من طائفة قلبي

البارت الخامس

علاء/صار الليل ومتردد اتصل...اول مرة بحياتي اتصل ببنية...اخذت الهيدفون وطلعت من الشقة...واباوع لرقم بحر...يلا راح اتصل اخاف ترزلني مثل اليوم..

بحر/اني انتظر علاء يتصل...ادري بيه جبان بهيج اشياء...حتى موبايلي شحنته للاخير...اباوع للموبايل ودك علية رقم غريب...بس كون علاء...اني انطيته رقمي بس نسيت اخذ رقمه... الو..
علاء/الو بحر؟..
بحر/اي ههههه..
علاء/شلونج؟..
بحر/زينة...انت شلونك؟..
علاء/تمام..
بحر/دوم يارب...بقينا ساكتين ما نعرف شنو نتكلم...صدك هم المكبلين عن شنو يتكلمون؟...
علاء/مشغولة؟..
بحر/لا لا...بس ما اعرف عن شنو لازم نتكلم...
علاء/معقولة؟..بحر ام لسان ما تعرف عن شنو تتكلم..
بحر/اني ام لسان؟..شنو نظرتك عني؟..
علاء/بنية حلوة ولسان...
بحر/حلوة؟..ههههه..
علاء/اي حلوة..
بحر/لعد ليش تگلي قزمة؟..
علاء/بس اريد اضوجج...بس الصدك طولج حلو وتخبلين...
بحر/يعني صدك انت هيج تشوفني؟..
علاء/اي اشوفج حلوة واحبج...
بحر/😍😍😍..علاء شكد تحبني؟..
علاء/امممم...يعني شوية...
بحر/هااا؟..بس شوية؟..
علاء/لا لا اتشاقة...احبج هواي...ما تعرفين شكد تعذبت حتى اكلج احبج...
بحر/المشكلة انت اثول كل اللي اسويه علمود اجذب نظرك ما ينفع وياك...
علاء/اني اثول؟..
بحر/لعد منو اللي عباله اكرهة لان خجلت منه ورجعت للبيت...وخلاني الليل كله انتظر..
علاء/اعتذر..حقج..
بحر/يلا ماصار شي...
علاء/يعني مزعلانة وضايجة مني؟..
بحر/لا مزعلانة ولا ضايجة...
علاء/طيب بالمختبر راح يعرفون بعلاقتنا؟..
بحر/اصلا عرفو حتى قبل لا تبدي..
علاء/ما فهمت..
بحر/يدرون اني عدنا مشاعر لبعض...ومنتبهين النا من زمان..
علاء/صدك طلعت اثول...
بحر/لا حشاك..
علاء/قبل شوية كلتيلي اثول هسة حشاك؟..
بحر/بس اني الي الحق اتكلم عليك..
علاء/المهم اني كلتلج احبج...بس لسا ما سمعت الكلمة منج..
بحر/امممم...نكدر نأجلها..
علاء/يعني لسا ما تحبيني؟..
بحر/لا مو هيج بس اخجل 😆😆..
علاء/كوليها يلا ما راح اتكلم اي شي اذا ما كلتيها..
بحر/علاء لا تسوي وياي هيج...
علاء/........
بحر/يلا اكولها وامري لله...(بصوت ناصي) احبك..
علاء/ما سمعت شي..
بحر/احبك...
علاء/ما اعرف يمكن سماعاتي عاطلات...ما جاي اسمع صوتج عيدي شنو كلتي..
بحر/اكلك احبك..
علاء/ههه اي اعرف سمعتها من اول مرة 😆😆😆..
بحر/ليش تخليني هيج اخجل؟..علاء راح ازعل عليك..
علاء/اموت على الزعلان واعشقه..
بحر/هههه خجلتني..
علاء/اروح فدوة للخجلان😍😍..
بحر/فديتك 😍😍..بقينا الليل كله بس نتغزل بيناتنا بس نسيت اسأله عن اهله وحياته...يلا باحر بالمختبر بس احصل مجال اتكلم وياه...

