طريقي

الفصل الخامس عشر

.
.

بيبعد ايدها عن مكان الجرح و بيتألم : حسبي حسبي
بصتله و رجعت بصت الجرح تاني : معلش اسفه

ضغطت على الجرح علشان الدم ميخرجش و يخسر دم كتير ف بقت تبص حواليها على أي حاجة تدل على خروجهم بقلق و يأس : لازم نقفل الجرح ده

طلع صوت مكتوم متألم و شال ايدها من عليه و حط هو ايده مكان ايدها : خلاص خلاص ارتاحي انتي

قعدت عدل و أردفت بعتاب : ارتاح ازاي وانت بالمنظر ده و احنا تايهين في اللامكان مش لاقيين إلى ينجدنا!!

اتحرك بصعوبه رجع ورا علشان يسند ظهره على شجره و اردف : هتتحل هتتحل اصبري بس

نفخت بقلق و توتر : يااااا الله بس - بصت بعيد -
ابتسم بصعوبه : مكنتش اعرف انك بتخافي عليا اوي كده

بصتله على طول و ضربت كتفه بخفه : حتى و انت تعبان مبترحمش! اسكت بقى يمكن الجرح يقفل

ضحك بخفه و اردف : فكره تصدقي

سكتت كانت بتفكر في حاجة و قامت وقفت فجأه تحت نظراته المتعجبه لفوق : ايه؟

قلعت الجاكيت بتاعها على عجل و راحت ناحيه الاتجاه إلى فيه المياه سدنت برجليها و ايدها كويس و مدت ايدها بتحاول تجيب الصندوق الصغير القماش إلى طافي على المياه و لونه برتقالي

سألها من ورا : انتي بتعملي ايه عندك؟!

مردتش عليه لأنها مانا بتمد ايدها ابعد علشان تجيبه من غير ما تقع تحت و اول ما جابته بطرف صوباعها شدته على طول و رجعت بهروله ناحيه إلى عينه ماشيه معاها

قعدت على الأرض قصاده فتحت السوسته بتاعه علبه الإسعافات الاوليه و حمدت ربنا انها متبدلتش و فضل طايفه فوق ف زحفت بالقرب منه و أردفت : ارفع هدومك

بصلها بصدمه : ايه؟!!
نفخت و أردفت : انا لسه هتتصدم.. انا هخلعلك البتاع ده

مدت ايدها علشان ترفعله البلوفر الأسود لفوق علشان يبانلها الجرح إلى مفتوح : امسك انت عبال ما انا اتصرف

مسك البلوفر إلى هي رفعته لفوق و مدت ايدها جابت العلبه حطيتها على حجرها و قعدت تخرج منها حاجات منها قطن و شاش و معقم و بلاستر و خرجت ابره فيها خيط ف هو اتفزع و هو دورت عينها و رجعتها مكنها قفلت العلبه

مسكت القطنه و حطت فيها معقم و قربت منه و قبل ما تحط قالتله بتحذير : هتحرقك شويه.. أو كتير اكيد يعني مهو جرحك مفتوح

بلع ريقه و اردف بتردد كبير : يلا بس

رقعت كتافها و راحت حاطه القطنه على طول ف اتشنج من الألم و كان هيشيل ايدها بس هي مسكتها مكانها و أردفت مهدئه ليه : أهدى أهدى.. قولتلك هتوجعك

اردف بتألم : كنتي عاوزاني اعمل ايه يعني ارقص
بصتله : لا تسكت يا خفه هه هه

شالت القطنه و ملتها تاني و رجعتها و هو مش مستحمل الألم ف بصتله بتهدي فيه : معلش هيعدي اصبر بس