من طائفة قلبي

البارت الثاني عشر

قبل 6 اشهر...

اسماعيل/علاء اخذ ذني التيستات وكملهن...

علاء/اوك..بس خلي اكمل الشغل الجوة ايدي..

اسماعيل/انطي شغلك لبحر وكمل ذني..

علاء/ميخالف...بعد كم يوم من موافقة اهل بحر علية...اتصلت باهلي وقررو يوم المشية بعد يومين...ما بقى شي وبحر الي...ايامي هسة احلى ايام بحياتي...اسعد شاب حاليا...اشوف حبيبتي كل يوم واكلمها بالليل ومخطوبين وراح نصير لبعض...بالمختصر المفيد ما اتمنى اكثر من هذا...بحر هاج ذني عينات الدم كملي الفحص...

بحر/اففف...بس تذبون شغل علية... انطوني مجال..

علاء/على كيفج بابا جاي اشتغل بكد شغلج مرتين اني..

بحر/باوعت عليه صفح ورفعت اله حاجبي...شنو گلت؟..

علاء/آسف ما گلت شي..

بحر/اي عبالي تگول شي..

علاء/والله تخوف من تعصب...لعد من هسة متحكمة بية...بعد الزواج شلون؟...بس عندي الحل...راح ادور مطعم صاج رخيص وطيب...حتى كل ما تعصب اروح اجيب منه واراضيها ام بطن...حبيبتي شنو تأمرين انفذ..

بحر/اي عفية...بگلبي ههههه احبه من يدعلني ويحسبلي حساب...خلي اشبع دلع منه لان راح نتزوج ويصير عدنا طفل وبعد ما نلحگ على الرومانسيات...بس هل الايام مغير شكله شوية ورافع شعره...بس طالع يخبل...فديته😍😍😍..

اسماعيل/رجعو طيور الحب يتغازلون...واحنا شغلنا اليوم هواي...علاء..بحر..كافي غزل بعدين كملو...هسة انتبهو لشغلكم..

بحر/كافي غزل...مضغوط وغيرة من عدنا هذا الاسماعيل... هذا ابد ما تدلعه حبيبته ويغار منا...صدك علاء هذا شنو تدلعه حبيبته..

علاء/ههههه اباوع لبحر وهي تقلد على اسماعيل...اعتقد تدلعه اسموعولي..

بحر/هذا دلع لو تحضير الجن؟..

علاء/قبلج گلتله دلعك يحتاج دورة تعلم لغة لوحده...

اسماعيل/ولكم كافي خلصتو من الغزل...گمتو تگرضوني...انتبهو لشغلكم...

بحر/ما تشوف گاعدين نشتغل..

اسماعيل/لعد استعجلو بشغلكم اكثر... سماح سحبي دم من البنات الكاعدات بالممر وسجلي شنو الاختبارات على التيوب..

سماح/ان شاء الله..

علاء/اليوم اسماعيل حيل مخبوص..

سماح/مو اليوم لازم يطلع من وقت...يگول عندي شغل..

علاء/هاا..تذكرت اليوم يلتقي بالقلب..

بحر/شنووو؟.. اسماعيل عنده حبيبة؟..

علاء/لعد قبل شوية سألتي عن حبيبته يعني ما تعرفين..

بحر/كنت اتشاقة بس ما توقعت اكو وحدة تحبه... الله يساعدها على خباثته..