اسماعيل/علاوي ولك اكعد راح تتأخر...
علاء/بس شوية بعد ولك..
اسماعيل/اكعد ولك...انت شورطك بالحب..اليوم احيل عليك بحر واكللها شنو كلت عنها قبل..
علاء/اوكف كايم كايم...يلا كعدت بس بطل سوالفك..
اسماعيل/هههه خوش لزمة عليك...
علاء/خوش اخوة...تبتزني بهيج شغلة...
اسماعيل/لعد شنو عبالك...راح انتقم منك على كل الخنگات الي خنكتني..
علاء/يا حقود..
اسماعيل/ديلا كوم اغسل وبدل... حتى تطلع وياي..
علاء/اي اي كمت...رحت غسلت وحضرت نفسي بس ما تريگت لان متأخرين...كملت كلشي طلعنا وصلنا للمختبر...شفت بحر توها دخلت قبلنا دخلت وراها... صباح الخير..
سماح/صباح النور..
بحر/صباح النور..
اسماعيل/شلونكم..
سماح/الحمدلله تمام..
اسماعيل/بحر شبيج شو عيونج حمر ليش..
علاء/شكد خبيث اسماعيل يعرف بحر بقت وياي بالليل...
بحر/حلمت بيك وفزيت وما كدرت انام بعد من الخوف...
علاء/هههههه..
اسماعيل/هيج اخوف اني 😔😔😔..
بحر/اي بس بعدين تذكرت انت اسماعيل رجعت نمت..
علاء/تستاهل لو ساكت احسن الك..
اسماعيل/عليوي ترا عندي اسرارك بعد لا تتكلم..
علاء/.....
بحر/اسرار شنو؟..
علاء/ما عليج بيه هذا وحدة يتكلم بدون وعي..
بحر/علاء لعد ليش سكتت؟..
علاء/باوعت لاسماعيل بعصبية...ولك انت شسويت هسة هاي ما تصدكني...
اسماعيل/ههههه انتو حلوها بينكم...
علاء/اني الك...
بحر/بطلو تبسبسون بينكم...علاء شنو الاسرار..
اسماعيل/تعاركو المحبين ههههه..
بحر/اسماعيل حسابك بعدين...
اسماعيل/هاا اي 😰😰😰..
علاء/ولج والله يتشاقة وياج..
بحر/متأكد؟؟..
علاء/اي متأكد..
اسماعيل/ولك علاء هاي من هسة مسيطرة عليك...شلون بعدين..
علاء/الله يفرجها...صدك تخوف وهي عصبية..
اسماعيل/هههه..بس بعدك تحبها؟..
علاء/ما جاوبته..بس حتى وهي عصبية احبها اكثر وكل ما اعرف عنها شي هم احبها...حتى سلبياتها كمت احبها..ما اعرف شنو سرها..بس هاي البنية دخلت قلبي وبعنف..
بحر/صار عندي فضول اعرف شنو ضامة علاء عني...اعرف مو شي مؤذي بس فضول بنية تريد تعرف كلشي عن حبيبها..صارت ال9 ونص تقريبا وكتلني الجوع...بسبب علاء متأخرة الصبح وما تريگت...رحت لمكان علاء...علاء علاء..
علاء/هاا بحر..
بحر/جوعانة حيل..
علاء/ما متريگة؟..
بحر/اي..كعدت متأخرة..حباب جيبلي ريوگ..
علاء/اني هم ما تريگت وجوعان..
بحر/لعد كوم جيب ريوگ..
علاء/بس انتظري شوية..
بحر/اوك..
علاء/اسماعيل..عدنا بعد شغل هواي؟..
اسماعيل/اممم خلي اشوف......لا ما ماكو شغل...اليوم قليل..
علاء/لعد راح آخذ بحر نتريگ ونرجع..
اسماعيل/براحتك...بس اذا اجا شغل اتصل بيكم..
علاء/ان شاء الله..
