طريقي

الفصل السابع

.
.

سكت لمده لحظات بعدها بصلها ف بصتله : ايه؟؟
رجع بس للي واقف تاني و اتنهد بعمق : مفيش حاجة

مسكها من معصم ايدها و لف ناحيه العربيه تحت نظراتها المتعجبه بس معندهاش استعداد تسأله لأن باين علي وشه كفايه اوي

لنا ركبوا العربيه هو ساق في صمت و هي فضولها ممنعهاش انها تسأله رغم أنها مسكت نفسها كتير : هو مين الي وقفنا و كان بيكلمك ده؟؟

اتنهد و اردف : ده واحد كده بيهددني بقاله شهور كل شويه بصور و قرف علشان ادفعله الفلوس الي عاوزها هو انا لاقيها في الأرض مثلا! ده ايه العبط ده!!

سالته بلاهه : طب فيها ايه يعني هو هيكون ماسك عليك ايه مثلا لو انت واثق انك مش بتعمل حاجة غلط خلاص يعني عاوز ينشر ينشر

نفى بشويه انفعال : لا طبعا بنشر ايه في كلام مثلا مينفعش يتقال أو في ناس بقابلها و كذه غير أنه معاه صور لأهلي و انا مش عارض حد من اهلي في الوسط ده علشان يعيشوا براحتهم و انتي طبعا عارفه الناس اما بتصدق تلاقي اي خيط و تدوس عليه اكتر - نفخ بضيق - و الله ما انا عارف اعمل ايه خلاص زهقت

همهمت بتفكير و ربتت على كتفه : هدى نفسك طيب.. ادفعله الفلوس و خلاص!

بصلها بحده ف نفت الفكره : انتي هبله ولا ايه؟؟ لا طبعا ادفع مين مش هيحصل و بعدين ده طالب اكتر ما انا املك و كمان مهددني المرادي ب صوري انا و انتي

أكن حد ضربها قلم على وشها فوقها ف بصتله بصدمه : صور.. عليا انا و انت!!! امتى و فين و ازاي؟؟؟ هو احنا اصلا بنتقابل اصلا الا في اللوكيشن! و كمان مفيش حاجة يعني صور ايه دي الي ماسكها اهبل ده!

بدل ما يتكلم طلعلها موبايله من جيبه و رماه على رجالها ف بصت للموبايل و بصتله بصدمتها ف فهمت انها تفتحه ف فتحته لأنه مش عامل لوك ف اول حاجة قابلتها الثلاث صور إلى متصورين بيهم لما كانوا ورا الكافيه بليل

بدأت تنفي بصوت : لالالالا الكلام ده ميتسكتش عليه ابدا
اتنهد بقله حيله : ايوه يعني نعمل ايه يعني؟؟!

اتنهدت و رمي رأسها على الكرسي : مش عارفه
تمتم بينه و بين نفسه : ولا انا عارف و الله

.

موقع التصوير

لما رجعوا كانوا في حاله صمت عجيب و هو استغرب من صمتها المفاجئ ده بس ميعرفش أهلها بتحاول تسيطر على شحنتها إلسلبيه انها تضرب خناقه مع أي حد و مستنيه الفرصه انها تنفجر فيه

و للأسف واحد مسكين وقع ضحيتها، كانت واقفه و بتراجع السيناريو بعينها فجأه سمعت كلام كده معجبهاش من الي وراها

- بقولك ايه انا زهقت منك و من تصرفاتك الهبله دي

- و انت مزهقتش من كتر ما انت بعيد عني! انت ايه يا أخي مفيش دم خالص مش بتغير عليا حتى و لو حبه صغيرين بسهوله كده تقول لأي راجل ياخذني هو مفيش دم خالص مفيش احساس ايه يا ربي ده!