علاء/اليوم محضر مقلب لبحر...اني اعلمها تسوي بيا مقالب؟...داومت اليوم قبلها وكملت كلشي وسويت المقلب بالمكان اللي تشتغل بي...يعني بالتيوبات (انابيب اختبار)..هسة بس انتظر تداوم...
اسماعيل/السلام عليكم..
علاء/وعليكم السلام..
اسماعيل/اليوم من الصبح...تركتني وطلعت..
علاء/كلت شوية اغير روتين مو اكثر..
اسماعيل/اي احسن هيج صير...
سماح/صباح الخير..
علاء واسماعيل/ صباح النور..
سماح/هاا علاء اليوم من الصبح؟..
علاء/تغيير روتين..بقينا شوية نسولف اجت ست الحسن بحر..
بحر/صباح الخير
الكل عدا علاء/صباح النور..
بحر/شبيك گالب خلقتك...الناس من الصبح تبتسم..
علاء/وشعليج انتي...وجهج يخلي واحد يبتسم...
بحر/لا حقك... ما تشوف زين.. عبالك شكلي مو حلو... يعني اعمى..
علاء/الحمدلله اعمى ما اشوف خلقتج...
بحر/عابت
علاء/عابتلج...
اسماعيل/يلا بطلو وكل واحد على شغله...
علاء/بگلبي لحظة الانتقام يا ست بحر...راحت لمكانها وبدت تحضر شغلها...طبعا اني محضر كم تيوب بس تفتح اي واحد راح تشوف مفاجئة... بصعوبة كدرت احضر هاي المفاجئة...لان مقززة حتى الي...اباوع الها فتحت تيوب وطلعت الصرصرة من التيوب ههههه......هااا هاي اغمى عليها...ركضت عليها شفت وجها شاحب...اجو اسماعيل وسماح...جابو مي وغسلو وجها...
اسماعيل/بحر بحر انتبهي وياي...سماح اذا عندج عطر بجنطتج...
سماح/عندي عندي...هاك العطر...
اسماعيل/بحر انتبهي وياي...ولك علاء شسويتلها؟...
علاء/والله ما سويت شي بس مقلب صغير...
اسماعيل/ولك هي وقت مقالب...تعال ساعدني ندخلها للغرفة الجوة...اخذنا بح للغرفة مغمى عليها....بس انتبهت لعلاء صار وجهة اصفر من الخوف...وصار مثل الاثول ما يعرف شيسوي...علاء شنو المقلب السويتة الها ها؟..
علاء/والله ما سويت شي...بس خليت صرصر بالتيوب...
اسماعيل/ما گلت يمكن عدها خوف مرضي من الحشرات...شلون تسوي هيج...
علاء/والله ما ادري... مو قصدي ااذيها..
سماح/اسماعيل على كيفك ويا علاء...ترا ما يقصد يأذيها..
اسماعيل/يقصد او ما يقصد شوفي شسوة بالبنية...
بحر/ااخ راسي...شصار؟...
سماح/اي كعدت بحر... بحر شلونج تحسين بوجع؟..
بحر/بس راسي يوجعني عبالك واحد ضاربني عليه...
اسماعيل/اي مو وكعتي بقوة على راسج...
علاء/بحر والله اسف مو قصدي تتأذين هيج...
بحر/انت شبيك تتوسل مثل المطلگة...شنو الصار...
اسماعيل/علاء خلى صرصر بالتيوب ومن شفتيه اغمى عليج..
بحر/اي تذكرت...انت ما تدري اخاف هواي من الصرصر... ليش هيج تسوي...عابتلك...
علاء/ما كدرت ارد عليها لان الغلط مني...عفتها وطلعت لبرا...بعدها تحسنت حالتها كملنا شغلنا واحنا ساكتين...لحد ما خلص الدوام.. ثاني يوم داومت بدوامي الطبيعي قبل 5د من يبدي الدوام وصلت المختبر...دخلت ذبت كلام علية سكتت وما رديت عليها...حاولت اكثر من مرة تريدني اتكلم بس بقيت ساكت...
بحر/بطبعي ما احب احد يشفق علية لو يشوفني ضعيفة... احب اكون قوية وهذا العلاء بدا يشفق علية ويشوفني ضعيفة...هو اخر الناس اريد اكون ضعيفة كدامة او يشفق علية...اليوم الازرگ شنو مشكلته...صاير مؤدب...
علاء/ما كو شي..
بحر/اففف شلون اخليه يتكلم هذا المكروه...سماح اليوم ذاك الشخص صاير عنده غباء حتى ما يعرف يرد...
سماح/ههههه ليش تتحارشين بيه ما تعوفيه بحاله...
بحر/ما احب هاي النظرة بعيونه اللي يباوع بيها الي...
سماح/يمكن نظرة اعجاب😉😉...
بحر/انتي شنو هذا الكلام اي اعجاب اكرهة ويكرهني..
سماح/ما اعرف كلشي يصير...