بحر/وين ماخذني جيبلنا ريوگ لهنا..
علاء/ولج امشي خلينا ناكل بالمطعم لوحدنا...
بحر/بس استحي آكل بالمطعم ...وبس اني وياك..
علاء/لا اكو مطعم يكعدون بيه الكبلات قريب...جنت اريد اروح اله بس ما مكبل...وهسة تحقق حلمي..
بحر/حلمك تاكل بمطعم؟..
علاء/لا ولج حلمي اجيب البنية اللي احبها للمطعم..
بحر/وهسة تحقق حلمك؟..
علاء/اي راح يتحقق 😁😁..
بحر/ههههه..
علاء/شبيج تخبلتي وكمتي تضحكين..
بحر/لا بس ما مصدگة اللي يصير وانت تحبني..
علاء/لا صدگي اني احبج واريدج..
بحر/بس اني احبك اكثر😍😍..
علاء/لا تبدين منو يحب اكثر...امس بقينا الليل كله نشوف منو يحب اكثر...يلا خلينا نروح ناكل كتلني الجوع..
بحر/اخذنا علاء لمطعم يخبل بس اكثره كبلات...رغم هسة الصبح بس الكبلات خير من الله..لعد بالليل شلون..كعدنا وردنا نطلب اكل..
علاء/شنو تطلبين؟..
بحر/همممم محتاره بس اني اگول بيتزا مو احسن..
علاء/يعني تاكليها من الصبح؟..
بحر/ما اعرف بس حاليا مشتهية بيتزا 🍕..
علاء/لعد اني هم آكل بيتزا وياج..
بحر/طلب علاء البيتزا وشوية اجت...واحنا ناكل سألني علاء..
علاء/بحر شنو اطيب اكلة عندج؟..
بحر/اطيب اكلة؟..يعني اكثر شي احبه؟..
علاء/اي..
بحر/طماطة گلي..
علاء/هااا؟..
بحر/اي طماطة گلي وتكون شوية لاچعة..
علاء/اني احب بنية لو شايب؟..لازم اعيد التفكير من جديد..
بحر/هاا علاء تفكر بشنو؟..
علاء/لا هيج ويا نفسي..بس متأكدة انتي مثل باقي البنات يحبون الصاج وبيتزا وكص على الاقل حاولي تهمبلين وتگولين احب الدولمة..
بحر/ليش اجذب احب الطماطة الگلي والتشريب والمرگ وخاصة الشجر..
علاء/لا يا ربي مكبل ويا شايب..ولج صيري مثل باقي البنات عوجي حلگج وگولي بويتزا وصواج وكوص..دلعي شوية علية..
بحر/ما اعرف ادلع...وشبيها الطماطة الگلي والتشريب..
علاء/ولج حتى ابوي بطل ياكلهن يشوفهن يخربن الاتكيت..
بحر/والله انت بطران.. اطيب شي هنة ذني..
علاء/طيب تحبين الدولمة؟..
بحر/مو كلش...بس احب الباچة..
علاء/لا يا الله مكبل ويا عظام مو بنية...ولج جاي تخربين احلامي واحد ورا الثاني ليش ولج على الاقل جذبي علية..
بحر/كلتلك ما احب الجذب..وشبيهن هاي الاكلات بس الما يعرف الاكل ومو متذوق يكرهن...
علاء/اي يالمتذوقة... اليسمعج يگول تتكلمين عن الاكلات الايطالية والفرنسية...وانت تسولفين عن الباچة..
بحر/خلي شنو احب يولي...انت شنو تحب؟..
علاء/اني اكثر شي احبه بيض وبتيتة..
بحر/بيض وبتيتة؟..
علاء/اي شبيهن؟..
بحر/بعد كل كلامك عن الايطالي والفرنسي...تحب بيض وبتيتة...ان بگلبي گلت هسة يحب اكلة ما سامعة بيها...بس طلعت بوخة..
علاء/ولج منو البوخة...
