طريقي

الفصل الثامن

.
.

راحت عند المطبخ و خلاص مستعده انها ترزع الاباجوزه دي في المقتحم و سرخت حسب الموقف و خلاص قبل ما تخبط الاباحوزه في دماغ المقتحم ده اكتشف انها امها!

رمشت كزه مره قبل ما تستوعب : ماما!! انتي ايه إلى جابك هنا و ازاي عرفتي مكان الشقه دي و دخلتي ازاي اصلا و الباب كان مقفول من جوه!

لفتلها و بصت بسخط : يا ربي هو انا غلط في ايه علشان اتبلا بيكي و بلسانك إلى عاوز قطعه ده، مش بدل ما تقوليلي ازيك يا ماما صباح الخير يا ماما

دورت عينها و أردت : صباح الخير يا ماما ازيك يا ماما تحبي اوريكي طريق الباب يا ماما؟!! - طرده غير مباشره يعني -

بصتلها بصدمه خبطت ايدها على رأسها بقله حيله على بنتها : غلطت بتربيتك فين بس يا ربي

اكتفت و اردفت : انا لسه عند سؤالي تعرفي مكان الباب فين ولا اوديكي!

جاتلها ضربه على رأسها من اللامكان : و الله انتي ماتربيتي و انا معارفتش اربي اصلا في حد يقول لأمه كده هااا، عقوق الوالدين بيمشي في دمك

ماسكه رأسها مكان الضربه و نطقت ببلاهه : مش لما يبقى فيه والدين الأول!

و هوبا ضربه تانيه على رأسها فضلت تمسح فيها بألم و تتذمر، امها طلعت صوت ساخر و عدت من جنبها بتتذمر : تربيه واطيه هو دلع ابوكي ليكي هو السبب

مشت ورا امها إلى قعدت على الكنبه : يا ماما بقااااه
بصتلها بسخط : و ليكي عين تقولي ماما اصلا!!!

قعدت جنبها و بصتلها و ايدها على رأسها مكان الألم و اردفت : بردو مقولتليش انتي عرفتي مكاني ازاي؟؟ - ضيقت عينها - ليكون هو ال - انفعلت - ح..

و لسه هنتكلم امها قالت بهدوء : صاحبتي هي الد قالتلي رغم أنه رفض انه يقول على مكانك لما سألته يعني متظنيش سوء

ضيقت عينها : و بردو طنط عرفت منين اني هنا!
رفعت كتافها بعدم معرفه : ابقى أساليها بقى

اتنهدت و بعدها أردفن امها بعتاب : و بعدين مرجعتيش البيت ليه و فضلتي قلقاني عليكي و قولت اختطفت و في الاخر تطلعي هنا!!!

دورت عنيها على افوره مامتها وقالت بملل بتبص بعيد : لا متخافيش انا مش بتخطف

سكوت دام ما بينهم بعدها أردفت مامتها : مردتيش عليا بردو؟!!

بصتلها و بانفعال : ارد عليكي في ايه يا ماما سيبوني في حالي بقى شويه هلاقيها من مين ولا من مين!!

الأم اتنهدت و أردفت بحزن باين علي صوتها بصت بعيد : ولا حاجة خلاص

عملت نفسها مش مهتمه بس نبره مامتها أثرت فيها ف فضلت تعافر لحد ما ضعفت ف نفخت و بصت على مامتها : خلاص بقى يا ماما انا اسفه