طريقي

الفصل الرابع

.
.

متكتفه و بتنفي بإصرار : قولت لا يعني لا
عبس و انتحب : ليييه؟؟؟

بصتله باستنكار : ما تكبر يلا.. و بعدين انا مش ممثله علشان اعمل دور زي دي

كان حازم بيحاول يقنع سهيله بشتى الطرق انها تمثل معاه في الفيلم بس طبعا هو لو يطول ميعملش كل ده طبعا لأنها وصلت للترجي حتى لكن لكه بثمنه زي ما بيقولوا لو مكانش حد ماسكله ذله مكنش عمل كده ولا فكر انه يتنازل قصادها و يبان انه فعلا طفل و يتثبتلها بالشكل ده

..

# فلاش باك

بعد يومين من الواقعه في اللوكيشن المخرج استدعى حازم في مكتبه في حين أن العمال بيصلحوا أضرار اللوكيشن إلى سببتها سهيله في نوبه غضبها إلى مش بتعرف تسيطر عليها لما بتيجي و ده من ضمن أسرارها إلى محدش يعرفها نهائي

المخرج راح قعد على الكرسي إلى قدامه و اردف بجديه : حازم انا جايبك هنا في موضوع هام جدا يخص الفيلم بتاعك

بلع ريقه بخفه من جديه إلى قصاده و حس ان الموضوع فيه سهيله و بقى شكله زي الزفت و خاف انه يدفع ضمان عن إلى حصل لأنها طبعا لا تملك إلا مرتب مش بيكفيها الشهر بتاعها اصلا : ايوه حضرتك

اتنهد و رجع ظهره لورا : الحقيقه انا جايبك اكلمك في موضوع البنت الي كانت معاك من يومين و دمرت اللوكيشن كلفتنا آلافات و خساره الشركه جامده - نزل راسه لتحت من الاحراج بسببها و بقى بيتوعدلها بالموت - بس مش هو ده السبب إلى هكلمك فيه لانه مش مهم الصراحه عادي ياما خساير تمت في أي فيلم حصل شيئ متوقع ف احنا هنعتبرها احد الخسائر دي

رفع رأسه بصله بتعجب : انا مش فاهم حضرتك

قام وقف من مكانه : الفكره يا حازم اننا عاوزين ممثله أدوار حركه زيك و مكناش لاقيين مش كده؟!

اومأله مع عقده حواجب : ايوه حضرتك بس ده ايه علاقته ب سهيله إلى دمرت اللوكيشن؟؟

وقف مكانه : هي اسمها سهيله؟!!
أومأ بخفه : اه هي

كمل مشي : طيب.. عموما انا لاقيت إلى هتقوم بالدور ده و هتأديه بجداره كمان

رفع رأسه بصله بترقب : مين دي؟؟ و لقيتها ازاي ده مكنش فيه اي حد خالص فاضي للدور ده؟!!

حط ايده على كتاف حازم من ورا لما وقف ورا كرسيه و قاله : سهيله هي الي هتقوم بالدور ده

لفله بصدمه : ايه؟؟؟
بعد عنه و راح ناحيه كرسي مكتبه : ايوه هي سهيله

بصله بصدمه لما قعد على الكرسي : ا ازاي؟؟ دي مش ممثله اصلا و ثانيا مينفعش لا لا مستحيل شوف حد تاني يقوم بالموضوع ذه.. مالها علا يعني! لا لا مش هيحصل الكلام ده