بحر/هههه لا تزعل حبيبي 😍😍..
علاء/ما ازعل منج...بس خلينا نكمل حتى نرجع للمختبر..
بحر/اوك..كملنا كلشي ورجعنا للمختبر...
اسماعيل/سفرة سعيدة...شو اديكم فارغة..
علاء/شنو كنت تريد شي؟..
اسماعيل/احنا هم جوعانين ليش ما جبت وياك لفات كص الي ولسماح..
سماح/لا اني ما آكل...ما اريد يزيد وزني..
بحر/وعلى اساس وزنج فدشي...اصلا بعد شوية وتصيرين ثنين من الضعف..
سماح/ولج اني اهتم برشاقتي علمود خطيبي 😄😄..
بحر/شوف الضحكة الفاهية...اذا بقيتي هيج راح يصير شكلج يلعب النفس..
اسماعيل/تركونا من كلامجن هسة اني جوعان..وتعبت بالشغل هواي وراكم وانتو ما تقدرون تعبي..
علاء/تدلل هسة اجيبلك شي تاكله..
اسماعيل/اي جيبلي بس كون شي آكل بيه هواي وكميته جبيرة..
علاء/من عيوني...
بحر/ طلع علاء من المختبر...وشوية رجع..هاي شنو علاء شجبت لاسماعيل؟..
علاء/شنو جبت ليش متفاجئين..هو جبس ابو الهدية ياكل بيه هواي وكميته جبيرة..
اسماعيل/لك علاء هسة وقت تحشيش...
علاء/لا والله بس جبته على طلبك..
اسماعيل/لك كان قصدي بيتزا...
علاء/لا قبل شوية اكلنا بيتزا بعد ما نشتهي..
اسماعيل/انتو اكلتو واني شعلية...راح اطلب بيتزا وانت ادفع الحساب..
علاء/اطلب بس ادفع بس نص الحساب..
اسماعيل/هم موافق...طلبت البيتزا..ونص ساعة وصلت..يلا منو يتفضل؟..
سماح/اني ما اريد ..
بحر/اني اريد..
علاء/واني هم..
...بعد 15د ...
اسماعيل/شنو هاي...اكلت بس قطعتين و6 قطع ببطنك وبطن حبيبتك..غير ما تشتهون؟..
علاء/عبالنا ما نشتهي بس طلعنا غلطانين..
بحر/لا الغلط منك انت عزمتنا...وشي ثاني علاء دفع وياك الفلوس..
اسماعيل/دفع بس نص الفلوس...اطلبكم قطعتين..
سماح/ههههه ورطت نفسك ويا ثنين محد يغلبهم...
اسماعيل/صوجي ادري بيكم ما تخجلون...عبالي تگولون لا ما نريد بعد ما اعزمكم..
علاء/اني ما احتاج عزيمة..
بحر/واني اذا علاء دافع حساب بيها من حقي آكل..
اسماعيل/استغفر الله...ان شاء الله اللي ياكل وياي بدون عزيمة يصير عنده اسهال..
علاء/عادي اجيب علاج وياي...
اسماعيل/يا قليلي الحيا..
سماح/اسماعيل لا تتعب نفسك ما تكدر الهم..
بحر/يلا اجو مراجعين خلي نكمل شغل..كملنا شغلنا وصرنا نطلع..علاء اكو ببالي سؤال..
علاء/جواب..
بحر/علاء شكد عمرك؟..نسيت اسألك..
علاء/عمري 27 سنة...يمكن اكبر منج..انتي شكد عمرج؟..
بحر/هاا؟..اي بعدين من اتصل اكلك..راح اتأخر على السيارات..
علاء/خليني اوصلج..
بحر/لا ما يحتاج...عمره 27 ؟...سودة بفكرج بحر...اذا عرف عمرج 33 يمكن يتركج...اووف ليش حظي هيج يا ربي..اول مرة بحياتي اكره عمري..بالليل اتصلت بعلاء وكل ما يجيب سيرة عمري اتهرب من سؤاله واغير الموضوع..والاسبوع كله اتهرب من الكلام وياه خاف يسألني عن عمري...بس اليوم قررت اكول عمري لعلاء واليصير خلي يصير... احسن ما اظل اتعذب ويكرهني اكثر واكثر..