بحر/انتي ابد ما تساعدين... كل همج الحب قال والحب فعل...اني اعلمه...
علاء/راح اجيب غدا احد يريد شي...
بحر/اي اني اريد لفات كص وانت ادفع الحساب...
علاء/ان شاء الله...تريدين بعد شي..
بحر/لا ما اريد...بس استعجل لا تتأخر..
علاء/ان شاء الله..
سماح/ ولج شبيج وياه...عيب تتكلمين وياه هيج...
بحر/ولج يكتلني ببروده هذا اريده يحس ويرد علية...
سماح/ممممم...
بحر/شبيج شنو هاي المممم..
سماح/لا ماكو شي بس سالفة ببالي...
بحر/عابت اعرف شنو تفكيرج...بس لا ما احب يباوعلي هيج...
سماح/قنعي نفسج...
بحر/الصدك ما احب اشوفه هيج مؤدب اريده يرجع مثل قبل...اذا غثيته هم يغثني...اراويك نجوم الظهر استاذ علاء...
علاء/رجعت من المطعم وجبت الغدا...تفضلي بحر هذا الكص اللي طلبتيه...
بحر/هاا اشو اللفات كاملات ما ماكل منهن...
علاء/هذا اعتذاري على اللي صار امس...
بحر/ما اريد اعتذارك يلا...بس الكص ما ارجعه...
علاء/اعوذ بالله و استغفر الله...اصبر اصبر...
بحر/اي اخيرا...سمعته يستغفر ويصبر نفسه علية... حسيت بالنصر...على شنو تتعوذ و تستغفر شايف كدامك جني...
علاء/لا اسوء من الجني شايف كدامي بحر...
بحر/اخيرا رد علية...اليوم الا اخليك تتندم على اليوم اللي عرفتني...كملنا غدا...
اسماعيل/علاء اني وسماح رايحين نجيب نقص المواد العدنا...ما دام شغل قليل ابقى انت وبحر بس لا تسوي مشاكل
علاء/شنو شايفني جاهل وتوصيني هيج...
اسماعيل/والله الجهال ما يسوون مثلك ومثل بحر...على الاقل اعقل منكم...
بحر/هذا الكلام الي؟...اراويك منو العاقل استاذ سمعو...
علاء/يرادلك خنگة حتى تمشي عدل...
اسماعيل/يلا اني فالت...اقصد رايح...
علاء/طلعت برا اخاف اظل واسوي مشاكل ويا بحر...معدتي اذتني يمكن اكلت هواي...خلى اشتري شي بارد...هااا محفظتي وين؟...يمكن نسيته جوة خلي اجيبها...دخلت جوة وشفت المنظر...هاااا...اسف اسف مو قصدي...
بحر/طلع علاء برا احسن ارتاح منه شوية...خلي اعدل شالي...نزعت الشال اريد اعدله رجع علاء وشافني بدون شال...خجلت كلش منه واحس وجهي صار نار...
علاء/شفت بحر وشعرها نازل بقيت شوية صافن عليها ويعدها اعتذرت...ما منتبه او اني اتجاهلها بس هي صدك حلوة ومن شفت شعرها والوجه صار احمر بعد ما اكدر اطلع صورتها من بالي...
بحر/هسة وقت الخجل حتى ما اعرف شنو ارد بعد...اعتذر ورجع طلع...عدلت شالي بسرعة وكعدت على الكرسي...شوية ورجع...
علاء/اعتذر عن قبل شوية نسيت محفظتي ورجعت...
بحر/ماكو داعي تعتذر الغلط مني...
علاء/حشاج من الغلط...بقيت كاعد وصار سكون ما تكلمنا ولا كلمة لحد ما رجعو اسماعيل وسماح...
سماح/اممم...شنو هذا الهدوء الغريب...
بحر/اي هدوء غريب... انتي شنو تتخيلين؟...
اسماعيل/صدك غريب توقعت ارجع والگا صياحكم واصل برا...بس شو هادئين...
علاء/انتو شنو الفكرة الماخذينها عنا...عبالك 24 ساعة...بس صياح...
بحر/اي صدك حتى احنا مرات نبقى ساكتين ما نتكلم...
سماح/اي راح اصدكم هسة😉😉😉..
بحر/هاي البنت شنو كلب بوليسي...ما يضيع عليها شي...
سماح/اهمس لبحر...ولج بحر شنو صار كوليلي...
بحر/ولج ما صار شي...
سماح/تريدين تقنعيني هذا وجهج احمر ما صار شي...
بحر/هاا صدك وجهي احمر...
سماح/احمر ومثل التفاحة... وحتى علاء مرتبك...شنو الصار تكلمي احسن...
بحر/امري لله...كلتلها الصار كله...
سماح/ههههه تتكلمين صدك...واني كل ظني اعترفلج بحبه...
بحر/يا حب يا بطيخ...بس هذا الصار...
