من طائفة قلبي

البارت التاسع

ام علاء/ابو علاء بس شوف هاي الصورة...

ابو علاء/منين الج هذا الموبايل؟..مو نوكيا العندج؟..

ام علاء/هذا اشتراه الي علاء ابني...شوف شكد يحبني...يگلي ادري بيج تضوجين وحدج بالبيت واشتراه الي..

ابو علاء/ولو ما اصدگ هذا الكلام...بس يلا راح اعبرها...شنو تريديني اشوف؟..

ام علاء/اريد اراويك صورة...بس انتظرني شوية...هاي شلون يطلعونها؟.....😫😫 قبل شوية علمني عليها سلام..

ابو علاء/انطيني الموبايل خلي اعلمج..

ام علاء/لا لا اني اعرفها بس انطيني مجال...اي طلعت طلعت...هاك هاي الصورة شوفها..

ابو علاء/هاي بنية حلوة شبيها؟..

ام علاء/اريد وحدة مثلها لعلاء... مو احلى من لميس؟..

ابو علاء/اي احلى من لميس...بس تحلمين تحصلين هيج بنية لابنج الاثول...مثل حلم ابليس بالجنة..

ام علاء/واذا حصلت شنو رأيك؟..

ابو علاء/لكل حادث حديث...بذاك الوقت ارجع افكر من جديد...اشوفها اذا خوش بنية واهلها ما عليهم شي يمكن اوافق...

ام علاء/لعد خلي ابشرك...هاي اللي شفتها بالصورة حبيبة علاء اللي يريد يتزوجها..

ابو علاء/شنووووو؟؟؟...گولي غيرها...هذا الازرگ عنده هيج؟...گوليلي بعد مفاجئة انتي هم تحبين امي...

ام علاء/لا بس هاي حبيبة علاء صدگ...وامك ام الطلايب ما احبها...هسة شنو گلت؟..

ابو علاء/شنو اگول؟..اگول الشين التعرفه احسن من الزين الما تعرفه..

ام علاء/يعني هيج رجعت بكلمتك وياي...اني اعلمك..

ابو علاء/خلي نسأل عن البنية اول قبل انطيج اي موافقة...اخذتني على غفلة بكلامها...ولزمتني بحجايتي...شلون ما اشوف اني ما اگدرلها...

ام علاء/رحمه الله والديك... هذا خوش خبر...اتصل بعلاء وابشره...حامد!! حامد!!..

حامد/هاا!! يمة تريدين شي؟..

ام علاء/اي تعال اتصلي على علاء...وعلمني هم وياك..

حامد/هاي السهلة...اول شي ضغطي على علامة الهاتف...وبعدين طلعي الاسماء منا...وبعدين ضغطي على الاسم وانطيه اتصال هيج...يلا هسة جاي يتصل...خليه على اذنج...

ام علاء/انطيني...هذا بعده يدك...

علاء/الو حجية...

ام علاء/يمة علاء صار شي مهم كلش..

علاء/خير يمة بس لا ابوي بيه شي؟...

ام علاء/الله يطيح حظك...ليش هيج مفول على ابوك؟..

علاء/لعد شنو المهم؟..

ام علاء/اريد بشارة منك..

علاء/تدللين بس شنو صار؟...