علاء/هذا الاسبوع حيل ضايج..اعتقد بحر بدت تمل مني وحبها يقل الي...كلما احاول اكلمها تكول عندي شغل او اريد اروح لهيج مكان...حتى بالليل ما جاي نتصل هواي دائما تگول مشغولة او امها يمها...اريد اواجها بس خايف من كلامها...يمكن هاي نهاية علاقتنا...اللي ما استمرت اكثر من شهر...كنت حتى مخطط من انزل لاهلي افاتحهم بموضوع الخطوبة..بس على ما يبدو بحر تفكر بشي ثاني..بالدوام صاحتلي بحر...تريد تتكلم وياي...احس بگلبي يريد يگمز من مكانه...لزمني الخوف وما اعرف شلون راح يكون ردي الها..طلعنا للممر وسكتت...اني هم سكتت بس اريد أأخر اللي راح يصير ولو ثانية...لحتى تكلمت..
بحر/علاء عندي شي مهم وياك ولازم نتكلم بيه بعد ما اگدر اضم عليك..
علاء/عرفتها راح تتركني...هسة تطلع مخطوبة او حبت واحد غيري..او شافت مني شي محلو وكرهتني..شنو هذا الشي المهم؟..
بحر/علاء ما اعرف شلون اگلك بس..
علاء/بلعت ريگي..كولي اتحمل كلشي..مستعد لاي شي تگوليه..
بحر/ما اريدك تكرهني او بعد ما تحبني..
علاء/لا ما اكرهج لا تخافين...تأكدت راح تعوفني..
بحر/علاء.......اني عمري 33 سنة وهمين سنية..
علاء/گالتلي على عمرها ومذهبها...بس اني منتظر شنو الشي المهم سكتت وانتظرها..
بحر/شنو ردك علاء؟..
علاء/لسا ما سمعت الشي المهم حتى ارد عليج..
بحر/لا هسة كلتلك..
علاء/ما سمعت شي بقيتي ساكتة..
بحر/مو كلتلك على عمري ومذهبي..
علاء/اي اعرف گلتيلي على عمرج ومذهبج ...بس لحد الان منتظر شنو الشي المهم اللي راح تگوليه...
بحر/مو كلتلك الشي المهم عمري ومذهبي..
علاء/عمرج ومذهبج الشي المهم؟..يعني مو مخطوبة او حبيتي واحد غيري او كرهتيني..
بحر/انت منين تجيب هاي الافكار...شكد تبالغ...بس عمري اكبر منك عبالي راح تكرهني..
علاء/بس اني اعرف عمرج من زمان..
بحر/تعرف عمري من زمان؟؟؟..
علاء/اي شفته اوراقج يم الدكتور من استلمنا رواتبنا وشفت عمرج...وانصدمت منه لان ممبين عليج هذا العمر... اصلا عبالي اصغر من سماح..
بحر/لعد اني على شنو جنت خايفة ومرتبكة...طيب انت ليش دائما تسألني عن عمري اذا تعرفه؟؟..
علاء/عبالي راح تضوجين مني لان عرفت عمرج بدون اذنج..
بحر/يعني انت السبب بكل اللي صار بيا هذا الاسبوع؟؟..
علاء/اني؟؟..وليش اني السبب؟؟..
بحر/انت على يوم يكتلني الثول مالتك..انت تعرف الشباب اكثرهم يحبون البنية اصغر منهم او بعمرهم...واني كنت خايفة انت هم هيج...وراح تتركني..
علاء/بس اني ما اهتم لا بالعمر ولا المذهب..
بحر/طبعا هو الاثول مثلك يهتم بشي؟؟..
علاء/اي يهتم ببحر..
