Unicode
ရုပ်ရှင်ရုံထဲကသာ ထွက်လာရတယ် ရုပ်ရှင်က ဘာဖြစ်သွားမှန်းတောင်မသိလိုက်။
အယ်....
Do Kyung Soo လေးကတော့ ပေါက်ပေါက်ဘူးလေးပိုက်ပြီး မျက်ရည်လေးစမ်းတမ်းစမ်းတမ်းနဲ့။ဘေးက Kim Jongin ကတော့ Do Kyung Soo လေးကိုကြည့်ရင်း ပြုံးစိစိ။
" Honey ....အသည်း "
မျက်နှာလေးမဲ့ပြီး လှည့်ကြည့်လာပါတယ် ..
နှုတ်ခမ်းပိစိက တစ်တောင်လောက်ဆူလို့" ဟင့်! "
" ရှက်နေတာလား ....ဘယ်သူမှမမြင်ဘူးလေ Honey ရဲ့ "
" ဟိုလူကြီးက ကြည့်နေတာ မြင်လိုက်ပါတယ်ဆိုနေမှ!! "
ရုပ်ရှင်ရုံထဲမှာ သူတို့နှစ်ယောက်နမ်းတာကို လူတစ်ယောက်ကတွေ့သွားပါတယ်ဆိုပြီး ရှက်လို့တဲ့လေ။
အလကား...
အရင်ကဖြင့် နေရာမရွေးနမ်းခဲ့ကြပြီးတော့ အခုအမှောင်ထဲမှာနမ်းမိတာလေးကို လာရှက်ပြနေတာဟက်....
ချစ်စရာကောင်းတဲ့ Honey လေး" မြင်လည်းဘာဖြစ်လည်း...ကိုယ့်ချစ်သူကို နမ်းတာပဲ ရှက်စရာလား "
" မသိဘူးဟာ...ငါရှက်တယ် ဒါကြောင့် အနားမကပ်နဲ့ "
" ပြီးရောလေ "
ဒိုင်းကနဲ လှည့်ကြည့်လာတဲ့ မျက်စောင်းကြောင့် လူက တွန့်ခနဲ။
တစ်ခါလာလည်း လူကို အနားမကပ်ခိုင်းတဲ့ Honey ကို နည်းနည်းတော့ပေါက်လာပြီ ။
မှတ်လောက်သားလောက်အောင် မသိချင်ယောင်ဆောင်နေဦးမှပါ Honey လူဆိုးလေးကို ။
တစ်ခါလောက်တော့ ပစ်ထားကြည့်ဦးမယ်
" ဘာ ပြော လိုက် တယ် "
" ပြီးရောလေ လို့ ပြောတာလေ အနားမကပ်နဲ့ဆို "
" မင်း...မင်း ကပ်ရဲကပ်လာကြည့် သေမယ်! "
မျက်လုံးကြီးပြူးပြကာ ခြိမ်းခြောက်နေပုံက ခုန်ဆွခုန်ဆွလုပ်ပြီး။ အသည်းယားလွန်းလို့ ဆြဲပွေ့ပြီး ဖျစ်ညှစ်ပစ်လိုက်ချင်သည်။
စိတ်ထိန်း Kim Jongin ...
Honey ကို နောက်အနားမကပ်နဲ့ မပြောရဲအောင် ပညာပြရမယ်လေ။