Unicode
" Kyung Soo ရေ ဒီနေ့ အမှိုက်ပစ်ဖို့မင်းအလှည့်နော် "
ကောင်တာပေါ်ကနေ ထိုင်ရင်းလှမ်းအော်တဲ့ Junmyeon စကားကြောင့် ခေါင်းငြိမ့်ပြပြီး အမှိုက်ထုတ်ကိုဆွဲကိုင်ရင်း ထွက်လာခဲ့လိုက်သည်။
Kyung Soo နဲ့ Junmyeon က ကျောင်းပြီးတည်းက နှစ်ယောက်အတူ Cafe ဆိုင်လေးဖွင့်ထားခြင်းပေ။ နှစ်ယောက်သား တစ်အိမ်တည်းအတူနေကြပြီး အတူတူစီးပွားရေးလုပ်တဲ့ သူငယ်ချင်းနှစ်ယောက် ။
အမှိုက်ပစ်ပြီး အပြန်လမ်းကြားထဲကနေ လူရိပ်တွေမြင်လိုက်ရတာကြောင့် စပ်စုတတ်တဲ့အကျင့် အတိုင်း ခဏလောက်ရပ်ကြည့်နေလိုက်တယ်။
ကြည့်ရတာ ကျောင်းသားတွေဖြစ်မယ်ထင်တယ်
အယ်....ကျောင်းသား သုံးယောက်လောက်က အလယ်ကကျောင်းသားကိုဝိုင်းပြီးဘာပြောနေကြလဲမသိ။
မဟုတ်မှလွဲရော....ဒီကလေးတွေ အချင်းချင်းအနိုင်ကျင့်နေကြတာများလား...
အခုခေတ်ကလေးတွေများမလွယ်ပါဘူး
အလကားနေရင်း....တစ်ယောက်နဲ့တစ်ယောက်ပြသနာလိုက်ရှာပြီး နိုင့်ထက်စီးနင်းလုပ်နေကြတာများမနေနိုင်တဲ့ Kyung Soo ကပဲ လူကြီးပီပီဝင်ပြောပြီး ဆုံးမသင့်တာဆုံးမရမှာပေါ့
" ကလေးတွေ ဘာလုပ်နေကြတာလဲ အက်ဒါ "
ဘောင်းဘီအိပ်ကပ်ထဲကိုလက်ထည့်ပြီး ဆရာကြီးစတိုင်လျှောက်သွားတဲ့ Kyung Soo ကိုမြင်တော့အကုန်လုံးလှည့်ကြည့်လာတယ်...
Kyung Soo လဲ အနိုင်ကျင့်ခံရတယ်ထင်တဲ့ အလယ်ကကောင်လေးရှေ့ကိုဝင်ရပ်လိုက်ပြီး ရှေ့က သုံးယောက်ကိုကြည့် လိုက်တယ်။ အယ်....ရှေ့က ကောင်လေးသုံးယောက်မျက်နှာမှာ ဒဏ်ရာတွေနဲ့ပါလား......
သူတပြန်ကိုယ်တပြန် ချထားတာနေမှာပေါ့...." ဒီမှာ...မင်းတို့ဒီကကျောင်းသားကိုတစ်ယောက်တည်းဆိုပြီး အနိုင်ကျင့်ဖို့မစဉ်းစား နဲ့ အကုန်လုံးကိုရဲစခန်းပို့ပစ်လိုက်မယ် ဘယ့်နှယ့် ကျောင်းသားတွေက ကျောင်းသားလို မနေဘူး ပညာသင်ရမယ့်အချိန်မှာ ရန်ဖြစ်မယ်ထိုးမယ်နှက်မယ်နဲ့ သွားသွား! နောက်တခါမင်းတို့ကို ထပ်မမြင်ချင်ဘူး လိမ်လိမ်မာမာ နေကြ ကြားလား! "