بحر/صدك؟؟😍😍😍
علاء/اي صدك...ما تشوفين وجهي صار اصفر من وراج..
بحر/كل اللي صار بسببك...بعد لا تتكلم بالموضوع..
علاء/حاضر...هاا لا مو حاضر اني الرجال وبكيفي..
بحر/علاء...
علاء/العفو حاضر..
بحر/لا خلينا نتكلم جد اليوم بالليل..
علاء/اي اني هم ردت اكلمج بالجد...وكنت منتظر الفرصة المناسبة ما دام فتحتي الموضوع..
بحر/صدك؟ هههه😍😍😍
علاء/رجعنا للضحكة الغبية...ولج بطليها..
بحر/اوك 😍😍😍
علاء/گولي حاضر 😡
بحر/حاضر...فديته العصبي 😍😍😍
علاء/يلا خلي نرجع تأخرنا عليهم..
بحر/حاضر حبيبي..
علاء/بحر...
بحر/هااا..
علاء/احبج..
بحر/هههههه واني اكثر 😍😍..
علاء/استغفر الله...هم الضحكة الغبية...
بحر/هههههه.. خلص اليوم ورجعنا كل واحد لبيته وبالليل اتصل علاء...
علاء/الو حياتي..
بحر/هلو حبيبي..شلونك؟..
علاء/الحمدلله تمام...بقينا نتكلم لحد ما فتحت الموضوع...اكلج بحر اريد اكلمج بجد ونخلي كلشي رسمي مو مثل الحرامية نتكلم بهمس..
بحر/اني موافقة...
علاء/هو شنو گلت وانتي وافقتي..
بحر/على كلشي تريده انت..
علاء/لعد اني راح انزل بعد اسبوعين وأخبر اهلي عنج...وبعدها اجي اخطبج..
بحر/هههههه...
علاء/ولج بطليها هل الضحكة..
بحر/حاضر ابو جهالي 😍😍😍..
علاء/لا تستعجلين خلي يوافقون اهلنا بالاول..
بحر/اي صحيح...بس اريدك ابو جهالي وزلمة بيتي..
علاء/ان شاء الله..
بحر/ان شاء الله...صدك بعد اسبوعين نزل علاء لاهله...واني انتظر منه يرجعلي خبر مفرح...

بيت ابو علاء....

ابو علاء/مستحيل...لو تطلع نخلة براسك متتزوجها...بنت عمك لميس بس هي الك..
علاء/لميس ما اخذها لو تظل آخر وحدة بالدنيا...انت حتى ما شفتها بحر وحكمت عليها...
ابو علاء/ولك شنو ما شفتها...انت ما تعرف ما تعرف اصلها وفصلها منين ما منين...تريد تنزل روسنا گدام العالم..
علاء/بوية شنو هذا الكلام؟..اليسمعك يگول بحر بنت شارع..
ابو علاء/اي بنت شارع..
علاء/حتى لو ابوي ما اسمحلك هيج تگول عليها..
ام علاء/يمة حرام عليك ترادد ابوك علمود بنية..
علاء/حرام عليكم تريدون تزوجوني غصب لوحدة حتى ما اطيقها..
ابو علاء/هاي بنت عمك...وما راح تلگي احسن منها..
علاء/كلها احسن منها..قصدك ما راح الگا اسوء منها..
ابو علاء/انجب واحفظ لسانك.. لا تگول على بنت عمك هيج..
ام علاء/علاء حتى لو ما تزوجت لميس ابوك ما يرضى تتزوج هاي اللي اسمها بحر..
علاء/يمة انتو غير تنطوها فرصة وتشوفوها...حكمتو عليها وانتو ما تعرفون عنها شي..
ابو علاء/ما نريد نعرف..ما ندري وين لگيتها... والله اعلم شلون مقشمرتك..يا قشمر..
علاء/بعد ما اتكلم وياكم...صارت شغلة عناد وياي؟..اني هم اعاندكم واخذ بحر يعني اخذ بحر...