سماح/يمكن ما منتبهة لنفسج...بس انتي دوم تباوعين عليه...وهو هم.. عدكم انجذاب لبعضكم بس انتو روسكم يابسة وما تتنازلون لاي احد...
بحر/انتي شنو تتكلمين اني عندي انجذاب اله...اباوعله لان احقد عليه...ما سامعة بنظرات الحقد...
سماح/اي سامعة بس نظراتج مو نظرات حقد...نظرات شي ثاني...
بحر/غيري الموضوع صار ممل ومزعج...
سماح/اغيره بس خلي ببالج...انتو جاي تتهربون من مشاعركم...
بحر/ولج غيري الموضوع...كلتلج كل مشاعر اله ما عندي...بالعكس اكرهة واموت منه...
علاء/خلص الدوام وبقت بحر ببالي وشعرها الاسود ما يروح من مخيلتي... استغفر الله...هسة اني اكرها...شنو هاي الافكار...علاء اصحى من احلامك...
اسماعيل/علاوي شبيك من اجينا من المختبر للشقة انت بس صافن...شنو مريض مصخن؟...
علاء/لا ما بية شي بس افكر...
اسماعيل/وين تفكيرك ببحر؟..
علاء/لا..افكر بابوي يريدني اتزوج بنت عمي...
اسماعيل/اي وشبيها بنت عمك...وتعرفها...
علاء/انت شايف بنت عمي؟..هو عمي نفسه بس شعره طويل...حتى الصوت نفس الشي... لدرجة ابوي مرات يشتبه ويكللها خوية...عباله عمي...
اسماعيل/ههههه ولك مو لهل الدرجة مو حلوة...
علاء/لا لهل الدرجة جكمة...غير باقي السوالف الما بيها حظ...يريدون يعگلوها براسي لان محد يگلبها...
اسماعيل/والله ما اعرف شنو اكلك...بس هاي حياتك وانت حر بيها...
علاء/اعرف حياتي...بس اريد بنت الحلال حتى اسكتهم وما يتكلمون بعد بسالفة بنت عمي...
اسماعيل/شنو رأيك ببحر؟... حلوة وعمرها اظن اصغر منك...وشخصيتها حلوة...
علاء/تتكلم من كل عقلك اصلا اكرها...
اسماعيل/طيب البنية اللي كل فترة تزحف عليك...حوراء ام الصيدلية القريبة...
علاء/كلشي ما اعرف عنها...حتى اروح اخطبها او اسوي علاقة وياها...
اسماعيل/بس والله انت تبيع ثقل ويا البنات..
علاء/منو اني؟...
اسماعيل/اي حتى سماح بالبداية تقربت الك...بس انت صرت مؤدب وما تقبل تتكلم وياها...
علاء/لا ولك هم اريد ازحف مثلك واريد اكلم بنات...بس ارتبك وكل الكلمات تختفي مني..
اسماعيل/طيب وبحر؟...
علاء/ما اعرف بس هي اتكلم وياها هيج...يمكن لا ما معتبرها بنية اصلا...
اسماعيل/اذا بحر وكل هذا الجمال مو بنية...لعد منو البنية...قابل اني بنية...
علاء/كلشي يصير...بس اذا انت بنية اني اخطبك 😂😂..
اسماعيل/طاح حظك...صوجي اكلمك...بس حتى اذا اخذتني اريد بيت وحدي وتجيب شغالة لان اني عند اهلي مدلل ما اتقرب لشغل البيت... واطلع وارجع بكيفي...ومهري ما يقل عن 100 مليون...
علاء/اذا المهر 100 اني اريد اصير بنية مو انت ...
اسماعيل/ههههه...بس جديات فكر ببحر...ما تلگه مثلها...حتى هي بس انت تكلمك...عدها علاقة خاصة وياك...
علاء/اعرف علاقتنا مال الضراير... واترك هذا الموضوع...لا تكلمني بعد بيها...
اسماعيل/يلا راح اتركه... اخذ عمك بس شعره طويل..
علاء/لك لا تذكرني بيها...اريد انساها...
اسماعيل/صدك شنو اسمها بنت عمك؟..
علاء/اسمها لميس...
اسماعيل/ لا جديات شنو اسمها..
علاء/والله اسمها لميس...
اسماعيل/شنو؟؟...هذا عمك كفر بالاسم هذا... المفروض اقيم عليه حد...يعني بنت عمك اللي نسخة من عمك ولميس التركية؟...والله حرام...
علاء/اعرف والله...الناس تخطبها على الاسم... بعدين يتفاجئون بوحدة المفروض اسمها صبيحة مليحة أو مديحة... بس مو لميس...وكلهم يطفرون بعد ما يرجعون...
اسماعيل/يلا موجود ابن عمها يأخذها...
علاء/انت تريد واحد يخنگك...يلا نام ولا تكلمني بعد...اوووف صورة بحر بدون شال ما تروح من بالي...بس لا بديت صدك احبها...علاوي شنو هاي الافكار...هيج انت تفكر بس لان حلوة لا اكثر..
