؟.. وباوعت لامي..

ام علاء/مو حذفت صورها بالغلط...تدري بعدني ما اعرف بالموبايل صحيح..

عمة علاء الصغيرة/حتى لو حلوة راح يبقى فرق العمر بينكم واضح..

علاء/عمة لا تحكمين من هسة روحو شوفوها اول وبعدين نسولف..ارتاحو وبعدها اخذتهم لبيت بحر...يمة اذا كملتو اتصلي علية..

ام علاء/ان شاء الله يمة...دگينا الجرس طلعت النا مرة شوية جبيرة بالعمر بس شكلها حلو...سلمنا عليها ودخلتنا للاستقبال...گعدنا شوية سولفنا وبعدها حجيت بالمضمون...والله يدادا ام بحر احنا جايين نخطب بتكم بحر لابن علاء...

ام بحر/اهلا وسهلا بيكم النا الشرف...بس اشوف البنية واشوف ابوها الكم وتدللون...بس خلي اجيبلكم شي تشربوه...طلعت اصيح لبحر حتى تدخل عليهم بالعصير..

عمة علاء/هاي اذا امها بهذا الكبر...هي شلون؟..

ام علاء/لعد اذا هي بهذا الكبر واحلى مني... شلون بنتها؟..

خالة علاء/هههه تلگيها هسة تگول للگمر وخر اني احلى منك 😁😁...

عمات علاء/😒😒😒..