طريقي

الفصل الرابع عشر

.
.

اليوم التالي / الساعه 8:30 الصبح

واقفه في المطبخ بتتذمر و بتبرطم و هي بتعمل القهوه للأستاذ بعد ما طفحته لأنها معرفتش تنام طول الليل بسبب الحلم إلى شاغل بالها و بقت تلعن الحلم على اللي حلمه لأن بسببه مداقتش النوم خالص

خلصت عمايل القهوه و صبتها في الكوبايه و على وشها علامات انزعاج و مكشره جدا بشكل مش طبيعي بعذها مسكت الكوبايه علشان تخرج تديهاله باندفاع و هو كان جاي بالفعل كانت الكوبايه هتتدلق عليهم بس هو لحقها على طول : حاسبي كنا هنتسلخ.. هاتي دي

خد منها الكوبايه و هي عقده حواجبها بشده ف يصلها باستغراب : مالك من الصبح مكشره كده ليه؟؟ و طول الليل بتتقلبي و عماله تفركي في السرير في ايه؟؟

سرخت فيه و ركن الاتهام ليه : مهو كله بسببك!!!

عدت من جنبه خرجت للصاله ف هو تمتم بتعجب : كله بسببي؟؟ - راح وراها و اردف - هو انا عملتلك حاجة؟؟

بيراقبها و هي بتمدد على الكنبه و واخده المخده في حضنها ف كرر عليها : ما تنطقي!

بصتله من انزعاجها و هددته : بص انا مش طايقه نفسي و ممكن اصورلك قتيل هنا.. امشي بقي سيبيني انام شويه اوف

غمضت عينها و نفخت ف هو ردد : امشي بقى سيبيني انام شويه اوف!.. طيب و ماله نامي اهو أوفين عليكي

نفخت و شدت على المخده إلى فى حضنها بتحاول تنعم بشويه راحه قبل ما عقلها يفرفع من قله النوم..

.

بعد ساعتين و نص

كانت نايمه زي القتيل و مش درايانه بحاجة ولا درايانه بالي نازل وراها متشيّك مستعد للخروج ، راح ناحيه القتيله قصدي إلى نايمه و حط ايده على كتفها حركها بخفه : سهيله.. سهيله قومي انا نازله.. انتي يا بنتي!

همهمت بانزعاج من نومها انا صدقت نامت : مم يا ماما سيبيني شويه بقى اوف

اتنهد و كرر تاني : قومي يا سهيله امك مسافره انا حازم
مفيش رد ف سرخ فيها : سهيله!!!!

اتسرعت و قامت قعدت على طول من السرعه : ايه ايه في ايه سرعتني!!!

مردش عليها ف هي فتحت عينها بصعوبه و بصت لفوق بصعوبه بعدها دعكت عينها علشان تشوف كويس و فتحتها نص فاتحه و شاورت على هدومه بتعجب : استنى استنى كده .. انت رايح فين ان شاء الله؟!

دور عينه : امال انا بصحيكي ليه!
غمضت عينها و بتنام اصلا ف نادي عليها تاني : سهيله!!!.

فتحت عينها بصعوبه و ارذفت بتمتمه ناعسه جدا : مارك ايه ايه تاني ما تنزل و بعدين انت متشيك كده رايح تقابل مين و انت مز كده

آخر جمله قالتها بصوت واطي لأنها راخت في النوم تاني  ف هو مسعمش غير هو رايح يقابل مين ف قال بتنهد : رايح اقابل المخرج كلمني علشان قبض على إلى ضرب عليا رصاصة من شهرين و عاوزني اشهد عليه في المحكمه و هيقولي على الموقع إلى هنصور فيه النهارده و.. انتي سامعاني اصلا؟!!